Sport

Flet drejtori sportiv i Sevillas: Kounde mund të largohet

Published

on

Një ndër spekulimet më të përfolura ditëve të fundit ka qenë edhe transferimi i Jules Kounde nga Sevilla tek skuadra e Chelseat.

Por, marrëveshja mes dy klubeve tani thuhet se ka dështuar pasi që Chelsea ka refuzuar të paguajë dëmshpërblimin prej 80 milionë eurosh për mbrojtësin francez.

Rreth situatës së Koundes ka folur edhe drejtori sportiv i Sevillas Monchi, i cili e ka bërë të qartë që francezi mund të largohet vetëm nëse paguhet shuma të cilën po e kërkon klubi i Sevillas.

“Jules Kounde ka shanse që të largohet nga klubi vetëm nëse ndonjë klub i interesuar paguan klauzolën e lirimit të tij. Chelsea kishte bërë një ofertë javën e kaluar por neve nuk na pëlqeu ajo”, tha Monchi.

“Nëse nuk ka një ofertë me të cilën ne mund të investojmë në mënyrë të mirë, atëherë nuk do të pranohet. Kounde e din këtë gjë dhe është në aspektin profesional ai është fantastik. 20 gushti ishte dita e fundit për shanset e transferimit të Koundes, dhe më 25 gusht arriti oferta për të, ofertë të cilën ne e refuzuam”, shtoi drejtori sportiv i Sevillas.

Klauzola e lirimit të Koundes është në regjionin e shumës prej 75 milionë eurosh deri në 80 milionë me bonuse. Nëse nuk arrihet kjo shumë nga klubet e interesuara, Sevilla nuk ka për qëllim që të hyjë në negociata.

Sport

E kapi për hunde trajnerin e Galatasarayt, Mourinho suspendohet me tri ndeshje

Published

on

Trajneri i Fenerbahçes, Jose Mourinho, është pezulluar me tre ndeshje pasi u pa duke i kapur hundën trajnerit të Galatasarayt, Okan Buruk, pas përfundimit të ndeshjes së Kupës së Turqisë.

Incidenti ndodhi pas fishkëllimës së fundit në stadiumin Şükrü Saracoğlu të mërkurën, kur të dy trajnerët po ndërvepronin me zyrtarët e ndeshjes pas fitores 2-1 të Galatasarayt.

Mourinho iu afrua Burukut nga pas dhe u pa duke i kapur hundën, gjë që bëri që ish-mesfushori i kombëtares turke, 51 vjeç, të binte në tokë duke mbuluar fytyrën. Portugezi, ish-trajner i Chelsea, Manchester United dhe Tottenham, u gjobit me 292,500 lira turke (rreth 5,955 £).

Galatasaray e akuzoi Mourinhon për një “sulm fizik” ndaj Burukut. Nga ana tjetër, Fenerbahçe e akuzoi Burukun se “u soll si të ishte qëlluar me armë” dhe pretendoi se ai kishte bërë “gjeste fyese me duar” për të provokuar Mourinhon.

Bordi Profesional i Disiplinës së Futbollit tha se kishte marrë në konsideratë veprimet e Burukut, çka çoi në zbutjen e dënimit të Mourinhos për shkak të “provokimit”. Ndihmësi i Mourinhos, Salvatore Foti, u pezullua me katër ndeshje për “fyerje ndaj një lojtari kundërshtar”.

Gjatë një përplasjeje pranë stola gjatë kohës shtesë, u ndëshkuan me karton të kuq Mert Yandaş i Fenerbahçes dhe Kerem Demirbay e Barış Yılmaz të Galatasarayt. Mesfushori Yandaş, 30 vjeç, është pezulluar me një ndeshje.

Tensionet mes dy klubeve ishin të larta që më parë, pasi në shkurt Galatasaray kishte deklaruar se do të “niste procedura penale” ndaj Mourinhos për “deklarata raciste” pas një barazimi pa gola.

