Lajmet

​Foda: Edhe pse mungon Dellova, jemi në një grup shumë të fortë

Published

11 months ago

on

Përzgjedhësi i Kombëtares së Kosovës, Franco Foda, dhe portieri Aro Muric, kanë folur para mediave në prag të ndeshjes së rëndësishme kundër Sllovenisë, e cila do të zhvillohet sonte në stadiumin “Fadil Vokrri” në Prishtinë me fillim nga ora 20:45.

Trajneri Foda ka theksuar se atmosfera në kampin e Dardanëve është shumë e mirë dhe se të gjithë futbollistët, përveç mbrojtësit Lumbardh Dellova, janë gati për ndeshje.

“Atmosfera e përgjithshme është shumë e mirë, të gjithë lojtarët, përveç Lumbardh Dellovës, janë të përgatitur dhe janë në gjendje shumë të mirë për lojë si dhe janë të gatshëm dhe ne dispozicion për lojën kundër Sllovenisë. Tani e kemi edhe seancën e fundit stërvitore,, aty do të koncentrohemi më shumë në fushën taktike dhe po shpresoj shumë që nuk do të kemi më lëndime të tjera”, u shpreh Foda.

Duke folur për grupin në të cilin ndodhet Kosova, përzgjedhësi gjerman theksoi se bëhet fjalë për një grup shumë të fortë, por që skuadra ka fituar vetëbesim pas rezultateve të fundit.

“E kemi një grup mjaftë të balancuar dhe sipas mendimit tim është njëri ndër grupet më të forta. Ne po luajmë në shtëpi dhe skuadra tani ka një vetëbesim më të mirë të cilin e ka fituar pas ndeshjes me Suedinë dhe trajneri Kek shumë ka pasur të drejtë, bota rrotullohet, jeta vazhdon dhe ne do të vazhdojmë të punojmë”, ka thënë tutje Foda.

Nga ana tjetër, portieri Aro Muric është shprehur optimist për ndeshjen e nesërme, duke theksuar se ekipi është zhvilluar shumë gjatë viteve të fundit dhe synon vetëm fitoren ndaj Sllovenisë.

“Jam shumë i lumtur me formën time, nesër presim fitore, ne si ekip do të bëjmë gjithçka për të marrë fitore në këtë përballje dhe shpresojmë që do të marrim fitore…Nëse kthehemi në kohë dhe e shohim zhvillimin tonë, besoj që gjatë këtyre viteve jemi zhvilluar mjaftë shumë, mund ta keni parë edhe ju. Kemi futbollistë tashmë në liga më të mira, futbollistë që janë më të gatshëm, ndoshta edhe në formë më të mirë fizike prandaj besoj që përparimi i skuadrës gjatë kësaj periudhe për dallim nga atëherë është dukshëm më i madh dhe ne e kemi një rast për ta shfaqur këtë përparim në ndeshjen e nesërme dhe shpresoj që do të bëjmë diçka të tillë”, theksoi Muric.

Si trajneri Franco Foda ashtu edhe portieri Aro Muic kanë thënë se mbështetja e tifozëve në tribuna do të ketë një rol kyç për shtytjen e skuadrës./S.K/KP/

 

Related Topics:
Continue Reading

Lajmet

Kuriozitetet e ditës

Published

32 minutes ago

on

September 2, 2026

By

Lexoni pesë kuriozitete. Mund të mos i keni ditur:

 

  1. Mund t’i shihni yjet siç ishin 4,000 vjet më parë me sy të lirë. Pa teleskop, të gjitha yjet që mund të shohim ndodhen rreth 4,000 vite dritë larg nesh. Kjo do të thotë që në maksimum po i shihni yjet ashtu siç ishin 4,000 vjet më parë, rreth kohës kur po ndërtoheshin piramidat në Egjipt.

 

  1. Bimët erdhën para farave. Sipas të dhënave fosile, bimët e hershme i ngjanin myshkut dhe u riprodhuan me spore njëqelizore. Farat shumëqelizore nuk evoluan për 150 milion vjet të tjera.

 

  1. Qelizat tona të ngordhura hahen nga qelizat e tjera në trupin tonë. Mos u shqetësoni; kjo është e destinuar të ndodhë. Kur qelizat brenda trupit tuaj vdesin, ato pastrohen nga fagocitet – qelizat e bardha të gjakut, puna e të cilave është të tretin qelizat e tjera.

 

  1. Aromat mund të kalojnë përmes lëngut. Ju lutemi mos provoni të nuhasni nën ujë (hunda juaj nuk do ta vlerësojë), por aroma del përmes lëngut.

 

  1. Lakuriqët e natës nuk janë të verbër. Pavarësisht idiomave të famshme, lakuriqët e natës me të vërtetë mund të shohin, por ata ende përdorin ekolokacionin e tyre edhe më të famshëm për të gjetur pre.

Continue Reading

Vendi

Humb jetën një 29-vjeçar në Zubin-Potok pas lëndimeve në një kantier ndërtimi, ndalohet një i dyshuar

Published

1 hour ago

on

September 2, 2026

By

Një 29-vjeçar ka ndërruar jetë të martën si pasojë e lëndimeve të rënda të marra gjatë punimeve në një kantier ndërtimi në Zubin-Potok. Ngjarja ka ndodhur rreth orës 10:00 në vendin ku po ndërtohet stacioni i ri i Policisë së Kosovës.

