Sport

​FFK shpall më të mirin e javës së 22-të në Superligë

Published

1 month ago

on

Federata e Futbollit të Kosovës dhe sponsori i Superligës, Albi Mall, kanë ndarë çmimin “Ylli i Javës”. Ky çmim për javën e 22-të në Albi Mall Superligë i është ndarë futbollistit të FC Malisheva, Arlind Veliu.

Veliu, përpos që shënoi një gol të bukur, u shqua me ndërhyrjet e tij në mbrojtje, duke qenë më meritori për fitoren e FC Malisheva kundër FC Ballkani (3:1), shkruan KosovaPress.

Pasi mori këtë çmim, Veliu u shpreh i lumtur që u vlerësua si më i miri i javës: “Jam shumë i lumtur për këtë vlerësim dhe do të vazhdoj të jap maksimumin për ekipin tim. Ishte një gol vendimtar, i cili na ndihmoi të sigurojmë tre pikë të rëndësishme. Do të vazhdojmë të japim maksimumin në çdo ndeshje, duke u përpjekur të paraqitemi sa më mirë dhe të arrijmë objektivin tonë. Shpresoj që do të luftojmë deri në fund për titullin kampion dhe pse jo, të sigurojmë edhe daljen në Evropë. Është kënaqësi e madhe për mua të luaj me Malishevën dhe ëndrra ime është që ta përfaqësojmë sërish klubin në garat evropiane”, thotë Veliu për faqen zyrtare të FFK-së.

“Ky çmim është një motiv shtesë për mua, për të vazhduar të punoj dhe të ndjek synimet e mia për të luajtur në Evropë. Shpresoj që ky sezon të jetë një nga më të mirët dhe të arrijmë suksesin që e dëshirojmë të gjithë”, ka përfunduar ai.

Related Topics:
Continue Reading

Sport

Messi sërish vendimtar: Goli i tij në minutën e fundit siguron barazim ndaj Torontos

Published

60 minutes ago

on

April 7, 2025

By

Lionel Messi ka vazhduar të japë kontributin e tij të rëndësishëm për Inter Miami në MLS, duke shënuar një gol të bukur për të siguruar barazimin 1-1 kundër Torontos.

Toronto kaloi në epërsi pas një goli të Federico Bernardeschit nga afërsia, duke e çuar ndeshjen në 0-1.

Megjithatë, Messi nuk u dorëzua dhe shënoi një gol të mrekullueshëm në minutën e pestë shtesë për të barazuar shifrat.

Ky ishte goli i tretë i Messit në këtë kampionat, përveç dy asistimeve që ka dhënë deri tani.

Ky barazim ka bërë që Inter Miami të humbë vendin e parë në Konferencën e Lindjes, por Messi ka vazhduar të jetë një faktor kyç në përpjekjet e skuadrës për të arritur suksese këtë sezon.

Continue Reading

Sport

Kosova përballet sot me Norvegjinë në Kampionatin Botëror të Tenisit

Published

3 hours ago

on

April 7, 2025

By

Në Larnaka të Qipros është zhvilluar ceremonia e shortit për edicionin e vitit 2025 të Kampionatit Botëror “Billie Jean King Cup” që do zhvillohet në datat 7-12 prill.

Përfaqësuesja e Kosovës edhe këtë vit do të garojë në grupin e II të këtij kampionati në “Pool C”, ku do të përballet me Norvegjinë, Maqedoninë e Veriut dhe Afrikë Jugore.

Kombëtarja jonë përbëhet nga tenistet: Vesa Gjinaj, Adrijana Lekaj, Forta Morina, Learta Muharremi dhe Aja Broqi. Kapiteni i ekipit është Osman Reçica.

Ndeshjet e fazës grupore fillojnë sot dhe ekipi kosovar do të përballet me Norvegjinë në takimin e parë, i cili zhvillohet nga ora 10:00 (09:00 sipas kohës lokale në Kosovë).

Continue Reading

Sport

Paraqitjet e legjionarëve: Shehu, gok dhe lojtari i ndeshjes, Muçi dhe Seferi realizojnë në Kupën e Turqisë

Published

3 hours ago

on

April 7, 2025

By

Legjionarët shqiptarë kanë shkëlqyer këtë fundjavë me paraqitje të shkëlqyera në arenën ndërkombëtare, duke treguar formë të jashtëzakonshme me klubet e tyre.

