Festivali i Filmit të Kanës ka origjinën në vitin 1932, kur Jean Zay, aso kohe ministri francez i Arsimit Kombëtar, me propozimin e Philippe Erlanger dhe me mbështetjen e britanikëve dhe amerikanëve, ngritën një festival kinematografik ndërkombëtar. Në vitin 1947, festivali është mbajtur si “film Festival du de Cannes”, ku u prezantuan filma nga vende të gjashtëmbëdhjetë. Në atë kohë parimi i barazisë u prezantua, me një juri e përbërë nga vetëm një përfaqësues për vendin.
Përmes këtyre fotografive ua sjellim Festivalin e Kanës ndër vite.
1.Marilyn Monroe
Në vitin 1955 në festivalin e Kanës Marilyn Monroe dukej e mahnitshme në një fustan të bardhë saten, me dorëza të bardha dhe një shall leshi.
2.Grace Kelly
Grace Kelly, aktorja shkoi me anije në Festivalin e Kanës në vitin 1955, pasi shkëlqeu në filmin “To Catch a Predator”. Një vit më pas ajo u pensionua nga aktrimi dhe u martua me princin Rainier III, dhe u bë princesha e Monakos.
3.Elizabeth Taylor
Elizabeth Taylor dukej sikurse mbretëreshë kur darkoi në Kanë në vitin 1957.
4.Sophia Loren
Sophia Loren pozoi te dritarja e hotelit të saj në Kanë në vitin 1959.
5.John Lennon dhe Yoko Ono
John Lennon dhe Yoko Ono qëndruan jashtë ndërsa ishin në festivalin e Kanës në vitin 1971, duke prezantuar filmat e tyre “Apothesis” dhe “The Fly”.
6.Sofia Coppola dhe Ford Coppola në Festivalin e Kanës në vitin 1979
7.Arnold Schwarzenegger në Festivalin e Kanës në vitin 1977
8.Sean Connery
Sean Connery shkoi në Kanë me stilin Bond, në vitin 1965.
9.Jack Nicholson
Jack Nicholson gjeti kohë të relaksohet dhe të shijojë këtë event në vitin 1974.
10.Jamie Lee Curtis
Aktorja Jamie Lee Curtis u shfaq me xhinse dhe një bluzë të thurur në Festivalin e Kanës në vitin 1980.
11.Princesha Diana
Princesha Diana u shfaq me një fustan ngjyrë qielli në Festivalin e Kanës në vitin 1987, bashkë me princin Charles.
12.Madonna u shfaq në sytjena në premierën e “In bed with Madonna”, në vitin 1991
13.Naomi Campbell u shfaq me një fustan me rruza në mbrëmjen e Festivalit të Kanës në vitin 1995
14.Pamela Anderson
Pamela Anderson veshi një korse të zezë dhe dorëza të gjata të zeza që tregonin tatuazhin e saj të ri, ndërsa mbërriti në Kanë në vitin 1995 për premierën e “Barb Wire”.
15.Angelina Jolie
Jolie u shfaq me kostum në Festivalin e Kanës në vitin 2004./UBTNews
Ambasadori i Kosovës në Shtetet e Bashkuara të Amerikës, Blerim Reka, ka pritur në Konsullatën e Përgjithshme të Kosovës në Nju-Jork, Lum Çitakun, drejtor i Programeve në Qendrën Kinematografike të Kosovës. Në takim është diskutuar promovimi ndërkombëtar i kinematografisë kosovare.
Në fokus të takimit ishte filmi “DUA”, me regji të Blerta Bashollit, i cili po shfaqet këto ditë në Nju-Jork dhe është propozimi zyrtar i Kosovës për edicionin e 99-të të çmimeve Oscar, në kategorinë “Filmi më i mirë ndërkombëtar”.