Zëdhënësi i Policisë për rajonin e veriut, Ermir Osmani, konfirmoi se viktima, punëtor i një kompanie private, fillimisht u dërgua në shtëpinë e shëndetit në Zubin-Potok dhe më pas u transportua me urgjencë në Spitalin Rajonal në Mitrovicën e Veriut. Për shkak të gjendjes së rëndë, mjeku kujdestar ka konstatuar vdekjen e tij rreth orës 11:00.

Me urdhër të prokurorit, trupi i viktimës është dërguar në Institutin e Mjekësisë Ligjore për obduksion. Për këtë rast, policia ka intervistuar dhe ndaluar për 48 orë një person me inicialet B.B. (viti i lindjes 1977) në cilësinë e të dyshuarit.

Continue Reading

Vendi

PDK dhe AAK edhe sot para Qeverisë me kërkesën për konstituimin e institucioneve

Published

1 hour ago

on

September 2, 2026

By

Partia Demokratike e Kosovës (PDK) ka vijuar edhe sot aksionin e saj protestues para ndërtesës së Qeverisë së Kosovës, e mbështetur nga deputetë të Aleancës për Ardhmërinë e Kosovës (AAK).

Aksionit të sotëm iu bashkuan edhe asamblistë e aktivistë nga Komuna e Drenasit. Kjo protestë është vazhdimësi e aksioneve të zhvilluara gjatë javëve të kaluara nga PDK-ja dhe AAK-ja, përmes të cilave po kërkohet thirrja e menjëhershme e seancës parlamentare dhe konstituimi i institucioneve të reja të Kosovës. /E.A/

Continue Reading

Live

Teherani sulmon me raketa dhe dronë objektivat e SHBA-së në Jordani, Kuvajt, Irak dhe Bahrein

Published

1 hour ago

on

September 2, 2026

By

Teherani ka ndërmarrë sulme me raketa dhe dronë kundër objektivave të SHBA-së në Jordani, Kuvajt, Irak dhe Bahrein, pasi forcat amerikane rifilluan goditjet ajrore kundër Iranit të martën.

Gjysmëhëna e Kuqe Iraniane njoftoi se pesë persona, përfshirë një fëmijë, mbetën të vdekur dhe më shumë se 50 të tjerë u plagosën kur fragmentet e një rakete amerikane goditën një shtëpi ku po mbahej një ceremoni dasme në Sirik, në jug të Iranit.

Ushtria e SHBA-së deklaroi se është në dijeni të këtyre raportimeve, por theksoi se kurrë nuk ka pasur në shënjestër civilët.

Komanda Qendrore e SHBA-së (Centcom) sqaroi se goditjet amerikane ndaj Iranit erdhën pas “përpjekjeve të fundit për sulme” nga Korpusi i Gardës së Revolucionit Islamik të Iranit (IRGC) kundër anijeve tregtare në Strakun e Hormuzit dhe forcave amerikane në rajon.

Garda Revolucionare e Iranit u shpreh se SHBA-ja “do t’i mesoj” këto goditje. Sipas agjencisë gjysmë-zyrtare iraniane të lajmeve Tasnim, deri në orët e para të së mërkurës, IRGC lëshoi një breshëri raketash balistike ndaj një baze të Marinsave amerikanë në Akaba të Jordanisë, si hakmarrje për sulmin në Sirik.

Forcat e Armatosura të Jordanisë njoftuan se kishin kapur 13 raketa balistike, 10 prej të cilave u shkatërruan në ajër, ndërsa tre ranë në zona të thella e të izoluara. Nga ky sulm nuk u raportua për të vdekur apo të plagosur.

Veçmas, ushtria e Kuvajtit deklaroi se mbrojtja e saj ajrore iu përgjigj sulmeve me raketa iraniane në orët e para të së mërkurës. Ndërkohë, sipas medias shtetërore iraniane, disa shpërthime u raportuan edhe në Bahrein.

Agjencia e lajmeve Irna raportoi gjithashtu se IRGC kishte goditur bazat amerikane në rajonin autonom të Kurdistanit në Irak, duke shkatërruar një qendër mirëmbajtjeje, depo dhe pajisje ushtarake.

Pas një pauze pothuajse njëmujore, SHBA-ja rifilloi sulmet ndaj Iranit në fillim të kësaj jave, kur njoftoi se kishte goditur dy lëshues raketash që përdoreshin për vendosjen e minave në Strakun e Hormuzit. Teherani u hakmor duke lëshuar raketa ndaj bazave ajrore në Jordani dhe një dron drejt Emirateve të Bashkuara Arabe.

Centcom njoftoi se sulmet e fundit kundër objektivave të IRGC-së kishin nisur në orën 12:00 ET (16:00 GMT) dhe kishin përfunduar deri në orët e para të së mërkurës.

Media shtetërore iraniane raportoi se projektilët kishin goditur zonat e Chabahar dhe Konarak si dhe një aeroport në Jiroft, ndërsa shpërthime u dëgjuan edhe në ishullin Qeshm dhe në Bandar Abbas.

Media shtetërore iraniane dhe Gjysmëhëna e Kuqe Iraniane raportuan se objektet civile në bregdetin jugor të Iranit u bombarduan, ku mes të vrarëve në ceremoninë e dasmës në rrethin e Sirikut, i cili shtrihet në Strakun e Hormuzit, ishte edhe një fëmijë.

Kapiteni i Flotës Detare të SHBA-së, Tim Hawkins, duke folur në emër të Centcom, tha për BBC-në se ushtria amerikane është në dijeni të raportimeve nga media shtetërore iraniane për sulmin në Sirik.

/BBC/

Continue Reading

Të kërkuara