Lajmet

Fjalitë në intervistë që ua sigurojnë kandidatëve ofertën e punës

Mos e humbisni durimin dhe vazhdoni më tutje për t’i mësuar ato që bëjnë “mrekulli”:

Published

5 years ago

on

A e dini që ka fraza të cilat bëjnë “magji” në intervistat e punës? Janë këto fjalitë që i impresionojnë punëdhënësit, pavarësisht se për çfarë pozite dhe industrie po intervistoheni.

Mbase gjatë përgatitjes tuaj përpara se të shkoni në intervistë të punës, i keni përsëritur pa pushim disa fjali që keni menduar që janë më të mirat për t’i thënë gjatë intervistës, por përsëri nuk keni të sigurt, nëse janë të duhurat.

Mos e humbisni durimin dhe vazhdoni më tutje për t’i mësuar ato që bëjnë “mrekulli”:

“Isha shumë i/e ngazëllyer kur mësova për këtë pozitë”

Nëse keni shkuar në intervistë dhe thjesht përgjigjeni në çdo pyetje që jua bëjnë, jo vetëm që nuk do të lini përshtypje të mirë, por do të lini përshtypje të keqe, duke e ndërprerë aty çdo lidhje me kompaninë. Për ta bindur punëdhënësin që jeni shumë të interesuar duhet të shfaqni entuziazëm në përgjigjet tuaja. Madje, nuk është aspak turp që të jeni i hapur, duke i shtuar kësaj fraze edhe një fjali si “Më pëlqen që të krijoj përmbajtje për klientët pikërisht në këtë hapësirë dhe me të njëjtin ekip!”.

“Kjo punë më përputhet shumë me përvojën dhe kualifikimet e mia dhe ja pse”

Njëra nga qëllimet e rekruterëve është gjetja e dikujt për t’u përshtatur në kultura dhe detyra pa shumë probleme në atë pozitë. Kjo do të thotë që duhet të të jeni të përgatitur mirë me kërkesat dhe kushtet e punës dhe keni aftësi për të ekzekutuar. Gjatë intervistës së punës e keni mundësinë që t’i thoni gjërat që nuk keni pasur mundësi t’i përmendni në letër motivuese.

Prandaj, kur e thoni këtë është shumë e rëndësishme që ta keni gati një “tregim” i cili e shpjegon përvojën tuaj. Zgjidhni ngjarje që i hedhin në pah aftësitë dhe pikat tuaja më të forta!

Pashë që puna kërkon e di shumë mirë përdorimin e softuerit X. Unë e përdora këtë softuer në dy punët e mia të kaluara, kështu që jam shumë rehat me të gjatë përdorimit. Madje edhe kam trajnuar punonjës të rinj kur kanë filluar punën atje. Të njëjtën mund ta bëj edhe këtu.”

“Kam lexuar për këtë projekt në ueb-faqen tuaj”

Punëdhënësit janë në kërkim të punonjësve të informuar. Me këtë fjali ju tregoni që keni hulumtuar paraprakisht dhe jeni shumë të interesuar që ta zini atë vend pune. Kështu që, hulumtoni jo vetëm në faqen e internetit të kompanisë, por edhe në rrjetet sociale, apo storjet në mediume të ndryshme.

“Më lejoni që t’jua një kohë kur e kam zgjidhur një problem të tillë”

Bazuar në një gjetje të Asociacionti Nacional të punëdhënësve dhe kolegjeve, zgjidhja e problemeve është njëra ndër aftësitë e buta që të diplomuarve të rinj të kolegjit u mungon më shumë. Por edhe, kur vendosni të tregoni që jeni problem-zgjidhës, tregoni atë me shembuj. Edhe këtu ka dallim. Mënyra më e mirë është që të hulumtoni për kompaninë dhe të shihni se me çfarë sfidash përballet kompania, pastaj shpjegoni sesi keni zgjidhur probleme të ngjashme në të kaluarën.

“Kam lexuar në faqen tuaj të internetit që jeni duke u bërë gati për ta lansuar një produkt të ri, por nuk ka shumë media që po flasin për këtë. Në punën time të vjetër pata punuar për të nxjerrë një produkt të ri në treg. Atë kohë pata qenë i përfshirë në krijimin e njoftimeve për shtyp dhe sigurohesha që ta ketë mbulim të mjaftueshëm mediatik. Do të doja të ndaja atë që mësova me ekipin tuaj dhe të ndihmoja produktin tuaj të ri të ekspozohej më shumë.”

“A mund ta qartësosh?”

Kur gjatë gjithë kohës e tundni kokën në shenjë pohimi, intervistuesi mund të mendojë që nuk po e dëgjoni vërtetë dhe gjithçka që po bëni është ta prisni radhën tuaj për të folur. Duke bërë pyetje të tilla pasuese gjatë intervistës, tregoni që jeni plotësisht të angazhuar në bisedë. Pra, nuk po e humbni kohën e tyre

Përmendni emrin e intervistuesit

Një mënyrë e mirë për të krijuar lidhje me intervistuesin është që ta përmendi emrin e intervistuesit dy deri në tri herë gjatë intervistës. Duket që nuk ka ndonjë rëndësi, por do të thotë shumë. Intervistuesit janë gjithmonë intuitivë në krijimin e kimisë në mes të personave.

