Policia e Kosovës ka shpallur në kërkim Enver Sekiraqën pasi i njëjti javën e kaluar është arratisur nga arresti shtëpiak.

Policia kërkon ndihmën e qytetarëve që mund të kenë informacione rreth vendndodhjes së tij.

Policia e Kosovës, Drejtoria për Hetimin e Krimit të Organizuar dhe Krimeve të Renda, bazuar në ligj për publikimin e fotos me shënime tjera të personit të kërkuar më autorizimin e Gjykatës Themelore ne Prishtinë, me qëllim lokalizimin dhe rrjedhimisht arrestimin e tij, lëshoi kërkesë për bashkëpunim me qytetarët.

Liderët e Koresë së Jugut, Kinës dhe Japonisë do të takohen javën e ardhshme në Seul, për të parën herë në bisedime trepalëshe pas më shumë se katër vjetëve, ka njoftuar të enjten presidenca jugkoreane.

Nga zyra e Yoonit, është bërë e ditur se takimi trepalësh mes presidentit jugkorean Yoon Suk Yeol, kryeministrit kinez Li Qiang, dhe kryeministrit japonez Fumio Kishida, pritet të mbahet të hënën në Seul.

Megjithatë përpjekjet e fqinjëve aziatikë për të arritur bashkëpunimin në mes vete ka hasur në pengesa shpesh herë, për shkak mosmarrëveshjeve historike që burojnë nga agresioni i Japonisë gjatë kohës së luftës dhe garës strategjike mes Kinës dhe Shteteve të Bashkuara.

Ndërsa marrëdhëniet mes Koresë së Jugut dhe Japonisë u përkeqësuan rëndë për shkak të çështjeve që shkaktoi kolonizimi i Gadishullit Korean nga Japonia, edhe pse këto marrëdhenie u përmirësuan dukshëm prej vitit 2023, kur arritën të lënë pas atë histori për të përforcuar bashkëpunimin përballë sfidave të përbashkëta, përfshirë këtu edhe programin e avancuar bërthamor të Koresë së Veriut. Por arsenali në rritje bërthamor i Koresë së Veriut përbën kërcënim të madh për sigurinë e Koresë së Jugut dhe Japonisë.

Ndërsa Kina, aleati i vetëm i madh i Koresë së Veriut dhe furnizuesi më i madh sa i përket ndihmave, dyshohet se po shmang zbatimin e plotë të sanksioneve të Kombeve të Bashkuara kundër Koresë së Veriut dhe atë po e ndihmon fshehurazi./UBTNews/

Presidentja e Kosovës Vjosa Osmani sot takoi një delegacion parlamentar nga Arabia Saudite, të cilët shërbejnë edhe në grupin e miqësisë Arabi Saudite-Kosovë.

Gjatë takimit, presidentja i falënderoi për mbështetjen e vazhdueshme të Arabisë Saudite, sidomos në procesin e anëtarësimit në organizata ndërkombëtare, por edhe mbështetjen në fusha të ndryshme për popullin e Kosovës.

Delegacioni parlamentar ofroi mbështetjen e plotë të Arabisë Saudite përderisa u diskutua edhe për rritjen e bashkëpunimit ekonomik, rritjen e përpjekjeve për fuqizimin e Kosovës në arenën ndërkombëtare, si dhe mbështetjen humanitare për projekte të ndryshme për kategoritë më në nevojë.

Gjykata Themelore në Prishtinë i ka dënuar dy të miturit që e rrahën për vdekje Lulzim Fejzullahun më 14 janar në Podujevë. Njëri prej tyre është dënuar me nëntë vjet e tjetri me dhjetë.

Shpallja e aktgjykimit lidhur me këtë rast është bërë më 23.05.2024 dhe është mbajtur e mbyllur pasi që në rast janë të përfshirë të miturit.

Avokati i palës së dëmtuar, Tomë Gashi ka thënë se njëri prej tyre është dënuar apo i është shqiptuar masa e burgimit për të mitur me kohëzgjatje prej 10 viteve. Ndërsa tjetri në kohëzgjatje prej 9 viteve.

“Njëri prej tyre është dënuar apo i është shqiptuar masa e burgimit për të mitur me kohëzgjatje prej 10 viteve. Ndërsa tjetri në kohëzgjatje prej 9 viteve. Gjykata ka konsideru që kjo seancë duhet të jetë sipas saj e tipit të mbyllur atëherë ne vetëm mundemi sipërfaqësisht vetëm ajo që është e lejuar të themi”, është shprehur avokati Gashi pas seancës.

Ndërsa Rrahim Fejzullahu xhaxhai i Lulzimit ka thënë se nuk i beson kësaj drejtësie.

“Lulëzimi i ndjerë i ka pas 18 vite kështu që s’ma plotëson mu zemrën e para dhe e dyta nuk i besoj shkurt e shqip kësaj drejtësie. Nëse më pyet pse nuk i beson që ky me mbiemër Artioli ka pas edhe 10 vepra ma herët këtu nuk e di sa janë marr parasysh, këtu me një fjalë mua ma ka lënë varrën hapur unë nuk i besoj edhe pikë”.