Por këtë të premte, Fenerbahçe njoftoi se Prokuroria e Stambollit e kishte hedhur poshtë ankesën penale të Galatasarayt ndaj Mourinhos.

Continue Reading

Sport

De Jong, prioritet rinovimin me Barcelonën

Published

on

Frenkie De Jong ka shprehur dëshirën e tij për të rinovuar kontratën me Barcelonën dhe ka udhëzuar menaxherin e tij, Ali Dursun, që të mos dëgjojë asnjë ofertë tjetër për të. Sipas El Mundo Deportivo, De Jong e ka vendosur prioritet rinovimin me klubin katalanas, pavarësisht spekulimeve lidhur me mundësinë e transferimit të tij në ekipe si Manchester United, Liverpool dhe disa klube arabe.

Drejtuesit e Barcelonës, përfshirë drejtori sportiv Deco, janë të gatshëm të diskutojnë një marrëveshje të re me holandezin, por kanë vendosur të presin deri në fund të sezonit për të parë performancën e tij në kampionat dhe në Ligën e Kampionëve. Trajneri Hansi Flick e ka vendosur De Jong në qendër të skuadrës këtë vit, duke e bërë atë një lojtar kyç për Barcelonën./UBTNews/

Continue Reading

Sport

Hendboll, Kosova fillon stërvitjet në Slov të Suedisë

Published

on

Përfaqësuesja e Kosovës në hendboll ka filluar stërvitjet të hënën në qytetin e Slov të Suedisë, për dy ndeshjet kualifikuese ndaj kombëtares së Suedisë, të cilat janë të vlefshme për fazën e dytë kualifikuese për Botërorin e këtij viti.

Ndeshja e parë do të zhvillohet këtë të enjte në Karlskrona, me fillim në orën 19:00, ndërsa ndeshja e kthimit do të luhet të dielën në Prishtinë, me fillim në ora 17:15.

Suedia konsiderohet si një nga ekipet më të forta të botës në hendboll dhe është e para në vazon e parë, duke u renditur ndër më të favorizuarat për kualifikim. Ajo ka shënuar suksese të mëdha në dy Olimpiadat e fundit, duke arritur deri në gjysmëfinale, si dhe në Botërorin e vitit 2023 dhe në Evropianin e vitit 2024, ku u rendit e pesta.

Ndërsa për Kosoven, e cila kaloi fazën e parë kualifikuese me fitore ndaj Belgjikës dhe Bosnjë-Hercegovinës, kjo është një mundësi e madhe për të treguar nivelin e saj në arenën ndërkombëtare. Federata e Hendbollit e Kosovës ka theksuar se shtabi teknik dhe hendbollistet janë të vetëdijshme për forcën e kundërshtarëve, por atmosfera në ekip është shumë pozitive dhe motivuese për ndeshjet e ardhshme./UBTNews/

Continue Reading

Sport

Messi sërish vendimtar: Goli i tij në minutën e fundit siguron barazim ndaj Torontos

Published

on

Lionel Messi ka vazhduar të japë kontributin e tij të rëndësishëm për Inter Miami në MLS, duke shënuar një gol të bukur për të siguruar barazimin 1-1 kundër Torontos.

Toronto kaloi në epërsi pas një goli të Federico Bernardeschit nga afërsia, duke e çuar ndeshjen në 0-1.

Megjithatë, Messi nuk u dorëzua dhe shënoi një gol të mrekullueshëm në minutën e pestë shtesë për të barazuar shifrat.

Ky ishte goli i tretë i Messit në këtë kampionat, përveç dy asistimeve që ka dhënë deri tani.

Ky barazim ka bërë që Inter Miami të humbë vendin e parë në Konferencën e Lindjes, por Messi ka vazhduar të jetë një faktor kyç në përpjekjet e skuadrës për të arritur suksese këtë sezon.

Continue Reading

Të kërkuara