Lajmet

Formula e saktë që ju llogarit sa orë duhet të flini!

Kjo mund të jetë e ndryshme për çdo individ, pasi nevojat e trupit ndryshojnë nga një njeri tek tjetri.

Published

3 years ago

on

Për shumë njerëz, koha e zgjimit është e njëjtë, por koha e fjetjes ndryshon në varësi të jetës sociale, orarit të punës ose detyrimeve familjare.

Nëse e dini se keni nevojë për një sasi specifike gjumi, thjesht duhet të kuptoni se në cilën orë duhet të shkoni në shtrat.

Për sa gjumë keni nevojë?

Sipas burimeve të AgroWeb.org, këto janë udhëzimet e përgjithshme për grupmoshat e ndryshme:

  • Një i porsalinur : 14 deri në 17 orë.
  • Një fëmijë nga mosha 5 vjeç – 12 vjeç: 10 deri në 13 orë.
  • Një adoleshent: 8 deri në 10 orë.
  • Një i rritur: 7 deri në 9 orë.
  • Një i moshuar: 7 deri në 8 orë.

Megjithatë kjo mund të jetë e ndryshme për çdo individ, pasi nevojat e trupit ndryshojnë nga një njeri tek tjetri.

Si të llogarisni sa orë duhet të flini?

Për të llogaritur se sa orë duhet të flini, ju duhet të bazoheni në:

– kohën tuaj të zgjimit

– plotësimin e pesë ose gjashtë cikleve 90-minutëshe të gjumit.

Nëse synoni të flini nga 7 deri në 9 orë gjumë çdo natë, atëherë ju nevojiten 5 deri në 6 cikle 90-minutëshe.

Për shembull, nëse ju duhet të zgjoheni në orën 6 të mëngjesit, për 7 orë gjumë, ju duhet të flini rreth orës 10 të mbrëmjes.  

Dhe nëse ju duhet të zgjoheni në orën 7 të mëngjesit, për 7 orë gjumë, ju duhet të flini rreth orës 11 të mbrëmjes.  

Shenjat që tregojnë se nuk po flini mjaftueshëm

Mungesa e gjumit mund të ndikojë në shumë aspekte të jetës tuaj, prandaj është e rëndësishme të mësoni të njihni disa nga shenjat e pagjumësisë dhe të mundoheni t’i trajtoni ato.

Disa prej tyre janë:

  • – përgjumje gjatë ditës
  • – jeni të irrituar
  • – jeni më pak produktiv dhe i fokusuar
  • – oreksi më i madh
  • – gjykimi dhe vendimmarrja juaj është e dobët
  • – keni rrathë të errët poshtë syve
Këshilla për një gjumë më të mirë:
  • Ushtrohuni rregullisht gjatë ditës dhe jo para se të flini, sepse kjo mund të ndërpresë ciklin tuaj të gjumit.
  • Ekspozimi në diell mund të ndihmojë në ruajtjen e ritmit cirkadian të trupit tuaj, që ndikon në ciklin e gjumit dhe zgjimi.
  • Mundohuni të mos bëni flini pasditeve vonë.
  • Mundohuni të zgjoheni në të njëjtën orë çdo ditë.
  • Kufizoni alkoolin, kafeinën dhe nikotinën në mbrëmje.
  • Fikni pajisjet elektronike të paktën 30 minuta para gjumit. Drita e tyre mund të stimulojë trurin tuaj dhe ta bëjë më të vështirë të bini në gjumë.
  • Krijoni një rutinë relaksuese para gjumit, si të bëni një banjë të ngrohtë, të dëgjoni muzikë qetësuese ose të lexoni një libër./AgroWeb.org

Related Topics:
Continue Reading

Lajmet

​Afati për regjistrimin e personave me nevoja të veçanta për votim, deri më 5 shkurt

Published

24 minutes ago

on

February 4, 2025

By

Komisioni Qendror i Zgjedhjeve ka njoftuar se afati për regjistrim për votim të personave me nevoja të veçanta është deri më 5 shkurt 2025 në ora 16:00.

Sipas KQZ-së regjistrimi bëhet përmes platformës elektronike në uebfaqe të KQZ-së.

“Komisioni Qendror i Zgjedhjeve ju mundëson pjesëmarrjen në zgjedhje personave që, për arsye të ndryshme, nuk mund të shkojnë në vendvotim. Këta persona mund të regjistrohen për të votuar në shtëpi ose në vendet e tjera ku gjenden, siç janë spitalet, shtëpitë e moshuarve, apo edhe për ata që janë në arrest shtëpiak”, thuhet në njoftimin e KQZ-së.

