Lajmet

Fitimet nga rrjetet sociale e kriptovalutat duhet të deklarohen në ATK

Murati ka thënë se kanë mbetur edhe pak ditë që qytetarët duhet ta plotësojnë formularin në mënyrë elektronike.

Published

4 years ago

on

Ministri i Financave, Hekuran Murati, këtë të hënë bëri të ditur se qytetarët tash e tutje duhet t’i deklarojnë të gjitha të hyrat personale që gjenerojnë gjatë gjithë vitit dhe të hyrat të cilat nuk tatimoren në burim ashtu siç ndodhë edhe në paga.

Në një konferencë për media, Murati ka thënë se kanë mbetur edhe pak ditë që qytetarët duhet ta plotësojnë formularin në mënyrë elektronike për deklarimin e pasurisë duke përfshirë ata të cilët, kanë lokale apo shtëpi me qira, të ardhura nga fitimet kapitale dhe të ardhurat nga burimet nga jashtë.

“Bëhet fjalë për plotësimin e deklaratës të të ardhurave personale që është deklaratë që sipas ligjit pra duhet të plotësohet nga të gjithë ata që kanë pasur të ardhura gjatë vitit paraprak e për të cilat nuk kanë paguar tatim apo nuk është ndalur tatimi në burim. Ata që marrin pagën e rregullt u ndalet tatimi në burim, pra nuk ka nevojë që të plotësohet kjo deklaratë, por nëse ka të ardhura të tjera siç është fjala nga qiraja d.m.th. nëse ke lëshuar banesë apo shtëpi me qira ndaj një entiteti që nuk e ndal tatimin në burim dhe që nuk e paguan ndaj ATK-së, duhet ta plotësoni këtë deklaratë, formulari është elektronik, që duhet të plotësohet që ta zëmë ka të ardhura, nga qiraja, ka të ardhura nga fitimet kapitale, ka të ardhura nga burimet nga jashtë… Çështja e plotësimit të formularit për vitet paraprake normalisht në platformën EDI, janë edhe vitet paraprake pra të gjitha vitet nëse ke pasur të ardhura në vitet e kaluara d.m.th. mund të deklarohen në mënyrë që të evitohet çfarëdo shkelje në raport me ligjin”, tha ai

Ministri Murati kujtoi se duhet të paguhet tatim edhe për të ardhura nga puna “freelance” që bëjnë shumë të rinj në Kosovë por edhe për fitimet nga rrjetet sociale si Youtube.

“Fitimi ose të ardhurat e tjera mund të llogariten edhe të ardhurat që janë me burim nga jashtë, pra mund të jenë të ardhura nga puna ‘freelance’, kemi shumë të rinj që punojnë dizajnerë, programorë, apo profesione të tjera, por që nuk e kanë idenë (se a duhet të paguajnë tatim), kjo është për t’i sqaruar që edhe ata janë të obliguar të deklarojnë të ardhurat e tyre që fitojnë nga puna ‘freelance’ dhe ta paguajnë atë tatim në mënyrë që të mos kenë telashe sa i përket zbatimit të ligjit. Çështje tjetër mund të jenë edhe të ardhurat nga Youtube, apo rrjete sociale, ka edhe Google Ads, të ardhura nga Youtube, nga video të ndryshme, të gjitha këto janë të ardhura që duhet të shënohen në këtë deklaratën e të ardhurave personale dhe pastaj të barazohemi me ATK”, tha Murati.

Sipas ministrit Murati, edhe qytetarët të cilët merren me shitblerjen e kriptovalutave duhet të deklarojnë të hyrat e tyre vjetore.

“Pra, është çdo fitim i cili është bërë ose është gjeneruar nga shitblerja e paluajtshmërisë, pra pronës së paluajtshme, shitblerja e letrës me vlerë, por edhe shitblerja e kriptovalutave që i kemi tash së fundmi”, deklaroi Murati.

