Kronikë e zezë

Ferizaj: Dy të arrestuar për posedim të narkotikëve

Published

7 months ago

March 11, 2026

UBTNews

Në raportin njëditor të Policisë së Kosovës raportohet se në Ferizaj janë arrestuar dy persona në dy raste të ndara për posedim të narkotikeve.

Rasti i parë është regjistruar rreth orës 21:30 në rrugën “Sali Çeku”, ku njësitet policore kanë ndaluar një të dyshuar kosovar te i cili, pas kontrollit fizik dhe kontrollit në veturën e tij, kanë gjetur dhe konfiskuar tri qese me substancë narkotike të llojit kokainë me peshë të përgjithshme prej 2.92 gramësh, së bashku me një telefon mobil.

Ndërsa në rastin e dytë, në rrugën “Brigada 161”, policia ka realizuar një tjetër operacion pas pranimit të informatave, me ç’rast ka arrestuar një shtetas të Shqipërisë.

Gjatë bastisjes në banesën e të dyshuarit, zyrtarët policorë kanë gjetur dhe sekuestruar 34.44 gramë marihuanë të ndarë në qese plastike, një mulli për bluarje, pako me letra për mbështjellje, një telefon mobil si dhe një sasi të parave të gatshme.

Për të dyja rastet është njoftuar prokurori, me vendim të të cilit të dyshuarit janë dërguar në mbajtje pas intervistimit.

Lajmet

Dy të arrestuar për fajde në Gjakovë

Published

4 hours ago

September 25, 2026

UBT News

Në Gjakovë, më 24 shtator, janë arrestuar dy persona të dyshuar meshkuj kosovarë, nën dyshimin se i kishin dhënë para me kamatë-fajde një personi mashkull kosovar.

Gjatë kontrollit të shtëpive të të dyshuarve, janë gjetur dhe sekuestruar dëshmi që lidhen me rastin, si dhe disa fishekë.

Me vendim të prokurorit, të dyshuarit janë dërguar në mbajtje./A.K/

Kronikë e zezë

Dy raste të dhunës në familje në Ferizaj dhe Gjakovë, dy persona në mbajtje

Published

5 hours ago

September 25, 2026

UBTNews

Policia e Kosovës ka raportuar për dy raste të dhunës në familje në Ferizaj dhe Gjakovë, ku dy persona janë arrestuar dhe, me vendim të prokurorit, janë dërguar në mbajtje.

Rasti i parë është regjistruar në Ferizaj më 23 shtator. Sipas Policisë, është arrestuar një shtetas i huaj, i dyshuar se kishte dëmtuar orenditë e shtëpisë dhe më pas kishte kanosur dy viktima femra, shtetase të Kosovës.

Me vendim të prokurorit, i dyshuari është dërguar në mbajtje.

Ndërkohë, një rast tjetër është raportuar në Gjakovë më 24 shtator. Policia ka arrestuar një person, shtetas të Kosovës, i cili dyshohet se ka ushtruar dhunë psikike ndaj një gruaje, po ashtu shtetase kosovare.

Edhe në këtë rast, me vendim të prokurorit, i dyshuari është dërguar në mbajtje.

D.L

Lajmet

Sekuestrohen armë dhe municion në Gjilan, dy persona arrestohen

Published

5 hours ago

September 25, 2026

UBT News

Në rrugën “Lidhja e Prizrenit” në Gjilan, më 10 gusht, janë arrestuar dy persona të dyshuar për import, eksport, furnizim, transportim, prodhim, këmbim, ndërmjetësim ose shitje të paautorizuar të armëve apo mjeteve plasëse, ndërsa një person tjetër ndodhet në kërkim policor.

Gjatë kontrollit, janë gjetur dhe sekuestruar gjashtë pushkë gjuetie, gjashtë pistoleta, një armë e gjatë, një pushkë ajrore, 836 fishekë të kalibrave të ndryshëm, katër leje të armëve, para të gatshme dhe dy telefona mobilë.

Me vendim të prokurorit, dy të dyshuarit, pas intervistimit, janë liruar në procedurë të rregullt./A.K/

Lajmet

Kanosje me thikë në Prishtinë

Published

5 hours ago

September 25, 2026

UBTNews

Policia e Kosovës ka intervistuar dy persona të dyshuar në lidhje me një rast të kanosjes, ndërsa në vendin e ngjarjes ka konfiskuar një thikë.

Pas intervistimit, me vendim të prokurorit, njëri nga të dyshuarit është dërguar në mbajtje, ndërsa i dyshuari tjetër është liruar dhe rasti ndaj tij do të vazhdojë në procedurë të rregullt. /E.A/