Lajmet

Franca nënshkruan marrëveshje ‘historike’ me Emiratet Arabe për shitjen e 80 avionëve luftarakë

Franca tha se marrëveshja për avionët dhe helikopterët kap vlerën e rreth 17 miliardë euro.

Published

on

Emiratet e Bashkuara Arabe kanë nënshkruar një marrëveshje për 80 avionë luftarakë Rafale të prodhimit francez, porosia më e madhe ndërkombëtare e bërë ndonjëherë për avionët luftarakë, thanë zyrtarët të premten gjatë një vizite të presidentit francez Emmanuel Macron.

Emiratet e Bashkuara Arabe, një nga klientët më të mëdhenj sa i përket industrisë franceze të mbrojtjes, ranë gjithashtu dakord të blejnë 12 helikopterë transporti ushtarak Caracal, tha presidenca franceze në një deklaratë.

“Ky është një rezultat i partneritetit strategjik midis dy vendeve, duke konsoliduar kapacitetin e tyre për të vepruar së bashku për autonominë dhe sigurinë e tyre”, thuhet në deklaratë.

Franca tha se marrëveshja për avionët dhe helikopterët kap vlerën e rreth 17 miliardë euro.

Ministrja franceze e Mbrojtjes, Florence Parly, e quajti marrëveshjen “historike” në një postim në Twitter dhe tha se ajo kontribuoi “drejtpërdrejt në stabilitetin rajonal”./UBTNews/

Lajmet

​Policia me aksion në veri, konfiskon armë, eksploziv dhe uniforma ushtarake

Published

on

By

Policia e Kosovës do të organizojë një konferencë për media ku do të shpalosen detaje rreth operacionit policor që u zhvillua në një fshat të Leposaviqit.

Sipas njoftimit, realizmi i operacionit policor rezultoi me gjetjen dhe konfiskimin e armës, municionit, një sasie të eksplozivit dhe uniformave ushtarake, të cilat do të prezantohen për media.

Në këtë konferencë do ta marrë pjesë: ministri i MPB-së, Xhelal Sveçla, drejtori i përgjithshëm i PK-së kolonel Gazmend Hoxha dhe zv drejtori i DRP Mitrovicë Veri, Veton Elshani.

Konferenca do të mbahet në ndërtesën e Drejtorisë Rajonale të Policisë-Mitrovica Veri, ora 18:00.

Continue Reading

Lajmet

​Shënohet Dita Ndërkombëtare e përdoruesve të karrocës, sfidë qasja në institucione

Published

on

By

Me moton “Asgjë pa rrota” u shënua sot Dita Ndërkombëtare e përdoruesve të karrocës. Organizata joqeveritare “Handikos” ka mbledhur fëmijë e të rritur për të mbajtur aktivite të ndryshme rekreativë.

Drejtori i organizatës “Handikos”, Afrim Maliqi tha se qëllim është sensibilizimi dhe vetëdijësimi i institucioneve në përmbushjen e të drejtave të personave me aftësi të kufizuara,

“Qëllimi është sensibilizimi apo vetëdijësimi sa më i madh i shoqërisë tonë, apo në veçanti i institucioneve tona në përmbushjen e të drejtave të personave me aftësi të kufizuara, veçanërisht atyre që janë në këtë ditë sot përdorurs të karrocave. Për të pasur një karrocë është shumë e rëndësishme me qëllim të pjesëmarrjes së personave në jetën publike, madje përfshirjen në arsim, përfshirjen në punësim dhe në të gjitha fushat e tjera. Ne gjithherë e shënojme këtë ditë me aktivitete të ndryshme”, deklaroi ai.

Ai theksoi se personat të cilët janë përdorues të karrocave po diskriminohen në mungesë të qasjes në institucione.

“Nëse flasim për institucionet që nuk kanë qasje, as rrugët as trotuaret, atëherë ajo është diskriminuese. Personat me aftësi të kufizuara të këtij grupi janë të diskriminuar në lëvizje apo në qasje. Ky objekt apo kjo qendër i përmbush standardet, qasjen, lëvizjen e lirë, toaletet. Dhe duhet t’i përmbushin edhe institucionet tjera sepse ne kemi ligje dhe akte juridike të cilat theksojnë se çdo objekt që ofron shërbime duhet të krijojë qasjen për personat me aftësitë të kufizuara. E që fatkeqësisht nuk i përmbushin duke filluar nga institucionet e nivelit qendror apo lokal”, shtoi ai.

Për femijë dhe të rritur, te cilët janë përdorues të karrocave u organizuan aktivitete si: maskota, parakalimi i pjerrinave dhe kinema.

Continue Reading

Lajmet

ASK: Rritet kostoja e ndërtimit

Published

on

By

Ka shënuar rritje kostoja e ndërtimit në Kosovë për rritje për 0.6 për qind në tremujorin e katërt 2024, krahasuar me tremujorin e tretë 2024. Ndërkaq, krahasuar tremujori i katërt 2024 me të njëjtën periudhë të vitit paraprak të vitit 2023, indeksi i kostos së ndërtimit pati rritje për 4.4 për qind.

“Rritje kishte transporti 2.4%, pagat 0.9 %, materialet 0.5%, kostot tjera 0.4% dhe energjia 0.1%. Ndërsa zbritje kishte tek makineritë 0.2 %”, thuhet në raportin e fundit të Agjencisë të Statistikave.

Sipas ASK-së indeksi i tërësishëm i Kostos të ndërtimit në Kosovë (IKN) pati rritje 4.4 për qind në tremujorin e katërt (TM4) 2024 krahasuar me tremujorin e katërt (TM4) 2023.

Nga ASK thonë se rritje më të madhe kishte te energjia 20.6%, pagat 12.8%, transporti 10.9%, materialet 2.7%), makeniritë 0.8%, dhe kostot e tjera 0.7%.

Continue Reading

Lajmet

​Nis numërimi i votave të ardhura me postë

Published

on

By

Në Qendrën e Numërimit dhe Rezultateve ka përfunduar numërimi i votave nga përfaqësitë diplomatike dhe tani ka filluar numërimi i votave të ardhura me postë.

Më 8 shkurt 2025 është votuar në 30 përfaqësi diplomatike me gjithsej 43 vendvotime dhe sipas të dhënave nga 20,324 votues të regjistruar kanë votuar 75.57% e tyre apo 15,352 shtetas të Kosovës që gjatë regjistrimit kishin përzgjedhur këtë mënyrë votimi.

Përndryshe, nga 104,924 shtetas të regjistruar për votim jashtë Kosovës, 84,600, ishin regjistruar për të votuar përmes postës dhe 20,324 të tjerë ishin regjistruar për votimin fizik në përfaqësitë diplomatike. Nga 20,324 në përfaqësi diplomatike kanë votuar 15,352 votues, ndërkaq në votimin përmes postës KQZ ka pranuar rreth 69 mijë pako me fletëvotime

Continue Reading

Të kërkuara