Kulturë
“Fjalori i madh i gjuhës shqipe”, në mbyllje procesi hartues dhe redaktimi në grupe
Në përfundim të fazës së hartimit të Projektit “Fjalor i madh i gjuhës shqipe”, drejtuar nga Akademia e Shkencave e Shqipërisë në bashkëpunim me Institutin Albanologjik të Prishtinës, u zhvillua takimi i rëndësishëm për finalizimin e veprës.
Takimi kishte një karakter konsultativ për të përmbyllur procesin e hartimit dhe redaktimit brenda grupeve pune. Diskutimet u fokusuan në përfundimin e fazës së tanishme të punës, si dhe në sistematizimin dhe unifikimin e paraqitjes leksikografike të materialeve të hartuara.
Anëtarët e grupeve pune nga Akademia e Shkencave e Shqipërisë përfshinin Valter Memishën, si Sekretar Shkencor i Fjalorit dhe hartues, Anila Kananajn si hartuese dhe koordinatore, dhe Engjëllushe Karajn si hartuese.
Në takim morën pjesë edhe përfaqësues nga Instituti Albanologjik i Prishtinës, përfshirë Shefkije Islamajn, Abdurrahim Maxhunin, Naim Berishën dhe Sejdi M. Gashin, të cilët kontribuan me hartimin e segmenteve të ndryshme të Fjalorit.
Në fund të takimit u bë e qartë se vepra ende nuk është e plotësuar plotësisht dhe secili hartues është nxitur të vazhdojë të pasurojë materialeve me fjalë, kuptime dhe shënime shtesë për të pasur një përmbajtje sa më të pasur dhe të përcaktuar gjuhësore./UBTNews/
Kulturë
Arsimi dhe trashëgimia: Një ekspozitë e veçantë në nder të 115-vjetorit të Kongresit të Elbasanit
Muzeu Historik Kombëtar dhe Bashkia e Elbasanit organizuan ditën e djeshme një ekspozitë të veçantë fotografike dhe dokumentare me titull “Kongresi i Arsimit Mbarëkombëtar Shqiptar”, në nder të 115-vjetorit të Kongresit të Elbasanit dhe hapjes së Shkollës Normale.
Ekspozita përshkruan me kujdes rrugëtimin historik të shkrimit të gjuhës shqipe dhe ofron një pasqyrë të detajuar mbi momentet kyçe të Kongresit të Elbasanit dhe të Shkollës Normale, e para shkollë kombëtare e hapur në këtë qytet.
Hapja e ekspozitës u zhvillua pranë godinës ku u mbajt Kongresi i Elbasanit, duke ofruar për të pranishmit një udhëtim të thellë nëpër kohë dhe një mundësi për të mësuar më shumë rreth trashëgimisë kulturore të vendit tonë, shkruan ATA.
Kjo ekspozitë është përgatitur me përkushtim nga Muzeu Historik Kombëtar në bashkëpunim me Drejtorinë e Përgjithshme të Arkivave dhe Arkivin Digjital të Elbasanit.
Aktiviteti u nderua me pjesëmarrjen e kryetarit të bashkisë së Elbasanit, Gledian Llatja, rektorës së Universitetit “Aleksandër Xhuvani”, Elvira Fetahu, si dhe deputetëve dhe personaliteteve të tjera. Kongresi i Elbasanit ka pasur një rëndësi të jashtëzakonshme historike për vendimet e tij në lidhje me sistemin e shkollimit shqip, hartimin e programeve unike dhe mënjanimin e shkollave në gjuhë të huaj, duke i zëvendësuar ato me shkolla shqipe./UBTNews/
Regjisorja iraniane Atefeh Jalali nuk do të ketë mundësinë të prezantojë filmin e saj të parë të shkurtër, “Ajar”, në Festivalin e Filmit në Venecia, raporton corriere.it.
Në një zhvillim të papritur, aktorët Masoomeh Iranshahi dhe Ibrahim Azizi janë penguar të udhëtojnë jashtë Iranit për shkak të temës politike të trajtuar në film dhe për shkak të qëndrimit të aktorës kryesore, e cila nuk kishte veshur hixhabin e detyrueshëm.
Kjo ndalesë është konfirmuar nga produksioni “WeShort”. Filmi i shkurtër ishte planifikuar të shfaqej në seksionin “Orizzonti” të festivalit prestigjioz.
“Ajar” ndjek historinë e një gruaje dhe një burri të përfshirë në një lidhje jashtëmartesore që merr një kthesë të papritur kur gruaja e burrit arrestohet gjatë protestave në të njëjtën natë. Edhe pse bashkëshortja nuk shfaqet kurrë në ekran, prania e saj ndihet thellë, duke e shtyrë protagonistin të rishikojë jetën e saj dhe të largohet nga një rrugë hedoniste.
Filmi trajton temat e fajit, elasticitetit dhe fuqisë transformuese të solidaritetit mes grave, dhe ndalesa e tij nga regjimi iranian është një tjetër shembull i kufizimeve që ndodhen ndaj artit dhe lirisë së shprehjes në vendet me regjim autoritar./UBTNews/
Hapet ekspozita për sheshin “Adem Jashari” në Prishtinë, ftohen qytetarët ta përzgjedhin projektin më të mirë
Aktakuzë për vrasjen e 21-vjeçares në Qendrën për Punë Sociale në Ferizaj
Zvicra zgjat statusin e mbrojtjes për refugjatët ukrainas deri në vitin 2026
Shqipëria dhe tragjedia e Gramoz Palushit: 20 vjet nga ndeshja e shkruar në histori
BE do të rrisë mbështetjen ushtarake për Ukrainën në përgjigje të sulmeve raketore ruse
Rikthimi i Casemiros në Turqi? Galatasaray në kërkim të një mesfushori të ri
Pse po protestojnë qindra mijëra njerëz në të gjithë Izraelin?
Palmer, Watkins dhe Foden tërhiqen nga kampi i Anglisë
OKB mirëpret progresin në Gaza lidhur me fushatën e vaksinimit, bën thirrje për armëpushim të përhershëm
-
Lajmet3 muaj më parëNdikimi i temperaturave të larta te personat e shëndoshë dhe te të sëmurët
-
Lajmet2 javë më parëZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet3 muaj më parëÇka është hipertermia?
-
Sport3 muaj më parëShqipëria, 22% gjasa të kalojë ‘Grupin e Vdekjes’