Continue Reading

Lajmet

​Persona të panjohur me mjet të mprehë i dëmtojnë gomat një veture

Published

52 minutes ago

on

February 4, 2025

By

Në fshatin Prelluzhë, në Vushtrri ka ndodhur një rast i dëmtimit të gomave të një veture.

Kështu ka njoftuar policia në raportin 24 orësh, duke shtuar se personat e panjohur me mjet të mprehtë ia kanë dëmtuar gomat ankuesit.

“Është raportuar se ankuesi mashkull kosovar derisa kishte pasur automjetin e parkuar person-a të panjohur me një mjetë të mprehtë i kanë dëmtuar gomat e pasme të automjetit. Lidhur me rastin është njoftuar prokurori rastin nën hetime”, thuhet në njoftim.

Continue Reading

Lajmet

Kërkojnë drejtësi, qytetarët nderojnë viktimat e tragjedisë në Novi Sad

Published

1 hour ago

on

February 4, 2025

By

Një njeri nuk mund ta përcaktojë të ardhmen e vendit, kështu u referohen protestuesit studentë e qytetarë, veprimeve të presidentit serb Aleksandër Vuçiq, të cilët edhe sot kanë vazhduar protestat në kërkim të drejtësisë për viktimat e tragjedisë së Novi Sadit.

Qytetarët nderojnë viktimat e tragjedisë në Novi Sad. Para tre muajsh stacioni hekurudhor është shndërruar në një simbol kujtese dhe proteste, një hapësirë ku qirinjte nuk pushojnë së djeguri. Studentët që nisën protestat për drejtësi për viktimat, në vendin e tragjedisë në heshtje vendosin lule.

“Shpresoj se dikush do të marrë përgjegjësinë për këtë ngjarje. Ky është hera e parë që vijnë këtu pas aksidentit dhe ende nuk mund të besoj atë që ndodhi. Si është e mundur që pushteti nuk ka asnjë ndjenjë empatie? Shpresoj që dikush do të ketë pak zemër”, tha një studente.

Qytetarët janë mbledhur për të nderuar viktimat. Pikërisht në orën 11:52 filloi heshtja 15-minutëshe për 15 njerëzit që humbën jetën në tragjedi. Ata thonë se kjo tragjedi ka nxjerrë në pah të gjitha problemet me të cilat përballet shoqëria serbe, raporton rtk.

“Kam ardhur nga Zrenjanini për të nderuar viktimat. Dhimbje nuk do të kalojë kurrë, por ata që janë përgjegjës duhet të japin llogari. Jam shumë e zemëruar! Mesazhi im është se ai, presidenti jonë, duhet të ik”, thotë një qytetare.

Të pranishmit kritikojnë presidentin e Serbisë. Ata thonë se institucionet duhet të fillojnë të bëjnë punën e tyre dhe se Serbia nuk mund të jetë një vend ku një person vendos për gjithçka.

“Kemi një pushtet që nuk dëgjon askënd. Duhet të dihet kush bën çfarë, dhe jo një person të përzihet në gjithçka dhe të largohet nga funksionet e tij. Nëse institucionet fillojnë të punojnë, atëherë kjo është demokracia”, tha nje qytetare duke shpresuar për një rezultat pozitiv.

Përfaqësuesit e opozitës në Novi Sad theksojnë se as pas tre muajsh askush nga ata që janë përgjegjës nuk është përballur me drejtësinë.

“Pas tre muajsh, gjithçka ka ndryshuar sepse njerëzit për herë të parë janë ngritur të gjithë bashkë dhe kanë thënë mjaft! Mjaft me gënjeshtrat, padrejtësitë dhe poshtërimet e popullit. Pas 12 vjetësh, ky moment i kaloi kufirin. Ky popull është gati që Serbia të jetë një vend me dinjitet, të drejtë dhe solidare”, tha Miran Pogaçar, asamblist i lëvizjes opozitare ‘Brave’ në Kuvendin e qytetit të Novi Sadit.

Tragjedia në Novi Sad ka nxitur protesta dhe ka nxjerrë në pah problemet e thella të shoqërisë serbe, si shkatërrimin e institucioneve dhe korrupsionin sistematik. Për një të ardhme më të mirë, qytetarët kërkojnë që institucionet të punojnë në interes të qytetarëve dhe drejtësia të zbatohet për të gjithë.

Continue Reading

Lajmet

​SHDPFMK për listën e çmimit të barnave: Mund të ballafaqohemi me mungesë në furnizim

Published

1 hour ago

on

February 4, 2025

By

Shoqata e Distributoreve për Produkte Farmaceutike dhe Medicinale e Kosovës (SHDPFMK), përmes një reagimi kanë shprehur shqetësimet e tyre për vendimin për listën e çmimit të barnave dhe produkteve medicinale të marr nga Ministria e Shëndetësisë javë më parë.

