Shëndet

Fibrilacioni atrial – Çfarë është dhe si ta menaxhoni?

Fibrilacioni atrial është një çrregullim i ritmit të zemrës.

Published

3 years ago

on

Është një çrregullim i ritmit të zemrës, ku ajo fillon të rrahë shpejt dhe në mënyrë të parregullt.

Simptomat e fibrilacionit atrial

Këto rrahje kaotike mund të shkaktojnë një sërë simptomash, me të cilat AgroWeb.org ju njeh më poshtë.

Rrahjet mesatare të zemrës për një person të shëndetshëm mbi moshën 10 vjeç janë midis 60 dhe 100 rrahje në minutë.

Nëse rrahjet e zemrës tuaj rriten ose ulen, kjo mund të jetë një shenjë e një rrahjeje të parregullt të zemrës.

Disa simptoma të zakonshme përfshijnë:

  • rrahjet e zemrës
  • dhimbje gjoksi
  • lodhje
  • gulçim
  • dobësi
  • marramendje
  • të fikët
  • konfuzion
  • intoleranca ndaj ushtrimeve fizike

Këto simptoma mund të ikin e të vijnë në bazë të ashpërsisë së gjendjes tuaj.

Për shembull, ekziston një lloj fibrilacioni atrial që largohet vetë pa ndërhyrje mjekësore.

Por mund t’ju duhet të merrni ilaçe për të parandaluar episodet e ardhshme dhe komplikimet e mundshme që janë goditjet në tru dhe dështimi i zemrës.

Në përgjithësi, simptomat mund të zgjasin për disa minuta ose orë, dhe nëse vazhdojnë për disa ditë mund të tregojnë se gjendja është kronike.

Nëse keni nevojë për trajtim, mjeku mund të rekomandojë medikamentet e përshtatshme për ju.

Shkaqet

Zemra përmban katër dhoma: dy atriume dhe dy barkushe. Fibrilacioni atrial ndodh kur këto dhoma nuk sinkronizohen siç duhet për shkak të sinjalizimit elektrik të gabuar.

Shkaku i fibrilacionit atrial nuk dihet gjithmonë. Një faktor kryesor është stresi, duke përfshirë atë fizik, mendor ose emocional.

Stresi bën që aktiviteti elektrik jonormal në zemër të ndodhë më shumë.

Gjithashtu mund ta bëjë trupin tuaj më të tendosur dhe madje të çojë në ndryshime në shpejtësinë e rrahjeve të zemrës.

Disa shkaqe të tjera përfshijnë:

  • presionin e lartë të gjakut
  • semundje e arteries koronare
  • sëmundje të valvulave të zemrës
  • kardiomiopatia hipertrofike, në të cilën muskuli i zemrës bëhet i trashë
  • ndërhyrje në zemër
  • defekte të lindura të zemrës
  • marrja e medikamenteve të caktuara
  • sëmundja e tiroides
  • kafeina
  • alkooli
  • duhani etj.
Parandalimi

Shumica e rasteve të fibrilacionit atrial mund të menaxhohen ose trajtohen. Por fibrilacioni atrial tenton të përsëritet dhe të përkeqësohet me kalimin e kohës.

Ju mund të zvogëloni rrezikun duke:

  • Ndjekur një regjim ushqimor të pasur me fruta dhe perime të freskëta dhe e ulët në yndyrna të ngopura
  • Duke u stërvitur rregullisht
  • Duke mbajtuar një peshë të shëndetshme
  • Shmangni pirjen e alkoolit dhe duhanit
  • Duke ndjekur këshillat e mjekut

Në përgjithësi, një kombinim i mënyrsë së shëndetshme të jetesës dhe medikamenteve mund t’ju ndihmojë të parandaloni dështimin e zemrës dhe goditjen në tru. /AgroWeb.org

Related Topics:
Continue Reading

Shëndet

Varianti K: Mutacioni më infektues që po përhapet shpejt në botë

Published

3 hours ago

on

December 10, 2025

By

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Continue Reading

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

3 hours ago

on

December 10, 2025

By

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

 

Continue Reading

Shëndet

Uleni temperaturën pa ilaçe, këshilla të thjeshta dhe efektive

Published

21 hours ago

on

December 9, 2025

By

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/

Continue Reading

Shëndet

Keni ngrënë aksidentalisht disa fara molle? Ja çfarë duhet të dini

Published

24 hours ago

on

December 9, 2025

By

Nëse keni ngrënë disa fara molle pa dashje, zakonisht nuk ka arsye për shqetësim.

Lëvozhga e fortë e jashtme i mbron substancat e tyre të dëmshme, prandaj shumica e njerëzve nuk përjetojnë efekte anësore.

Por, nëse farat përtypen, shtypen ose konsumohen në sasi të mëdha, ato mund të bëhen toksike.

Rreziqet kryesore:

Mbytja: Farat e vogla mund të bllokojnë rrugët e frymëmarrjes, veçanërisht tek fëmijët ose personat me vështirësi në gëlltitje. Për këtë arsye, është më e sigurt të hiqni bërthamën para se të hani.

Helmimi: Farat përmbajnë amigdalinë, që në trup mund të shndërrohet në cianur hidrogjeni, një substancë toksike. Gëlltitja e farave të plota zakonisht nuk është e rrezikshme, por përtypja rrit rrezikun. Simptomat mund të përfshijnë dhimbje koke, të përziera, marramendje, rrahje të shpejta të zemrës dhe në raste të rënda humbje të vetëdijes.

Probleme tretjeje: Përtypja e një numri të madh farash shkakton fryrje ose dhimbje barku, sidomos tek personat me probleme të tretjes.

Alergjitë: Rrallë, disa persona mund të kenë reaksione alergjike ndaj farave, duke përfshirë skuqje, ënjtje ose vështirësi në frymëmarrje. Në këtë rast, kërkoni menjëherë ndihmë mjekësore.

Sa është e rrezikshme?

Ekspertët vlerësojnë se një dozë toksike për një të rritur është rreth 150–200 fara të përtypura, varësisht nga pesha dhe lloji i mollës. Pra, ngrënia aksidentale e disa farave nuk paraqet rrezik.

Hiqni gjithmonë bërthamën dhe farat para konsumimit, veçanërisht për fëmijët.

Mos përtypni farat e mëdha ose të shumta rregullisht. /A.Z/UBT News/

Continue Reading

Të kërkuara