Sport

Finalja e Ligës së Kampionëve mund të luhet në New York në vitin 2024

Published

on

Finalja e Ligës së Kampionëve mund të luhet në New York në vitin 2024, me UEFA-n që planifikon një riparim të plotë të garës elitare evropiane për klube.

UEFA do të rindërtojë garën elitare në tri vitet e ardhshme me planet për të zgjatur numrin e ekipeve nga 32 në 36.

Në vend të tetë grupeve me nga katër, skuadrat do të merrnin pjesë në një grup të madh, duke përdorur ‘Sistemin Zviceran’, por një tjetër ndryshim i madh mund të jetë vendndodhja e finales.

Sipas mediumit britanik The Sun, UEFA ka filluar idenë e marrjes së shfaqjes së futbollit evropian në ‘Big Apple’ për finalen e parë të përditësuar.

Disa finale të radhës tashmë janë planifikuar të jenë në Stamboll, St Petersburg, Munich dhe Wembley, nën formatin aktual, por asgjë nuk është vendosur pas kësaj.

Nuk është hera e parë që flitet për marrjen e finales jashtë vendit, me SHBA-të gjithashtu i përmendur si emër potencial për organizimin e finales.

Në nëntor të 2019 u raportua se TEAM Marketing AG, i cili përfaqëson interesat komerciale të UEFA-s, kishte folur me partnerë të mundshëm dhe mbajtës të të drejtave të medias të planit.

Pretendimet shkuan deri aty sa të thuhej që Stadiumi Metlife, i cili është shtëpia e New York Giants dhe New York Jets, dhe ka pritur dy herë WrestleMania, është vendndodhja e tyre e preferuar.

Nëse finalja do të zhvillohej në 3 pasdite me kohën lokale në New York, atëherë ajo do të fillonte në orën 20:00 në Mbretërinë e Bashkuar dhe 21:00 në Evropën kontinentale, e cila është koha e zakonshme e fillimit të finales.

Sidoqoftë kjo sigurisht do të ndikonte në tifozët që dëshironin të udhëtonin për ndeshjen pasi do të ishte më larg se shumë vende në kontinent.

Sport

Jamal Musiala pëson lëndim të rëndë në ndeshjen Bayern – PSG

Published

on

By

Gjatë ndeshjes së Bayernit ndaj Paris Saint-Germain, ylli i Bayern Munich, Jamal Musiala, pësoi një lëndim serioz në nyjen e këmbës. Në një duel në fund të pjesës së parë, portieri i PSG-së, Gianluigi Donnarumma, shkaktoi përdredhjen e gjurit të Musialas, duke e detyruar atë të largohet nga fusha me ndihmën e stafit mjekësor.

Lëndimi duket shqetësues dhe ka alarmuar jo vetëm skuadrën dhe tifozët, por edhe vetë Donnarumman, i cili u shfaq i tronditur nga incidenti.

Bayerni reagoi menjëherë në rrjetin social “X”, duke shprehur mbështetjen për lojtarin: “Jamal Musiala duhet të tërhiqet jashtë fushës pas një lëndimi të rëndë. Jemi me ty, Jamal!”

Situata e Musialas mbetet nën vëzhgim, ndërsa klubi dhe tifozët presin lajme më të detajuara për gjendjen e tij.

Continue Reading

Sport

Vdekja e Diogo Jota-s: Liverpool merr vendimin, përjetëson fanellën me numrin 20

Published

on

By

Ikja para kohe dhe në mënyrë tragjike e futbollistit Diogo Jota ka tronditur botën e futbollit dhe jo vetëm, ndërsa ka shkaktuar reagime të shumta, ku personazhe të të gjitha fushave, skuadra, lojtarë, por dhe tifozë i shprehën ngushëllimet familjarëve. Në Anfield, flamuri i Liverpool u ul në gjysmë shtizë, ndërsa tifozët e kuq bënë homazhe në nderim të yllit portugez të futbollit.

Pasi kënduan vargjet e Jota, si dhe himnin YNWA tifozët i kanë bërë një kërkesë drejtuesve të klubit për heqjen nga qarkullimi të fanellës me numrin 20.

Numri 20 duhet të mbetet përjetësisht i tij. Ai nuk ishte vetëm lojtar i madh, por një shpirt i pastër dhe njeri i jashtëzakonshëm”, deklaronin tifozët e ndryshëm.

Pak orë më pas ishte skuadra ajo e cila mori vendimin për përjetësimin e kësaj fanelle, duke e hequr përfundimisht nga qarkullimi, në nderim të lojtarit që humbi jetën.

Diogo Jota dhe vëllai i tij Andre humbën jetën në orët e para të mëngjesit të së enjtes si pasojë e një aksidenti automobilistik në Zamora të Spanjës. Ata ishin duke u kthyer nga Spanja drejt Anglisë, pasi sipas asaj që raportohet në mediat spanjolle, Jota e kishte të ndaluar të udhëtonte me avion për shkak të një ndërhyrje në mushkëri, duke preferuar linjën tokësore. Makina me të cilin dyshja udhëtonin shpërtheu në flakë pas një përplasje të fuqishme, duke mos i dhënë asnjë mundësi shpëtimi.

Continue Reading

Sport

Zyrtare: Nico Williams rinovon me Athletic Bilbao deri në vitin 2035

Published

on

Ylli i Spanjës dhe kampion i Euro 2024, Nico Williams, ka firmosur një kontratë të re afatgjatë me Athletic Bilbao që do ta mbajë në “San Mamés” deri më 30 qershor 2035.

Nëpërmjet një njoftimi zyrtar dhe një videoje të veçantë në rrjetet sociale, Athletic Bilbao konfirmoi se ka arritur marrëveshje për rinovimin e kontratës me një nga futbollistët më të talentuar të brezit të ri. Klauzola e lirimit të tij është rritur me mbi 50% krahasuar me marrëveshjen e mëparshme.

“Kur merr vendime, gjëja më e rëndësishme është të dëgjosh zemrën. Jam aty ku dua të jem, me njerëzit e mi. Kjo është shtëpia ime. Aupa Athletic!”, u shpreh vetë Williams në videon promovuese të klubit.

Nico Williams ishte pranë transferimit te Barcelona, por përfundimisht ka mbetur në Bilbao.

 

 

Continue Reading

Sport

Fluminense dhe Al Hilal përballen për një vend në gjysmëfinale

Published

on

By

Nga ora 21:00, skuadra braziliane Fluminense dhe ajo arabe Al Hilal do të përballen për herë të parë në histori, në një duel emocionues që zhvillohet në stadiumin “Camping World” në Orlando.

Të dyja skuadrat kanë qenë surpriza të mëdha, duke eliminuar gjigantë të futbollit evropian. Fluminense mposhti Interin me rezultat 2-0, ndërsa Al Hilal shkroi histori duke e eliminuar kampionin në fuqi Manchester City.

Ky takim do të përcaktojë një tjetër finalist të mundshëm të këtij edicioni të pasur me surpriza, dhe pritet të ofrojë emocione të forta për të gjithë adhuruesit e futbollit.

Continue Reading

Të kërkuara