Sipas SHDPFMK-së pas një takimi anëtarët e kësaj shoqate kanë marrë vendim që do të vazhdojnë me shitjen e stokut aktual të barnave me çmime ekzistuese deri në përcaktimin e një periudhe kalimtare të zbrazjes së stoqeve aktuale.

Përmes këtij reagimi bëhet e ditur se produktet e importeve të radhës të cilat do të jenë me çmim të miratuar CIP nga Ministria e Shëndetësisë nën çmimin e furnizimit (pa bazë ligjore dhe duke mos ju referuar Nenit 8 të Ligjit nën çmimin e furnizimit) të procedohen në gjykatë.

“Pas takimit të datës 03.02.2025 me anëtarët e saj, pas votimit unanim, ju njofton si në vijim: 1. Anëtarët e SHDPFMK do të vazhdojnë me shitjen e stokut aktual të barnave me çmime ekzistuese deri në përcaktimin e një periudhe kalimtare të zbrazjes së stoqeve aktuale. 2. Produktet e importeve të radhës të cilat do të jenë me çmim të miratuar CIP nga MSH nën çmimin e furnizimit (pa bazë ligjore dhe duke mos ju referuar Nenit 8 të Ligjit nën çmimin e furnizimit) të procedohen ne gjykatë. 3. Operatorët t’i drejtohen ATK me kërkesë për sqarime lidhur me shitjen e produkteve nën çmimin blerës sipas listës (e cila nuk ka veprim prapakthyes) dhe se operatorët veçse i kanë të deklaruara stoqet tek ATK. Për më tepër MSH me datë 31.01.2025 ka publikuar Vendimin Nr. 05/01/2025 për përcaktimin e procedurës, formatit të aplikimit të deklarimit/ri-deklarimit/aplikimit për ndryshim të çmimit të produktit medicinal duke bashkangjitur formularin e përditësuar i cili nuk bazohet vetëm në Nenin 8 – metodologjinë e përcaktimit të çmimeve mesatare me shumicë nga vendet referente të përcaktuara me Ligj, por kërkon edhe çmimin CIP”, thuhet në reagim.

Nga Shoqata e Distributorëve për Produkte Farmaceutike dhe Medicinale në Kosovë thonë se përkundër numrit të madh të kërkesave për takim me Ministrinë e Shëndetësisë, komisionin për çmime, për të diskutuar lidhur me procesin e zbatimit dhe procedurat për deklarimin e çmimit të barnave, janë refuzuar, madje nuk kanë marrë as përgjigje në pyetjet e parashtruara.

“Jemi refuzuar dhe nuk kemi marr përgjigje në pyetjet e parashtruara. Po ashtu ju njoftojmë se mbi 1400 produkte medicinale të regjistruara pranë AKPPM janë të pa deklaruara dhe të njëjtat qarkullojnë në treg pa çmime të miratuara. Duhet pasur kujdes, ngase Kosova është vend shumë i vogël dhe jashtë BE-së i cili brenda pak muajsh mund të ballafaqohet me mungesë të furnizimeve si në sektorin privat ashtu edhe atë publik si pasojë e veprimeve të pa koordinuara dhe tendencioze në dëm të subjekteve dhe pacientëve. Gjithashtu siç e dini, ende nuk kemi listë rimbursimi të barnave dhe as sigurime shëndetësore. Mbetemi me shpresë që MSH të reflektojë mbi veprimet e fundit duke na ftuar për të diskutuar rreth zgjidhjes pozitive të kësaj çështjeje shumë të ndjeshme dhe esenciale, duke dalur kështu nga kjo situate e krijuar”, thuhet tutje.

Nga SHDPFMK thonë se duhet bërë kujdes sepse brenda pak muajsh Kosova mund të ballafaqohet me mungesë të furnizimeve si në sektorin privat ashtu edhe atë publik.

“Duhet pasur kujdes, ngase Kosova është vend shumë i vogël dhe jashtë BE i cili brenda pak muajsh mund të ballafaqohet me mungesë të furnizimeve si në sektorin privat ashtu edhe atë publik si pasojë e veprimeve të pa koordinuara dhe tendencioze në dëm të subjekteve dhe pacientëve. Gjithashtu siç e dini, ende nuk kemi listë rimbursimi të barnave dhe as sigurime shëndetësore”, thuhet në reagim.

Sipas vendimit të Ministrisë së Shëndetësisë lista zyrtare e çmimit të produkteve medicinale ka hyrë në fuqi nga 1 shkurti.

Continue Reading

Të kërkuara