I pyetur nga KosovaPres për ekzekutimin e shtesave të 100 eurove për punëtorët e sektorit privat ku tash e 1 muaj ende nuk janë ekzekutuar, ai ka thënë se shumë shpejt pritet të ekzekutohen.

“E kemi sqaruar që komisioni është formuar, afati i aplikimit ka qenë deri javën e kaluar dhe do të krijonte më shumë telashe sesa që do të zgjidhte problemin nëse kishim filluar t’i trajtojmë një nga një aplikimet në mënyrë të veçantë, pra është dashur të pritet të përmbyllët afati në mënyrë që komisioni të fillojë punën dhe po besoj që shumë shpejtë edhe do ta kryejnë punën”, theksoi ai. 

Related Topics:
Continue Reading

Lajmet

Riktheni lëvizshmërinë, fuqinë dhe cilësinë e jetës me fizioterapi të avancuar në United Hospital

Published

42 minutes ago

on

September 23, 2026

By

United Hospital zgjeron kujdesin e specializuar rehabilitues me shërbime të avancuara të fizioterapisë, të dedikuara për pacientët që përballen me dhimbje, dëmtime muskulo-skeletore, probleme të shtyllës kurrizore apo nevojë për rikuperim pas ndërhyrjeve kirurgjikale.

Nën kujdesin profesional të fizioterapistes Nida Qono, pacientët mund të përfitojnë programe të personalizuara rehabilitimi, të fokusuara në rikthimin gradual të lëvizshmërisë, funksionalitetit dhe pavarësisë në aktivitetet e përditshme.

Shërbimet përfshijnë rehabilitimin fizioterapeutik të problemeve të shtyllës kurrizore, përfshirë rastet me hernie diskale cervikale, torakale dhe lumbale, si dhe menaxhimin e dhimbjeve dhe dëmtimeve muskulore, tendosjeve, spazmave dhe mbingarkesave funksionale.

Një tjetër komponent i rëndësishëm është korrigjimi i çrregullimeve posturale, i shoqëruar me edukimin e pacientit për ndryshime të qëndrueshme në mënyrën e përdorimit dhe pozicionimit të trupit.

Rehabilitim ortopedik dhe post-operativ

Programet e fizioterapisë adresojnë gjithashtu nevojat e pacientëve pas dëmtimeve apo ndërhyrjeve ortopedike, duke përfshirë:

Rikthimin pas ndërhyrjeve në ligamentin e kryqëzuar anterior (ACL)

Rehabilitimin pas dëmtimeve të ligamenteve dhe meniskut, konservativ ose post-operativ

Rehabilitimin pas vendosjes së proteza të gjurit

Rehabilitimin pas vendosjes së proteza të kërdhokullës

Rehabilitimin pas traumave, përfshirë frakturat, dëmtimet sportive dhe aksidentet

Rehabilitimin e të sëmurëve ambulatorë

Qasja e fizioterapisë synon të përshtatet me gjendjen dhe objektivat individuale të secilit pacient, duke e bërë procesin e rehabilitimit një rrugëtim të strukturuar drejt rikthimit në aktivitetet e përditshme.

Kur dhimbja kufizon lëvizjen, rehabilitimi i specializuar mund të jetë një hap i rëndësishëm drejt rikthimit të funksionalitetit.

📞 Caktoni terminin tuaj: 046 60 70 70
📍 United Hospital – M2 Prishtinë–Ferizaj, Km 7, Prishtinë, Kosovë

United Hospital – Knowledge and Solution
Nida Qono – Fizioterapiste./rajonipress/

 

 

 

Continue Reading

Lajmet

Plenkoviq nga OKB-ja kritikon Serbinë: Glorifikimi institucional i Mlladiqit, fyerje ndaj viktimave

Published

1 hour ago

on

September 23, 2026

By

Kryeministri i Kroacisë, Andrej Plenkoviq, gjatë fjalimit të tij në Asamblenë e Përgjithshme të OKB-së, ka dënuar ashpër nderimet zyrtare që Serbia po i bën të dënuarit për krime lufte, Ratko Mlladiq. Plenkoviq i cilësoi këto veprime si fyerje të drejtpërdrejtë ndaj viktimave dhe vendimeve të gjykatave ndërkombëtare, duke nënvizuar se pajtimi në Evropë kërkon përballje reale me të kaluarën dhe ndaljen e lartësimit të kriminelëve nga ana e institucioneve.