Në të njëjtën kategori garon edhe filmi “Shame and Money”, me regji të Visar Morinës, i cili, sipas raportimit të Telegrafit, është kualifikuar drejtpërdrejt pas fitimit të çmimit kryesor të jurisë, World Cinema Grand Jury Prize, në Festivalin e Filmit Sundance në janar të këtij viti.
Gjatë takimit, Reka theksoi rëndësinë e mbështetjes institucionale për krijimtarinë filmike dhe promovimin e kulturës së Kosovës në arenën ndërkombëtare. Ai vlerësoi kinematografinë si një nga mënyrat e rëndësishme për përfaqësimin dhe afirmimin e vendit në botë./A.K/
Ministrja e Kulturës, Saranda Bogujevci, ka njoftuar se po vazhdojnë punimet për rinovimin e teatrit ODA në Prishtinë, duke bërë të ditur se kjo hapësirë së shpejti do të jetë e gatshme për artistët dhe publikun.
Përmes një njoftimi, Bogujevci ka theksuar se rinovimi i teatrit ODA është pjesë e investimeve në infrastrukturën teatrore në vend.
Ajo ka përmendur edhe projektet e përfunduara, përfshirë rinovimin e teatrit të qytetit “Muharrem Qena” në Mitrovicë dhe të hapësirave teatrore në Pallatin e Rinisë në Prishtinë, si dhe ndërtimin e Shtëpisë së Kulturës në Suharekë.
Sipas ministres, punimet po vazhdojnë edhe në Teatrin Kombëtar të Kosovës dhe në teatrin “Adriana” në Ferizaj, ndërsa Qendra për Arte në Rahovec ndodhet në fazën përfundimtare të ndërtimit.
Ndërkaq, Teatri i Operës dhe Baletit në Prishtinë është në fazën e fundit të projektimit./A.K/
Teatri Kombëtar i Operës, Baletit dhe Ansamblit Popullor ka prezantuar projektin artistik “Palimpsest”, i cili synon të rikthejë në vëmendje trashëgiminë muzikore shqiptare të viteve ’30, ’40 dhe ’50.
Përmes krijimeve origjinale dhe përpunimeve të këngëve popullore, projekti sjell vepra të kompozitorëve Antonio Muçi, Karlo Pali, Muharrem Xhediku, Koço Uçi, Ramadan Sokoli dhe Çesk Zadeja.
Në këtë mbrëmje artistike do të interpretojnë Ardita Bufaj në piano, Armando Likaj në bariton dhe Maida Resulbegoviç në soprano, ndërsa e ftuar speciale do të jetë pianistja Norena Gaxha.
Koncepti artistik, hulumtimi arkivor dhe mbledhja e partiturave janë realizuar nga pedagogia Ardita Bufaj.
Projekti organizohet në bashkëpunim me Teatrin Kombëtar të Operës, Baletit dhe Ansamblit Popullor, në kuadër të Festivalit “Netët e Muzikës Shqiptare”, me synimin për të promovuar vlerat e trashëgimisë muzikore dhe për t’i përcjellë ato te brezat e rinj./A.K/
Ambasadorja e Kosovës në Çeki, Albesjana Iberhysaj-Kapitaj, ka zhvilluar një takim me drejtoreshën e përgjithshme të Institutit Kombëtar për Mbrojtjen e Monumenteve të Republikës Çeke, Naděžda Goryczková, për të shqyrtuar mundësitë e bashkëpunimit dypalësh në fushën e trashëgimisë kulturore.
Gjatë takimit u diskutua për shkëmbimin e ekspertizës dhe praktikave profesionale ndërmjet institucioneve të të dyja vendeve, me fokus të veçantë në konservimin, restaurimin dhe mbrojtjen e monumenteve.
Përvoja e gjatë e Republikës Çeke në ruajtjen e trashëgimisë kulturore u vlerësua si mundësi e rëndësishme për forcimin e kapaciteteve dhe avancimin e standardeve të institucioneve të Kosovës në këtë sektor. /E.A/