Lajmet

Fermerët bllokojnë Evropën, zgjerohen protestat kundër rritjes së kostove

Protestat janë përhapur në të gjithë Evropën.

Published

2 years ago

January 31, 2024

Betim Gashi

Fermerët francezë dhe belgë vendosën dhjetëra bllokada në autostrada dhe në rrugët hyrëse në një port të madh kontejnerësh të mërkurën për t’u bërë presion qeverive që të lehtësojnë rregullat mjedisore dhe t’i mbrojnë ato nga rritja e kostove dhe importet e lira.

Protestat janë përhapur në të gjithë Evropën. Fermerët spanjollë thanë se do t’i bashkohen lëvizjes, ndërsa 1,000 fermerë italianë po planifikojë të marrin pjesë në mitingjet në Bruksel të enjten, për të nxitur liderët e BE-së që takohen në kryeqytet për të vepruar. Fermerët gjermanë dhe rumunë me ankesa të ngjashme kanë marrë gjithashtu masa.

Fermerët thonë se nuk po paguhen sa duhet, janë të mbytur nga taksat dhe rregullat e gjelbra dhe përballen me konkurrencë të pandershme nga jashtë.

“Nëse vazhdojmë kështu, fundi i bujqësisë do të nënkuptojë fundin e qytetërimit”, tha fermeri belg 28-vjeçar Adelin Desmecht, duke fajësuar shumë rregullore dhe dokumente.

Në Francë, linjat e gjata të traktorëve iu afruan Parisit dhe tregut të tij ndërkombëtar ushqimor Rungis, një qendër për prodhimet për Francën dhe më gjerë dhe një vijë e kuqe për qeverinë, e cila deri më tani nuk ka ndërhyrë për të hequr bllokadat, raporton Reuters.

Në total, ka rreth 100 bllokada, tha ministri i Brendshëm Gerald Darmanin, duke paralajmëruar protestuesit të mos përpiqen të bllokojnë aeroportet, Rungis apo kryeqytetin. BFM TV tregoi përleshje pranë lumit Loire, me traktorë të ndaluar nga policia për t’iu afruar Parisit.

Në Belgjikë, fermerët bllokuan rrugët hyrëse në portin e kontejnerëve Zeebrugge. Një nga organizatorët e protestës, Bruno, i cili ishte kthyer për pak kohë në shtëpi për të kujdesur lopët e tij, tha se më shumë se 100 traktorë po merrnin pjesë në bllokadë. Një autostradë kryesore në Belgjikë është bllokuar gjithashtu, sipas mediave lokale.

Fermerët francezë kanë fituar tashmë disa koncesione, duke përfshirë heqjen e planeve të qeverisë për të reduktuar gradualisht subvencionet për naftën bujqësore.

Të mërkurën, komisionerët evropianë propozuan kufizimin e importeve bujqësore nga Ukraina dhe fleksibilitet më të madh mbi rregullat për tokën djerrë në një përpjekje për të shuar protestat.

Importet nga Ukraina, mbi të cilat BE-ja ka hequr dorë nga kuotat dhe detyrimet që nga pushtimi i Rusisë në shkurt 2022, dhe negociatat e rinovuara për të përfunduar marrëveshjen tregtare Mercosur me vendet e Amerikës së Jugut, kanë nxitur pakënaqësinë e fermerëve për konkurrencën e pandershme në sheqer, drithë dhe mish.

Fermerët e BE-së normalisht duhet të plotësojnë disa kushte, duke përfshirë kushtimin e 4% të tokës bujqësore në zona “joproduktive” ku natyra mund të rimëkëmbet, megjithëse ekziston tashmë një përjashtim i përkohshëm në përgjigje të luftës në Ukrainë dhe shqetësimeve të sigurisë ushqimore.

Lajmet

Zhegrova ftohet për ndeshjen ndaj Dortmundit

Published

9 minutes ago

September 16, 2025

UBT News

Edon Zhegrova është ftuar nga trajneri i Juventusit, Igor Tudor, për ndeshjen ndaj Borussia Dortmundit.

Juve sonte nga ora 21:00 e pret Dortmundin në kuadër të xhiros së parë të fazës së ligës së Ligës së Kampionëve.

Edhe pse trajneri Tudor ditë më parë deklaroi se Zhegrova nuk do të luaj ndaj Dortmundit ai ka vendosur që ta ftojë reprezentuesin e Kosovës. Zhegrova mund të debutoj për “Zonjën e Vjetër”.

26-vjeçari nuk luajti xhiron e kaluar në Serie A në derbin që e fitoi Juventusi 4:3 ndaj Interit.

Zhegrova u transferua te Juve nga Lille për afro 16 milionë euro në ditën e fundit të afatit kalimtar veror, por nuk ka luajtur prej 14 dhjetorit të vitit të kaluar./S.K/EO/

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

29 minutes ago

September 16, 2025

Driton Iseni

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

Fashion Activism dhe ndikimi i tij në politikë
Moda dhe Teknologjia
Dizajni i Modës dhe Edukimi
Vetëdija sociale në industrinë e modës
Nga ambicia në veprim (Ambition to Action)

Fushat kryesore të IC-ID (Integrated Design):

Ndërthurja e dizajnit grafik, teknologjisë dhe kulturës
Roli i teknologjisë në dizajn
AI, AR/VR dhe ndikimi i tyre në praktikat e dizajnit
Të ardhmen e branding dhe identitetit vizual
Moda në epokën e AI, identitetet virtuale dhe kriza klimatike
Dizajn i interierit të integruar me AI
Metaverse dhe hapësira virtuale
Materiale të zgjuara dhe hapësira reaguese
Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Lajmet

Zyrtare: Loja Shqipëri-Serbi luhet në Leskovc

Published

60 minutes ago

September 16, 2025

UBT News

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

2 hours ago

September 16, 2025

Driton Iseni

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.