Sport

FSHF i lë pa bileta, vjen reagimi nga Tifozat Kuq e Zi: Stadiumin nuk mund të na ndalojë askush

Published

12 months ago

March 17, 2025

UBT News

Kombëtarja e Shqipërisë është grumbulluar për dy ndeshjet kualifikuese për Kampionatin Botërorë që do t’i zhvillojë në muajin mars.

‘Kuqezinjtë’ do të përballen me Anglinë në udhëtim më 21 mars derisa tre ditë më vonë presin Andorrën në ‘Air Albania’.

Për ndeshjen në shtëpi, nuk do të ketë bileta të rezervuara për tifozërinë e Kombëtares ‘Tifozat Kuq e Zi’.

Ka qenë vetë faqja e tifogrupit më të madh shqiptar që ka njoftuar se për herë të parë pas 21 viteve veprimtari të Tifozave Kuq e Zi janë lënë pa bileta dhe arsyetimi nga FSHF ka qenë se duan gjithëpërfshirje.

Njoftimi i plotë nga Tifozat Kuq e Zi:

Të nderuar anëtarë,

Si asnjëherë më parë në këto 21 vite veprimtari të Tifozave Kuq e Zi, jemi lënë pa bileta për ndeshjet e Kombëtares!

Në këto 21 vite, jo rrallëherë TKZ përbënte njerëzit e vetëm që rrinin në shkallët e stadiumit, kur nuk kishte kushte, kur nuk kishte rezultate, ku nuk kishte stadium, ku nuk kishte tifozë, pasi atëbotë përkrahja e Kombëtares konsiderohej marrëzi.

Nëse ekipi kombëtar i futbollit ka pasur një aryse të mos ndihet inferior edhe kur humbja ka qenë e prenotuar, është sepse Tifozat Kuq e Zi kanë qenë gjithnjë aty. Janë ndërruar trajnerë, lojtarë e stadiume, ndërsa të vetmit që kanë qenë të përhershëm pranë ekipit kombëtar kanë qenë Tifozat Kuq e Zi.

Tani në vitin 2025, kur jemi kualifikuar dy herë në Europian, dhe kur ekipi kombëtar ka nisur të korrë rezultate, e këssisoj edhe rritjen e kërkesës për bileta, jemi penalizuar nga Federata Shqiptare e Futbollit.

Përmes një emaili që kemi pranuar, pasi disa insistimesh, nga ana e zyrtarëve të FSHF-së jemi njoftuar se nuk do të ketë bileta të pararezervuara sikurse ka ndodhur në këto 21 vite, me arsyetimin se dëshirojnë gjithëpërfshirje dhe mundësi edhe për ata që nuk janë pjesë e grupeve tifozerike.

Ky arsyetim përveç që nuk qëndron, nuk është as i sinqertë dhe për më tepër është hakmarrje tipike nga ana e FSHF-së, për kundërshtimet tona ndaj organizimit të kampionatit të përbashkët me serbinë dhe kur dihet që këta të fundit i kemi edhe në grup, në kualifikueset për botëror.

Me gjithëpërfshirjen e saj FSHF-ja nuk mendoi kur nxorri biletat me çmimet e kripura që tejkalojnë çmimin e biletave për finalet e EURO 2024. Për ironi, nuk mendoi as kur bëri thirrje për anëtarësim tek klubi i tiofzve, organizem ky i FSHF-së, e që doli me ofertë për “biletë të garantuar” për anëtarët e këtij klubi. Nuk mendoi as për standartin e shqiptarit të rëndomtë, por togfjalëshin “gjithpërfshirje” e përdori për të sulmuar dhe hakmarrë ndaj TKZ-së që nuk nënshtrohet, nuk i bindet, kjo pasi tribuna jonë është SOLD OUT, ndërsa që tribunat tjera ngelen akoma bosh. FSHF po bën të njejtat gabime, dhe mendon se do të ketë rezultat të ndryshëm, por po gabohet rëndë.

Stadiumin dhe përkrahjen ndaj ekipit kombëtar TKZ-së, nuk mund t’ja ndaloj askush, e as FSHF-ja. NE do të jemi të pranishëm aty, do të jemi në Uembli, do të jemi gjithkund për të dhënë mendimin tonë, për të shprehur pakënaqësinë tona. Reagimet tona nuk do të ndalen, ato veçse do të intensifikohen dhe kushdo që gënjehet për të kundërtën me keqardhje por do të zhgënjehet keq.

Tifozat Kuq e Zi
O sa mirë me qenë Shqiptar!

Up Next

Liverpooli gjen pasardhësin e Van Dijkut, do t’i kushtojë 80 milionë euro

Don't Miss

E goditur nga lëndimet, Kosova synon “rikuperimin” ndaj Islandës

Sport

Riad Isufi sfidon serbin Filip Stojanovic në gjysmëfinale

Published

1 minute ago

March 9, 2026

UBTNews

Boksieri ynë i talentuar, Riad Isufi, ka arritur në gjysmëfinalen e Kupës Botërore për të Rinj U19 “Adriatik Pearl”, që po zhvillohet në Budva, Mali i Zi, nga 2 deri më 12 mars 2026.

Nesër, më 9 mars, duke filluar nga ora 15:00, Isufi do të ngjitet në ring për të përballuar Filip Stojanovic nga Serbia në kategorinë 55 kg. Ky duel pritet të jetë një sfidë e fortë dhe me shumë intensitet, pasi të dy boksierët kanë treguar formë të shkëlqyer gjatë turneut.

