Sport

FC Prishtina zgjedh kryetarin e ri të klubit

Ndërkaq, Prishtina e ka konfirmuar që në ditët në vazhdim do të mbahet edhe Kuvendi Zgjedhor i klubit.

Publikuar

Gjiganti i futbollit kosovar, FC Prishtina, para pak çastesh e ka konfirmuar se klubi e ka zgjedhur kryetarin e ri.

Pas mbledhjes së mbajtur nga klubi i Prishtinës, është konfirmuar që kryetari i ri i klubit është zgjedhur Hakif Gashi.

Gashi do ta ushtrojë këtë detyrë në vend të Remzi Ejupit, i cili ishte kryetari i klubit për plot 18 vite me radhë.

Në anën tjetër, Gashi nuk është fytyrë e re për Prishtinën, pasi për shumë vite ai është pjesë e aksionarëve të klubit.

Po ashtu, janë zgjedhur edhe anëtarët e ri Bordit Teknik, i cili do të përbëhet nga Rrahman Haradini, Remzi Ejupi, Sinan Vllasaliu, Ismet Begolli, dhe Hakif Gashi.

Ndërkaq, Prishtina e ka konfirmuar që në ditët në vazhdim do të mbahet edhe Kuvendi Zgjedhor i klubit.

Lajmet

Ross Taylor flet për komentet raciste që përcollën gjithë karrierën e tij

“Në shumë mënyra, talljet në dhomat e zhveshjes janë barometri”, shkroi ai.

Publikuar

nga

Ross Taylor, 38-vjeçari i cili është me origjinë nga Zelanda e Re, u tërhoq nga garat ndërkombëtare të kriketit në prill pas një karriere të lavdishme që përfshin 16 vjet.

Në autobiografinë e tij “Black and White” të publikuar të enjten, ai thotë se ka duruar komente raciste nga shokët e skuadrës, por nuk specifikon se në çfarë niveli.

“Në shumë mënyra, talljet në dhomat e zhveshjes janë barometri”, shkroi ai.

“Lojtarët e tjerë gjithashtu duhej të duronin komentet që kishin të bënin me përkatësinë e tyre etnike”.

Ai përfaqësoi Zelandën e Re në 112 gara, duke shënuar 7,683 vrapime midis 2006 dhe 2022. Ai gjithashtu ishte kapiten i Black Caps për dy vjet deri në 2012.

Një zëdhënës i Kriketit të Zelandës së Re i tha AFP-së se ata kanë kontaktuar Taylor në lidhje me akuzat.

“NZC ka kontaktuar me Ross për të diskutuar disa nga komentet në librin e tij, si për të kuptuar më mirë detajet e tyre dhe për të ofruar mbështetje. Këto diskutime janë në vazhdim”, tha zëdhënësi.

“Ne e konsiderojmë atë një pjesë të rëndësishme të familjes sonë të kriketit dhe jemi thellësisht të zhgënjyer që ai është ekspozuar ndaj kësaj lloj sjelljeje”, duke shtuar se “NZC e dënon racizmin”./UBTNews/

Vazhdo të lexosh

Lajmet

Rafshford vazhdon me United, pavarësisht interesimit të PSG-së

Sipas ESPN, kampioni francez planifikonte të sillte Rafshord në Park de Princes, por United nuk është gati ta lë lojtarin.

Publikuar

nga

Marcus Rashford të vazhdojë të qëndrojë në Manchester United pavarësisht interesimit të PSG-së.

Sipas ESPN, kampioni francez planifikonte të sillte Rafshord në Park de Princes, por United nuk është gati ta lë lojtarin.

Më herët nëpër media është folur që PSG janë të interesuar edhe për yllin portugez, Cristiano Ronaldo, pasi i njëjti nuk po kalon fare mirë tek “Djajtë e Kuq”, të cilët s’kanë arritur të kualifikohen në asnjë garë evropiane.

Vazhdo të lexosh

Sport

Feston sot ditëlindjen e 34-të, Fury e konfirmon tërheqjen nga boksi

Në një postim në mediat sociale sot në mëngjes, “The Gypsy King” tha se ai po largohet nga sporti i boksit.

Publikuar

nga

Në ditëlindjen e tij të 34-të, dy herë kampioni i botës në peshat e rënda, Tyson Fury ka vendosur që të konfirmojë tërheqjen e tij nga boksi.

Në një postim në mediat sociale sot në mëngjes, “The Gypsy King” tha se ai po largohet nga sporti i boksit.

Ai shkroi: “Falënderim i madh shkon për të gjithë ata që patën një kontribut në karrierën time gjatë viteve dhe pas bisedave të gjata të vështira, më në fund vendosa të largohem dhe në ditëlindjen time të 34-të them ‘Bon Voyage’ (mirupafshim)”.

Krahas një fotografie të trajnerit Sugar Hill Steward, Fury shtoi: “Këtu janë disa që e kanë bërë të veçantë këtë rrugëtim”.

Lajmi do të jetë tronditës për tifozë të shumtë të Furyt, pasi që ai në fillim të kësaj jave, e konfirmoi rikthimin e tij në boks dhe emëroi Isaac Lowe si trajnerin e tij të ri për një luftë rikthimi kundër Derek Chisoras.

Vazhdo të lexosh

Sport

Ademi me mesazh për skuadrat kosovare, kërkon korrektësi në edicionin e ri

Sezoni i ri 2022/23 i Superligës së Kosovës fillon nesër, ku do të zhvillohen tri ndeshje me fillim nga ora 17:00.

Publikuar

nga

Presidenti i Federatës së Futbollit të Kosovës (FFK), Agim Ademi, ka shfrytëzuar rastin që të iu urojë skuadrave kosovare një edicion sa më të mirë në Superligë.

Sezoni i ri 2022/23 i Superligës së Kosovës fillon nesër, ku do të zhvillohen tri ndeshje me fillim nga ora 17:00.

Trepça’89 kundër Dritës, Gjilani përballë Ferizaj dhe Dukagjini me Prishtinën do të jenë tri ndeshjet e programit të nesërm, kurse të dielën do të zhvillohet ndeshja mes Drenicës e Llapit.

Ndërkaq, sa i përket ndeshjes mes Malishevës dhe Ballkanit, kjo përballje do të zhvillohet më vonë për shkak se kampioni kosovar është ende i angazhuar në garat evropiane.

Para se të filloj ky kampionat, presidenti i FFK-së, Agim Ademi, nëpërmjet një mesazhi ka uruar klubet për një edicion sa më të mirë, duke kërkuar një garë korrekte përplot me emocione.

Më poshtë e gjeni mesazhin e Ademit.

“Të nderuar!

Drejtues të klubeve, futbollistë, trajnerë, gjyqtarë, kontrollorë, vëzhgues, futbolldashës dhe gazetarë sportivë!

Këtë fundjavë nisim edicionin e ri të garave 2022/23. Përpara kemi një rrugë të gjatë, por me përplot emocione që sjellë loja e futbollit dhe ecuria e garës javë pas jave.

Katër skuadrat tona që na përfaqësuan në Evropë shfaqën vlerat në rritje të futbollit tonë. Suksesi i FC Ballkanit në Ligën e Konferencës, duke arritur në fazën e “play-off”-it, e dëshmon progresin që po e bën Superliga jonë nga viti në vit.

Po ashtu, edhe paraqitja e FC Drita ishte mbresëlënëse, teksa SC Gjilani e KF Llapi me lojërat e tyre dhuruan emocione të mëdha tek futbolldashësit tanë.

Sidoqoftë, nuk duhet të kënaqemi me kaq, pasi futbolli ynë i ka mundësitë për arritje edhe më të mëdha.

Tani po e nisim një tjetër kampionat me 10 ekipe elitare, ku secila prej tyre ka bërë përgatitjet e duhura për ta filluar sa më mirë këtë edicion, teksa një javë më pas fillon edhe gara në Ligën e Parë, që po ashtu po tregohet mjaft e fortë dhe tërheqëse.

FFK me të gjitha organet e saj i ka bërë përgatitjet e duhura për mbarëvajtje të kampionatit dhe për garë korrekte. Sistemi VAR është treguar shumë i suksesshëm dhe ka ulur ndjeshëm pakënaqësitë e klubeve dhe të dashamirëve të futbollit në vendimet e gjyqtarëve.

Për këtë arsye, FFK, sivjet e ka licencuar edhe grupin e dytë të gjyqtarëve dhe operatorëve për sistemin VAR, me qëllim të zbatimit të kësaj teknologjie edhe në Ligën e Parë. Gjithsesi, implementimi i saj do të varet nga mundësitë e operatorit televiziv për t’i mbuluar të gjitha ndeshjet e kësaj kategorie.

Jam i vetëdijshëm që kriza financiare nëpër të cilën po kalon e gjithë Evropa, si pasojë e agresionit të Rusisë në Ukrainë, nuk është periudhë aspak e lehtë as për sponsorët dhe donatorët e klubeve tona, por jam i bindur se me organizim dhe menaxhim të mirë klubet do të arrijnë ta përballojnë me sukses edhe këtë fazë.

FFK, si çdo herë, do të jetë afër klubeve, do t’i mbështesë ato në kërkesat e tyre drejtuar institucioneve qendrore e lokale për investime në infrastrukturë, por edhe do të vazhdojë t’i ndihmojë me aq mundësi sa ka dhe aq sa i lejohet, për t’u krijuar kushte sa më të mira për zhvillimin e aktivitetit.

Në fund, uroj të gjithë protagonistët e garës për një edicion të mbarë, të suksesshëm e me sa më shumë emocione. Le të punojmë të gjithë në frymën e korrektësisë që në fund të edicionit të nxjerrim kampion skuadrën meritore, ashtu sikurse edhe skuadrat që do të na përfaqësojnë në Evropë.

Suksese për të gjitha klubet, teksa për tifozët kam një lutje: Ejani sa më shumë në stadiume, përkrahni ekipet tuaja të zemrës dhe jepni jehonë garës.

Urime e na priftë e mbara!

#BashkëPërFutbollin”.

Vazhdo të lexosh

Të kërkuara