Related Topics:
Continue Reading

Lajmet

Eli AB me pikë të re dhe çmime më të lira në Prishtinë

Published

11 minutes ago

on

June 30, 2026

By

Arikull i sponsporizuar:

Rrjeti i njohur i marketeve Eli AB po vazhdon zgjerimin e tij në kryeqytet, duke hapur zyrtarisht dyert e pikës më të re në magjistralen Prishtinë – Gjilan, saktësisht mbrapa Gorenjes.

Ky lokacion i ri është përzgjedhur me kujdes për t’u ardhur sa më afër konsumatorëve, duke ofruar një qasje jashtëzakonisht të lehtë dhe praktike për të gjithë ata që duan të kryejnë blerjet e tyre pa humbur kohë.

Në këtë pikë të re, qytetarët i presin të gjitha produktet esenciale, ato ushqimore dhe artikujt e shumtë për shtëpi, të organizuara në një hapësirë moderne e të këndshme.

Përtej ambientit të ri, ajo që e dallon më së shumti Eli AB është politika e çmimeve. Ky rrjet vjen në lokacionin e ri me çmimet më të lira në treg, duke garantuar një kursim real për çdo familje dhe duke sjellë ofertat më konkurruese në vend.

Për nder të kësaj hapjeje të madhe, Eli AB ka përgatitur zbritje të jashtëzakonshme në një numër të madh artikujsh.

E krejt ju që doni të përfitoni nga këto çmime ekskluzive dhe të kurseni në blerjet tuaja, Eli AB tashmë i ka hapur dyert dhe po ju pret në pikën e re në magjistralen Prishtinë – Gjilan për t’ju ofruar eksperiencën më të mirë të blerjes në qytet.

Continue Reading

Lajmet

I lë fëmijët e mbyllur në veturë në Prizren, gjobitet e ëma me 300 euro

Published

47 minutes ago

on

June 30, 2026

By

Policia e Kosovës ka gjobitur me 300 euro një nënë në Prizren, nën dyshimin për moskujdes ndaj të miturve.

Rasti ka ndodhur të shtunën në parkingun e një qendre tregtare, ku policia ka pranuar informacion se disa fëmijë ishin lënë të mbyllur brenda një automjeti në temperaturë të lartë.

Zyrtarët policorë kanë hapur me forcë veturën për t’i nxjerrë fëmijët, të cilët shfaqnin shenja lodhjeje dhe dehidratimi nga nxehtësia.

Pas këtij rasti, Policia ka apeluar te qytetarët që të mos i lënë asnjëherë fëmijët apo personat e ndjeshëm të mbyllur në automjete, për shkak të rrezikut të lartë nga temperaturat e verës./E.A/

Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

3 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Tragjedi në Venezuelë: Futbollisti Lucas Trejo humb bashkëshorten dhe dy fëmijët nga tërmetet shkatërruese

Published

3 hours ago

on

June 30, 2026

By

Futbollisti Lucas Trejo po përballet me një humbje të madhe familjare, pasi bashkëshortja e tij, Yanina Maranella, së bashku me dy fëmijët e tyre Aarón Trejo dhe Ainhoa Trejo, janë konfirmuar ndër viktimat e tërmeteve shkatërruese që goditën Venezuelën javën e kaluar.

Sipas klubit të tij C.S. Marítimo de La Guaira, i cili e kishte afruar Trejon në muajin shkurt, familja e tij është në mesin e mbi 1,400 viktimave të regjistruara nga fatkeqësia natyrore. Klubi ka shprehur ngushëllimet përmes një deklarate publike në rrjetet sociale, duke theksuar dhimbjen e madhe që ka goditur lojtarin dhe komunitetin sportiv.

“Në këtë moment dhimbjeje të madhe, lutemi për prehjen e shpirtrave të tyre dhe për forcën e Lucas-it dhe familjes së tij për ta përballuar këtë tragjedi”, thuhet në reagimin e klubit, i cili i ka ofruar mbështetje të plotë futbollistit 38-vjeçar.

Trejo ndodhej në Karakas në një kamp stërvitor me ekipin e tij në momentin kur ndodhën tërmetet me magnitudë 7.2 dhe 7.5 ballë. Ai është kthyer menjëherë në shtëpinë e tij në La Guaira, zonën më të goditur nga fatkeqësia.

Sipas dëshmive të familjarëve, situata në vendngjarje ka qenë e rëndë dhe ndërtesa ku jetonte familja është shkatërruar pothuajse plotësisht. Ende nuk është konfirmuar nëse familja ndodhej brenda banesës në momentin e tërmeteve.

Në operacionet e kërkimit është përfshirë edhe ish-futbollisti Edson Tortolero, i cili ka ndihmuar në gërmimet e mbetura dhe ka shprehur ngushëllime për familjen e viktimave. Ai e ka cilësuar ngjarjen si një nga tragjeditë më të rënda që ka përjetuar komuniteti sportiv në vend.

Ndërkohë, një tjetër futbollist, Héctor Bello, ka humbur bashkëshorten e tij Andrea Bello, e cila sipas raportimeve ka vdekur duke mbrojtur vajzën e tyre 20-muajshe gjatë tërmeteve. Bello e ka përshkruar atë si “heroinën e tij”, duke premtuar se do t’ia tregojë vajzës historinë e saj kur të rritet.

Autoritetet venezueliane vazhdojnë operacionet e kërkim-shpëtimit, ndërsa bilanci i viktimave dhe i dëmeve materiale mbetet shumë i rëndë./A.K/

Continue Reading

Të kërkuara