Përveç arritjes së medaljes së bronztë, fitorja nesër do t’i japë Isufit shansin për të luftuar në finalen madhështore, e cila do të zhvillohet më 11 mars. Tifozët shqiptarë mbeten të gjithë sytë nga ringu, duke shpresuar për një triumf historik në Kupën Botërore.

Riad Isufi tashmë ka treguar se është një emër që duhet ndjekur me kujdes në botën e boksit të të rinjve, dhe sfida e nesërme mund të jetë hapi i madh drejt medaljes së artë.

Sport

AC Milan fiton Derbin e Madh të Milanos, mposht Interin 1-0

Published

2 hours ago

March 9, 2026

UBTNews

AC Milan ka marrë fitoren minimale 1-0 ndaj Interit në Derbin e Madh të Milanos.

Goli vendimtar erdhi në minutën e 35-të, kur mbrojtësi i krahut, Pervis Estupinan, shfrytëzoi një asist të Youssouf Fofana dhe dërgoi topin në rrjetën e portierit Sommer. Ky moment ndezi atmosferën në stadium dhe vendosi ritmin e pjesës së mbetur të ndeshjes.

Milanit i shërbyen mirë mesfusha dhe mbrojtja, me Luka Modric dhe Adrien Rabiot që kontrolluan lojën dhe me Fikayo Tomori që, pavarësisht një shqetësimi në minutën e 16-të, arriti të vazhdojë pa probleme.

Interi provoi të reagojë, duke krijuar disa raste të mira, sidomos me Henrikh Mkhitaryan, i cili humbi një mundësi të artë vetëm pak çaste para golit të Milanit. Megjithatë, skuadra e Simone Inzaghit nuk arriti të gjejë golin e barazimit.

Me këtë fitore, AC Milan merr avantazhin në derbi dhe rrit moralin për pjesën e mbetur të sezonit, ndërsa Interi do të kërkojë hakmarrje në ndeshjet e ardhshme.

Sport

Fundjavë me ndeshje spektakolare në La Liga, Bundesliga dhe Serie A

Published

2 hours ago

March 9, 2026

UBTNews

Fundjava në ligat kryesore evropiane solli përballje interesante dhe rezultate të rëndësishme për skuadrat që synojnë objektiva të ndryshme këtë sezon.

Në La Liga u zhvilluan ndeshje mjaft të mira. Dueli mes CA Osasuna dhe RCD Mallorca përfundoi me barazim 2-2 pas një ndeshjeje dinamike. Një tjetër përballje me shumë emocione ishte ajo mes Atlético Madrid dhe Real Sociedad, ku madrilenët triumfuan 3-2 në një sfidë të fortë deri në fund.

Ndërkohë, FC Barcelona arriti një fitore të rëndësishme minimale 1-0 në transfertë ndaj Athletic Club. Fitore shënoi edhe Villarreal CF, që mposhti 2-1 Elche CF.

Në takimet e tjera, Getafe CF fitoi bindshëm 2-0 ndaj Real Betis, ndërsa përballja mes Sevilla FC dhe Rayo Vallecano u mbyll në barazim 1-1. Një ndeshje e pasur me gola u zhvillua edhe mes Valencia CF dhe Deportivo Alavés, ku Valencia fitoi 3-2.

Edhe në Bundesliga nuk munguan rezultatet interesante. Werder Bremen arriti një fitore të thellë 4-1 në transfertë ndaj Union Berlin. Ndërkohë, TSG Hoffenheim triumfoi 4-2 kundër 1. FC Heidenheim.

Fitore të rëndësishme mori edhe Borussia Dortmund, që mposhti 2-1 në transfertë 1. FC Köln.

Në Serie A, përballja mes Atalanta BC dhe Udinese Calcio përfundoi 2-2 pas një ndeshjeje të balancuar. Ndërsa Juventus dominoi bindshëm me fitore 4-0 ndaj Pisa SC.

Një fundjavë plot gola, emocione dhe rivalitet në futbollin evropian.

Sport

Muriqi shkruan histori te Mallorca, kalon legjendën Eto’o në La Liga

Published

3 hours ago

March 9, 2026

UBTNews

Sulmuesi kosovar Vedat Muriqi ka hyrë në historinë e klubit RCD Mallorca pasi ka vendosur një rekord të ri për numrin e golave të shënuar brenda një sezoni në La Liga. Me 18 gola të realizuar, ai ka kaluar shifrën e legjendës së klubit Samuel Eto’o, i cili kishte arritur 17 gola në një sezon me skuadrën nga ishulli.

Megjithatë, rekordi absolut i golave për një sezon me Mallorcan vazhdon të mbahet nga Dani Güiza, i cili kishte realizuar plot 27 gola, një arritje që ende mbetet objektiv i vështirë për çdo sulmues të ekipit.

Muriqi vazhdoi formën e tij të shkëlqyer edhe në javën e 27-të të kampionatit, ku ishte figura kryesore në përballjen ndaj CA Osasuna. Sulmuesi kosovar shënoi dy herë, duke ndihmuar ekipin e tij të marrë pikë të rëndësishme në luftën për mbijetesë në elitën e futbollit spanjoll.

Falë paraqitjeve të tij të mira këtë sezon, Muriqi është ngjitur edhe në renditjen e golashënuesve më të mirë të kampionatit. Aktualisht ai mban vendin e dytë në listë me 18 gola, pas Kylian Mbappé që kryeson me 23 gola, ndërsa në vendin e tretë renditet talenti i FC Barcelona, Lamine Yamal me 13 gola.