“Pajtimi në Evropë kërkon përballjen me krimet e së kaluarës, respektimin e viktimave dhe refuzimin e glorifikimit institucional të autorëve të krimeve”, deklaroi Plenkoviq para përfaqësuesve botërorë.

Kreu i qeverisë kroate rikujtoi sulmet e urdhëruara nga Mlladiqi mbi qytetet kroate, vrasjet e civilëve dhe shkatërrimin e infrastrukturës e trashëgimisë kulturore, duke theksuar se këto mizori kulmuan me gjenocidin e Srebrenicës në vitin 1995. Mlladiq u dënua me burgim të përjetshëm nga Gjykata e Hagës për gjenocid, krime lufte dhe krime kundër njerëzimit gjatë konfliktit në Bosnje-Hercegovinë.

Gjatë fjalimit të tij në Nju Jork, Plenkoviq u ndal edhe te situata në Lindjen e Mesme, ku bëri thirrje për zbatimin e standardeve ndërkombëtare për mbrojtjen e civilëve dhe garantimin e ndihmës humanitare në Gaza. Ai ritheksoi mbështetjen e Kroacisë për një zgjidhje të negociuar me dy shtete, me qëllim që izraelitët dhe palestinezët të jetojnë pranë njëri-tjetrit në paqe dhe siguri.

 

Continue Reading

Lajmet

Hyseni u dorëzohet autoriteteve në Vërmicë: Ish-shefja e SHISH në arrest shtëpie pas shkarkimit nga Rama

Published

1 hour ago

on

September 23, 2026

By

Kreu i Shërbimit Informativ të Shtetit (SHISH), Vlora Hyseni, u është dorëzuar autoriteteve shqiptare në pikën kufitare Vërmicë-Morinë, pasi gjatë ditës ka qëndruar në territorin e Kosovës.

Paraqitja e saj në pikën kufitare erdhi menjëherë pas vendimit të Gjykatës së Posaçme (GJKKO), e cila me kërkesë të SPAK-ut ka caktuar ndaj saj masën e sigurisë “arrest në shtëpi” dhe pezullimin e menjëhershëm nga detyra. Hyseni po hetohet nga Struktura e Posaçme për veprat penale “përkrahje e autorit të krimit” dhe “nxjerrje e sekretit hetimor”.

Ekzekutimi i masës së sigurisë nuk arriti të kryhej gjatë orëve të mëngjesit, pasi zyrtarja e lartë ndodhej në Baku të Azerbajxhanit, ku po merrte pjesë në një konferencë ndërkombëtare të drejtuesve të shërbimeve informative.

Në vijim të këtyre zhvillimeve, kryeministri i Shqipërisë, Edi Rama, ka njoftuar zyrtarisht shkarkimin e saj nga detyra e drejtueses së SHISH-it.

Continue Reading

Lajmet

Godet këmbësoren me veturë, arrestohet i dyshuari në Prishtinë

Published

1 hour ago

on

September 23, 2026

By

Një person është arrestuar në Prishtinë pasi dyshohet se, gjatë drejtimit të veturës nga pakujdesia, ka goditur një këmbësore.

Rasti ka ndodhur më 22 shtator, rreth orës 12:50. Si pasojë e aksidentit, këmbësorja ka pësuar lëndime trupore dhe është dërguar për trajtim mjekësor në QKUK.

Në konsultim me prokurorin është iniciuar rasti, ndërsa i dyshuari është dërguar në mbajtje./A.K/

Continue Reading

Të kërkuara