Lajmet

Vrasësi serik i kërkuar për 35 vjet, del të jetë një polic

Trupi i vrasësit u gjet në një apartament me qira.

Published

on

Për dekada krimet e një vrasësi serial famëkeq kanë ndjekur skuadrën e krimit në Paris, transmeton UBT News.

I quajtur në vend si François Vérove, ADN-ja e tij është përputhur me disa skena krimi të lidhura me Le Grêlé.

Vrasjet dhe përdhunimet e tij tronditën Parisin midis viteve 1986 dhe 1994, por deri më tani nuk u zgjidhën kurrë.

Ndër krimet tronditëse që i atribuohen ishte vrasja e 11-vjeçares Cécile Bloch. Ajo u raportua e zhdukur pasi nuk u paraqit në shkollë në Paris më 1986.

“Ne kurrë nuk do t’i dimë të gjitha krimet e kryera nga Le Grêlé”, tha Didier Saban, një avokat që përfaqëson familjet.

Vérove është i lidhur me katër vrasje dhe gjashtë përdhunime, por Saban tha se padyshim që kishte edhe më shumë, dhe vdekja e tij kishte lënë shumë familje pa përgjigje.

Një fotografi e Le Grêlé është varur për dekada në muret e brigadës kriminale të policisë gjyqësore të Parisit.

Burri 59-vjeçar i gjetur i vdekur kishte qenë xhandar para se të bëhej oficer policie dhe më vonë u tërhoq. Ai u thirr nga policia më 24 shtator për të dhënë një mostër të ADN-së pesë ditë më vonë. Më pas gruaja e tij raportoi se ai ishte zhdukur më 27 shtator.

Trupi i tij u zbulua në një apartament me qira në Grau-du-Roi në bregdetin Mesdhe, së bashku me një shënim vetëvrasjeje. Prokurorët thonë se ADN-ja e tij përputhej me provat e gjetura në disa skena krimi.

Përmbajtja e letrës nuk është konfirmuar, por mediat franceze thonë se ai me sa duket pranoi vrasjet pa dhënë detaje mbi viktimat ose rrethanat, përcjell UBT News.

Raportet lokale thonë se ai ishte i lidhur me vrasjen e vitit 1994 të 19-vjeçares Karine Leroy, e cila u gjet e vdekur në buzë të një druri më shumë se një muaj pasi ishte zhdukur gjatë rrugës për në shkollë.

Në përdhunimet e kryera kundër një gruaje 26-vjeçare gjermane dhe dy vajzave, të moshës 14 dhe 11 vjeç, i dyshuari raportohet ta ketë identifikuar veten si polic.

“Ne kishim këtë bindje se ai ishte ose oficer ose xhandar, si nga dhuna që përdori kundër viktimave të tij ashtu edhe nga taktikat që ai adoptoi”, tha avokati që përfaqësonte viktimat për France Info TV. Ndonjëherë ai madje paraqiste kartën e tij me trengjyrëshin francez.

Avokati Saban besonte se vrasësi kishte bërë gjithçka që mundej për të siguruar që ADN-ja e tij të mos lihej në skenat e krimit./UBTNews

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara