Sport

Federata shqiptare mahnitet nga tifozët, stadiumi më 10 shtator do jetë plot

Published

on

Krenaria më e madhe e shqiptarëve në vitet e fundit? Kombëtarja e futbollit! Ecuria e ekipit të ndërtuar nga Sylvinho ka ngrohur zemrat e të gjithë tifozëve kuqezi dhe për këtë bindemi lehtësisht kur lexojmë një lajm nga Federata Shqiptare e Futbollit me titull “Sold out”.

Kuptimi në shqip është “janë shitur të gjitha” dhe u referohet biletave për ndeshjen e së martës me Gjeorgjinë. “Air Albania” do të jetë 100% plot, sepse të gjitha biletat për sfidën e orës 20:45 janë shitur tashmë.

Pas triumfit spektakolar ndaj Ukrainës, Shqipëria ka rindezur motorët ashtu si gjatë eliminatoreve të Kampionatit Europian dhe duket më e fortë se kurrë. “Federata Shqiptare e Futbollit dëshiron të falënderojë të gjithë tifozët shqiptarë që do të jenë të pranishëm në stadium më 10 shtator, në mbështetje të ekipit tonë Kombëtar dhe i fton të krijojnë një atmosferë të ngrohtë, pozitive dhe të tregojnë respekt ndaj ekipit kundërshtar. Me ju ne jemi 12”, ka shkruar FSHF në faqet e saj zyrtare.

Skuadra bind. Tifozët bindin. Atëherë, të gjithë së bashku se le të tregojmë sesa krenarë jemi me djemtë e kombëtares kuqezi dhe le t’i mbështesim deri në fund!

Lajmet

Reagimi i parë i Dembélé pasi fitoi Topin e Artë

Published

on

Ousmane Dembélé ka shprehur emocionet e tij të para pas triumfit historik në ceremoninë e Topit të Artë 2025, ku u shpall lojtari më i mirë në botë.

Ka shumë gëzim, krenari dhe emocione. Ëndrra ime u bë realitet,” u shpreh ylli francez menjëherë pas marrjes së çmimit prestigjioz.

Ai nuk harroi të falënderonte ata që kanë qenë pranë tij gjatë gjithë rrugëtimit.

Ky është Topi i Artë i parë në karrierën e Dembélés, një arritje që vulosi një sezon spektakolar për sulmuesin e Francës dhe PSG-së./S.K/KP/

Continue Reading

Lajmet

KB ​Trepça pëson nga Heroes Den Bosch

Published

on

KB Trepça pësoi humbje nga kampionia e Holandës, Heroes Den Bosch me shifrat 80:68 në çerekfinale të kualifikimeve për Ligën e Kampionëve.

Në përballjen që u zhvillua në Samokov të Bullgarisë, ‘Xehetarët’ dhanë maksimumin, e ishin të përkrahur nga një numër i madh i tifozëve mitrovicas që kishin udhëtuar për këtë sfidë.

Mitrovicasit e nisën ndeshjen më mirë, duke fituar çerekun e parë 19:27, por periudha e dytë ishte fatale 21:9, ku skuadra shkuan në pushim me rezultat 40:36.

Në pjesën e dytë, holandezët për një nuancë ishin më të mirë dhe fituan 80:68, për tu kualifikuar në gjysmëfinale të kualifikimeve për Ligën e Kampionëve.

Tashmë, Trepça do të jetë pjesë e grupeve në FIBA Europe Cup, për edicionin e dytë radhazi./S.K/KP/

Continue Reading

Lajmet

Dembele dhe Bonmatí fitojnë çmimet prestigjioze Ballon d’Or 2025

Published

on

Në ceremoninë e zhvilluar në Paris në “Théâtre du Châtelet”, Ousmane Dembele dhe Aitana Bonmatí u shpallën futbollistët më të mirë në botë, duke fituar çmimet prestigjioze Ballon d’Or 2025.

Dembele, la pas Lamine Yamal dhe Vitinhan, u kurorëzua si lojtari më i mirë në kategorinë e meshkujve, ndërsa Bonmatí u vlerësua si futbollistja më e mirë në botë, përpara Mariona Caldentey dhe Alessia Russo.

Çmime të tjera kryesore:

Kopa Trophy (U21): Lamine Yamal (meshkuj) dhe Vicky Lopez (femra).

Gerd Müller Award (golashënuesi më i mirë): Viktor Gyökeres (meshkuj) dhe Eëa Pajor (femra).

Yachine Trophy (portieri më i mirë): Gianluigi Donnarumma (meshkuj) dhe Hannah Hampton (femra).

Johan Cruyff Trophy (trajneri më i mirë): Luis Enrique (meshkuj) dhe Sarina Ëiegman (femra).

Klubi i vitit: PSG (meshkuj) dhe Arsenal (femra).

Në garë ishin 30 kandidatë, por dy emra që dukeshin si favoritët kryesorë ishin Ousmane Dembélé i PSG-së dhe Lamine Yamal i Barcelonës./S.K/KP/

Continue Reading

Lajmet

Robert Rrahmani, “Ylli i Javës” në Superligë

Published

on

Robert Rrahmani është zgjedhur futbollisti më i mirë i javës nga Federata e Futbollit të Kosovës.

Ai e bëri një paraqitje fantastike në fundjavë për ta ndihmuar Gjilanin që ta regjistrojë një fitore të rëndësishme ndaj Ferizajt në udhëtim me rezultat 1:0.

Ishte pikërisht goli i Rrahmanit ai që e vendosi fituesin e këtij dueli dhe me meritë atij i takon çmimi “Ylli i Javës”.

Pasi mori këtë çmim, Rrahmani u shpreh i lumtur që u vlerësua si lojtari më i mirë i javës.

“Për ndeshjen kundër Ferizajt jemi përgatitur shumë mirë dhe qëllimi ynë ka qenë vetëm fitorja dhe marrja e 3 pikëve. Nuk kemi pasur si synim as lojën e bukur, as të dalim nga detyrat tona. Trajneri na e ka bërë të qartë që duhet të luftojmë vetëm për tri pikë. Për Gjilanin, angazhimi dhe shpërblimi janë trofetë gjithsesi, sepse kemi një fond shumë të mirë lojtarësh dhe konkurrenca është e madhe dhe e shëndoshë. Nuk kemi më hapësirë për gabime”.

Ai gjithashtu falënderoi Federatën e Futbollit të Kosovës për çmimin.

“E falënderoj FFK-në për çmimin e dhënë dhe këtë çmim ia dedikoj bashkëlojtarëve për angazhimin dhe mundin e treguar, sepse edhe ata janë pjesë e këtij çmimi.”, tha ai për faqen zyrtare të FFK-së./S.K/EO/

Continue Reading

Të kërkuara