Lajmet

Fluturimet nga Kukësi që shfrytëzojnë hapësirën e Kosovës s’faturohen, Ejupi jep sqarime në Komision

Këtë e bëri të ditur në Komisionin për Buxhet, Punë dhe Transfere.

Published

on

Drejtori i Autoritetit të Aviacionit Civil (AAC), Bujar Ejupi ka thënë se fluturimet nga Kukësi që shfrytëzojnë hapësirat e Kosovës nuk faturohen, shkaku se Agjencia e Shërbimeve të Navigacionit Ajror (AShNA) detyrohet ta bëjë një gjë të tillë.

Këtë e bëri të ditur në Komisionin për Buxhet, Punë dhe Transfere, ku është shqyrtuar raporti Vjetor i Autoritetit të Aviacionit Civil.

Deputeti i VV-së, Visar Korenica, i kërkoi që fluturimet nga Kukësi që shfrytëzojnë hapësirat në Kosovë të futen në tarifim.  Këtë kërkesë e pati edhe deputeti i LDK-së, Avdullah Hoti.

“Përse aeroplanët që shkojnë në Kukës e që kalojnë nëpër Kosovë nuk faturohen”, pyeti Hoti, teksa për këtë Ejupi tha se duhet që AShNA të marrë vendim.

Deputeti i PDK-së, Mërgim Lushtaku, pyeti për raportimet në medie rreth keqpërdorimeve siç i quajti. Lushtaku e pyeti edhe për anulimin e tenderit për angazhimin e një eksperti të aviacionit, pasi Organi Shqyrtues të Prokurimit ka konstatuar se tenderi ishte në kundërshtim me Ligjin e Prokurimit Publik.

“Ne pamë që ka disa shkelje dhe sigurisht që vetëm mosdërgimi i raportit me kohë. Ka pasur raportime në media për kurdisje të tenderëve, ku Autoriteti i Prokurimit publik ka anuluar një tender”, tha Lushtaku.

E Ejupi i quajti raportimet si tendencioze.

“Sa i përket raportimeve në medie, disa kanë qenë tendencioze. Njohja ime me ekspertin nuk ka diçka konkrete sepse në Aviacionin Civil është e pamundur të mos e njoh dikë. Për anulimin e tenderit ajo ka ndodh dhe unë nuk kam ndonjë mendim ndryshe”, tha Ejupi.

Deputeti i AAK-së, Pal Lekaj, dha sqarime se përse fluturimet që kalojnë nëpër Kosovë nuk faturohen.

“Kur jemi te shërbimet e navigacionit se për shërbimet e ulëta paguhen ose faturohen, ndërsa për mbi fluturimet, nuk faturohen pasi që këtë çështje e mbikëqyr shteti i Hungarisë, e madje për çdo vit i fiton afër 9 milionë euro”, tha ai.

Deputetja e Listës Guxo, Jeta Statovci, pyeti për shpenzimet e trajnimeve të stafit. Ajo tha se mbi 18 mijë euro janë shpenzuar për këto trajnime.

“Parimisht e cekët se keni staf 30 persona, në kuadër të stafit profesional ju i keni 21 por nëse e shikojmë nivelin e shpenzimeve të tyre për trajnime është rreth 18 mijë euro. A është stafi shumë i ri apo është tash i inkorporuar në kuadër të Agjencionit tuaj apo ku është nevoja që vetëm në kuadër të Inspektoratit të Departamenteve të sigurisë së fluturimeve, janë realizuar 13 trajnime”, pyeti Statovci.

Por drejtori Ejupi tha se krahas specifikave që i kanë së Autoritet, kërkohet të bëhen trajnim të tilla. Ai tha se si drejtor ka arritur ta reduktojë numrin e trajnimeve.

“Një staf i vogël prej themelimit të AAC-së, shumica prej tyre janë punëtorë të vjetër, disa prej tyre janë trashëguar prej zyrës së UNMIK-ut, që ka qenë rregullativa. Shumica e stafit tek ne është i super trajnuar dhe ndjehem i privilegjuar për kushtet që i ofron shteti për ta. Aviacioni Civil është specifik dhe kërkon trajnime të vazhdueshme, janë disa rregulla që kërkon përshembull inspektorët e Aviacionit Civil me mirëmbajte atë kredencialet apo me bë inspektime, kërkohet që të bëhen trajnime. Si drejtor mundem me konfirmua se nuk kam bërë reduktime sa i përket nivelit të trajnimeve”, tha Ejupi.

Continue Reading

Lajmet

Plagosja e mbrëmshme në Prishtinë dyshohet se është kryer nga dy të dyshuar

Published

on

By

Një person dyshohet se është plagosur me armë zjarri mbrëmjen e së mërkurës nga dy të dyshuar në Prishtinë.

Në raporti  24 orësh të Policisë, thuhet se rasti ka ndodhur rreth orës 20:40 dhe u iniciua si “Vrasje në tentativë”, raporton “Betimi për Drejtësi“.

Prishtinë / 23.04.2025 – 20:40. Raportohet se viktima mashkull kosovar është plagosur me armë të zjarrit nga dy të dyshuar meshkuj kosovarë. Viktima është dërguar në QKUK për tretman mjekësor. Rasti është duke u hetuar”, thuhet në njoftim.

Continue Reading

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Të kërkuara