Juljan Shehu vazhdon të jetë një figurë kyçe me Widzew Lodz në Poloni. Pas debutimit të suksesshëm me Kombëtaren, mesfushori kuqezi ka vazhduar të shkëlqejë në nivel klubi, duke shënuar një gol të rëndësishëm në fitoren 2-0 ndaj Lechia Gdansk. Përveç golit, Shehu zhvilloi një ndeshje të shkëlqyer dhe u shpall lojtar i ndeshjes, duke marrë një vlerësim të lartë prej 7.9 nga sajti Sofascore, i njohur për analizën statistikore të lojtarëve.

Ndërkohë, Ernest Muçi u rikthye te goli me fanellën e Besiktas në Turqi. Sulmuesi kuqezi realizoi një gol të bukur në çerekfinalen e Kupës së Turqisë ndaj Goztepe, megjithatë, pavarësisht paraqitjes së tij të shkëlqyer, Besiktas u eliminua pas humbjes 1-3.

Një tjetër paraqitje pozitive në Kupën e Turqisë ishte ajo e Taulant Seferit me Bodrumspor. Seferi shënoi një gol të shpejtë në minutën e 15-të dhe asistoi për golin e dytë në minutën e 20-të ndaj Trabzonspor. Megjithatë, pas një ndeshje të tensionuar dhe një periudhe shtesë, Bodrumspor u eliminua me rezultatin 3-2.

Një tjetër ngjarje historike ndodhi këtë fundjavë në Kroaci, ku Jon Mersinaj arriti të shënojë për herë të parë pas 123 ndeshjesh në kampionatin kroat me Lokomotiva Zagreb dhe Osijek. Ky gol i dha Mersinajt një vend të veçantë në historinë e karrierës së tij.

Në përpjekjet e tjera ndërkombëtare, një numër lojtarësh të Kombëtares shqiptare u aktivizuan si titullarë me skuadrat e tyre, duke përfshirë Elhan Kastrati, Simon Simoni, Marash Kumbulla, Berat Gjimshiti, Arlind Ajeti, Enea Mihaj, Ylber Ramadani, Kristjan Asllani, Adrion Pajaziti, Arbnor Muja, Jasir Asani, Myrto Uzuni, Rey Manaj, dhe Mirlind Daku. Po ashtu, disa lojtarë dhanë kontributin e tyre si zëvendësues, përfshirë Medon Berisha, Qazim Laçi, Nedim Bajrami, Anis Mehmeti, Arbër Hoxha dhe Armando Broja.

Këto paraqitje pozitive tregojnë se legjionarët shqiptarë vazhdojnë të jenë të rëndësishëm për klubet e tyre, duke kontribuar me gola dhe paraqitje të shkëlqyera në kompeticionet ndërkombëtare./UBTNews/

 

Continue Reading

Sport

Mori vendin e tretë në ‘Berat Green Halfmarathon’, Tirron Mamusha drejt Belgjikës për Kampionatin Evropian

Published

3 hours ago

on

April 7, 2025

By

Atleti nga Gjakova, Tirron Mamusha po vazhdon me suksese të njëpasnjëshme.

Gjatë fundjavës që lamë pas ai udhëtoi drejt Beratit për të marrë pjesë në ‘Berat Green Halfmarathon’, ku mori vendin e tretë.

Për UBT News Tirroni e dha një prononcim duke thënë përshtypjet e tij për këtë arritje të jashtëzakonshme.

“Garë ishte mjaft e bukur, por aspak e lehtë. Kjo sepse pata pak vështirësi qysh në minutat e parë të vrapimit”, shprehet Mamusha i cili thekson se ka ndjerë shqetësim në këmbën e djathtë.

“Që nga fillimi kisha telashe me këmbën, në muskujt adductor si dhe në zonën e hipit, por mbi të gjitha i’a dola të marrë çmimin e tretë”, thotë atleti Mamusha i cili vjen nga Gjakova.

Përndryshe, ai ka zbuluar se më 12 dhe 13 prill do ta ketë garën e ardhshme në Belgjikë.

“Tani e gjithë vëmendja jonë është drejt Kampionatit Evropian e shpresoj shumë që Kosovës sime do t’i sjell lajme të mira”, përfundon kështu Tirron Mamusha. /Albina Zeneli – UBT News/

Continue Reading

Të kërkuara