

Shëndeti
Fuqia e lëngut të kumbullës për tretjen e mirë dhe shëndetin e stomakut
Published
4 years agoon
By
UBT newsLëngu i kumbullave të thata ka bërë për vete shumë njerëz në botë falë aftësisë që ka për të zgjidhur problemin e mundimshëm të konstipacionit.
Ky lëng ngjyrë vjollcë është i pasur me antioksidantë dhe substanca të tjera që përmirësojnë shëndetin nga këmbët tek koka.
Nëse jeni në kërkim të një mënyrë natyrale për të përmirësuar tretjen, dendësinë kockore, zorrën e trashë, shëndetin e zemrës e të tjerë, atëherë duhet të konsumoni më shumë nga ky lëng.
Në këtë artikull të AgroWeb.org do të mësoni më shumë për të gjitha vlerat që ofron lëngu i kumbullave të thata.
Si përgatitet lëngu i kumbullave të thata
Nxjerrja e lëngut nis pas tharjes së kumbullave.
Në fillim ato vendosen në ujë të nxehtë dhe valohen deri sa frutat të nisin e të shpërbëhen.
Më pas e gjithë masa filtrohet dhe pjesa e mbetur është një lëng i shijshëm dhe i pasur me fibër dhe përbërës të tjerë.
Vitaminat dhe mineralet
Një gotë e vetme nga ky lëng përmban shumë vitamina, minerale dhe polifenolë.
Kumbullat e thata përmbajnë në veçanti shumë magnez, kalium, fosfor, selenium, mangan dhe zink.
Ato janë të pasura edhe me vitaminë C, thiaminë, vitaminë B-6, vitaminë A, E dhe K.
Vlerat e lëngut të kumbullave të thata
Kundër konstipacionit
Ky lëng përmban shumë fibër dhe një përbërës natyral të quajtur sorbitol që ndihmon për jashtëqitjen dhe lehtëson lëvizjen e zorrëve.
Për më tepër, ky lëng ofron zgjidhje afatgjatë kundër konstipacionit.
Kocka të forta
Antioksidantët tek frutat dhe perimet luftojnë radikalet e lira që gërryejnë kockat dhe përshpejtojnë frakturat dhe thyerjet.
Lëngu i kumbullave të thata përmirëson dendësinë kockore dhe i bën ato më të forta sepse përmban shumë kalçium, magnez dhe vitaminë K.
Shëndeti i zorrës së trashë
Studimet shkencore janë të pamjaftueshme, megjithatë ato konfirmojnë se lëngu në fjalë nxit rritjen e shëndetshme të qelizave të zorrës së trashë.
Shëndeti i stomakut
Fibra tek lëngu i kumbullave të thata përmban shumë fibër.
Kjo e fundit ofron ushqyes të dobishëm për florën bakteriale në stomak dhe rrjedhimisht ofron ekuilibrat e duhur të baktereve.
Shëndeti i zemrës
Lëngu i kumbullave të thata ka një ndikim pozitiv në uljen e kolesterolit dhe tensionit të gjakut.
Konsumi i 12 kumbullave të thata në ditë mund të ulë ndjeshëm kolesterolin duke përmirësuar shëndetin e zemrës.
Mirëmbajtja e peshës
Shumë studime kanë nxjerrë në pah se kumbullat e thata nuk e rrisin menjëherë glukozën në gjak dhe se ulin nivelin e sheqernave në gjak.
Kumbulla e thatë përmban sorbitol, një substancë që përdoret si një alternativë e sheqerit për diabetikët.
Shëndeti i mëlçisë
Ekspertët konfirmojnë se kumbullat e thata kanë një ndikim shumë pozitiv në shëndetin e mëlçisë.
Ato munden të parandalojnë një sërë problemesh shëndetësore të këtij organi.
Si ta përgatisni në shtëpi
Përbërësit
1 filxhan çaji me kumbulla të thata
5 filxhanë çaji me ujë të pijshëm.
Përgatitja
AgroWeb.org ju udhëzon të vendosni ujin në zjarr dhe pasi të ketë marrë valë hidheni në një kavanoz qelqi ku keni shtuar më parë kumbullat e thata dhe pa bërthamë.
Mbulojini kumbullat me ujë dhe lërini të qëndrojnë për 24 orë.
Më pas futeni përmbajtjen e kavanozit në një mikser deri sa lëngu të jetë kompakt.
Përdorni një napë dhe filtrojeni.
Nëse keni nevojë për më shumë ëmbëlsi përdorni mjaltë.
Kujdes
Konsumi i tepërt i këtij lëngu shkakton diare dhe gazra të tepërt por edhe urth./AgroWeb.org
Shëndeti
Sheqeri po dëmton seriozisht shëndetin tuaj, ja çfarë duhet të dini!
Published
3 minutes agoon
April 24, 2025
Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.
Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.
Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.
Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.
“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”
Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.
Shëndeti
Këto ushqime nuk duhet t’i hani gjatë ditëve të nxehta
Published
56 minutes agoon
April 24, 2025
Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.
Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.
Nëse konsumoni shumë mish do të djersisni më shumë e do keni probleme me tretjen.
Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.
Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.
Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.
Shëndeti
A përplaseni me objekte e mavijoseni lehtë? Mund t’ju mungojë një nga këto lëndë ushqyese
Published
20 hours agoon
April 23, 2025
Edhe pse mavijosja është pjesë e jetës, një dietë e pasur me vitamina dhe minerale mund të ndihmojë në reduktimin e tyre
A ju duket se mavijoseni shpejt edhe pas goditjeve të lehta, ndërsa të tjerët mezi vënë re një ndryshim në lëkurë incidenteve të ngjashme?
Mavijosja e lehtë është një sinjal se trupit i mungojnë lëndët ushqyese që forcojnë enët e gjakut dhe lëkurën.
Edhe pse disa njerëz janë natyrshëm më të prirë ndaj mavijosjeve për shkak të gjenetikës ose llojit të lëkurës, ushqimi luan rol kyç në shpejtësinë e rikuperimit nga lëndimet e vogla. Ato ndodhin kur enët e vogla të gjakut nën sipërfaqen e lëkurës dëmtohen, duke bërë që një sasi e vogël gjaku të rrjedhë në indet përreth. Tek ata që mavijosen lehtë, ky proces intensifikohet dhe lëkura ka nevojë për më shumë kohë për t’u rikuperuar.
Mavijosja e lehtë mund të tregojë mungesë të lëndëve ushqyese, qarkullim të dobët apo edhe dehidrim.
Nëse vëreni mavijosje të shpeshta edhe pas ndikimeve të lehta, merrni parasysh rritjen e marrjes së vitaminave dhe mineraleve të mëposhtme.
Ushqyes që ndihmojnë në parandalimin e mavijosjeve
Vitamina C – Ndihmon në krijimin e kolagjenit, që mbështet strukturën e enëve të gjakut e lëkurës. Mungesa e saj mund të dobësojë enët e gjakut.
Burime të mira: agrumet, luleshtrydhet, specat, kivi dhe brokoli.
Vitamina K – Esenciale për koagulimin e gjakut, ndihmon në ndalimin e shpejtë të gjakderdhjes. Njerëzit me nivele të ulëta të vitaminës K janë më të prirur ndaj mavijosjes.
Burime të mira: perimet me gjethe jeshile si lakra jeshile, spinaqi.
Bioflavonoidet – Antioksidantë bimor që forcojnë kapilarët në kombinim me vitaminën C.
Burime të mira: agrumet, manaferrat, qepët dhe çaji jeshil.
Hekuri – Është thelbësor për formimin e rruazave të kuqe të gjakut dhe transportin e oksigjenit. Mungesa e hekurit mund të shkaktojë zbehje dhe të rrisë tendencën për të mavijosur lehtë.
Burime të mira: mish i kuq pa dhjamë, shpendët, peshku, fasulja, spinaqi dhe drithërat e fortifikuara.
Zinku – I rëndësishëm për riparimin e indeve dhe shërimin e plagëve. Mungesa e zinkut mund të ngadalësojë rikuperimin e lëkurës.
Burime të mira: mishi, butakët, bishtajoret, farat dhe arra.
Proteinat – Ato janë të nevojshme për të forcuar e riparuar indet, duke përfshirë lëkurën. Marrja e ulët e proteinave mund të çojë në enët e brishta të gjakut.
Burime të mira: vezët, pula, peshku, tofu, fasulet dhe kos grek.
Kur të bisedoni me mjekun?
Nëse vëreni se mavijosjet shfaqen shpesh ose janë të theksuara, konsultohuni me mjekun, pasi formimi i tepërt tregon probleme shëndetësore si çrregullime të koagulimit të gjakut, sëmundje të mëlçisë ose efekte anësore të disa ilaçeve.
Shëndeti
Studimi: Lotët ndihmojnë në diagnostifikimin e Parkinsonit
Published
22 hours agoon
April 23, 2025
Rrjedhja e lotëve, mund t’ju ndihmojë të tregoni nëse vuani nga sëmundja e Parkinsonit apo jo, thotë një studim i ri.
Biomarkuesit mund të zbulohen thjeshtë në lot duke u mundësuar mjekësve të diagnostifikojnë sëmundjen neurologjike e cila prek një në 500 njerëz.
Shkencëtarët zbuluan se kishte dallime minutëshe në nivelet e një proteine të veçantë e gjendur në lot.
Testi mund të ndihmojë në zbulimin e sëmundjeve para se simptomat të zhvillohen duke lejuar mjekët të përshkruajnë trajtime të tilla si medikamenti për të rivendosur dopaminën në tru.

Sheqeri po dëmton seriozisht shëndetin tuaj, ja çfarë duhet të dini!

Plagosja e mbrëmshme në Prishtinë dyshohet se është kryer nga dy të dyshuar

Rama: Refuzimi për ta çuar PZHK-në në shqyrtim publik mohon të drejtën e qytetarëve

Meta zgjeron qasjen në AI përmes syzeve Ray-Ban në Evropë

Murati: Kosova me rritjen më të shpejtë ekonomike në Evropë në vitin 2025

Avokati i familjes Lika: Të përmbahemi nga hamendjet, drejtësia s’duhet të ndikohet

Në përpjekje për paqe, Presidenti ukrainas Zelensky viziton Afrikën e Jugut

86 aksidente trafiku dhe mbi 2 mijë gjoba në 24 orët e fundit

Përshkallëzohen tensionet mes Indisë dhe Pakistanit, pas sulmit vdekjeprurës në Kashmir
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT