Sport

FBK reagon për arrestimin e Arbnor Rifatit dhe Daut Mehmeti

FBK u shpreh e gatshme për të bashkëpunuar me organet e rendit.

Published

3 years ago

on

Trajneri kosovar, Arbnor Rifati dhe gjyqtari Daut Mehmeti janë arrestuar sot nga Policia e Kosovës.

Nën akuzat për kurdisje të ndeshjeve, trajneri Rifati dhe gjyqtari Mehmeti, janë arrestuar sot pas një aksioni nga Drejtoria e Krimeve Ekonomike të Policisë së Kosovës.

Lajmin e konfirmoi zëdhënësi i Policisë, Baki Kelani.

“Policia e Kosovës, në këtë rast Drejtoria për Hetimin e Krimeve Ekonomike, ka realizuar dy operacione të ndara në tri rajone si në Prishtinë, Prizren dhe Pejë. Operacionet policore deri më tani kanë rezultuar me shoqërimin e tre personave të dyshuar”, tha Kelani.

Ndërkaq, tani vjen edhe reagimin nga Federata e Basketbollit të Kosovës (FBK) e cila u shpreh e gatshme për të bashkëpunuar me organet e rendit për këtë rast që të sjell para drejtësisë personat e përfshirë në dukuritë negative në sport.

“Federata e Basketbollit e Kosovës (FBK) njofton të gjithë opinionin sportdashës se, është duke bashkëpunuar ngushtë me institucionet dhe organet e rendit lidhur me arrestimet e fundit, të raportuara në media.

Ne e kemi raportuar menjëherë pranë Këshillit për Parandalimin e Dhunës dhe Dukurive Negative në Ngjarjet Sportive të themeluar nga Ministria e Kulturës, Rinisë dhe Sportit, Policisë së Kosovës dhe Prokurorisë së Shtetit rastin sapo na është bërë i ditur, kemi marrë të gjitha masat e nevojshme për të bashkëpunuar me organet e rendit që nga viti i kaluar si dhe i kemi marrë masat e duhura për të iniciuar dhe zhvilluar procedurat e brendshme disiplinore ndaj personave të apostrofuar, gjithë kohën në bashkëpunim dhe koordinim të ngushtë me FIBA.

FBK mirëpret vendimet e organeve të rendit dhe shpresojmë në zgjidhje të shpejtë të rastit dhe sjelljen para drejtësisë së të gjithë personave të përfshirë në fenomene negative në sportin tonë”, ishte reagimi i FBK-së.

Related Topics:
Continue Reading

Sport

PSG-ja triumfon ndaj Manchester Cityt, shënon katër gola në Angli

Published

41 minutes ago

on

October 15, 2026

By

Paris Saint-Germaini ka shënuar fitore të rëndësishme në Ligën e Kampionëve, duke mposhtur Manchester Cityn me rezultat 4:2 të mërkurën mbrëma.

Skuadra franceze dominoi pjesën e parë të takimit, duke realizuar tre gola përmes Desire Doue, Ousmane Dembele dhe Vitinhas.

Në pjesën e dytë, Manchester City reagoi me golin e Erling Haalandit në minutën e 53-të, duke ngushtuar epërsinë në 3:1.

Megjithatë, PSG-ja riktheu diferencën prej tre golash në minutën e 62-të, kur Maghnes Akliouche realizoi për 4:1.

Haalandi shënoi sërish në minutën e 75-të, duke vendosur rezultatin përfundimtar 4:2.

Në minutën e 90-të, Ferran Torres humbi mundësinë për të thelluar fitoren e parisienëve, pasi nuk arriti të realizonte nga pika e bardhë.

Pas dy ndeshjeve, PSG-ja kryeson renditjen me gjashtë pikë, ndërsa Manchester City mbetet me tri pikë.

D.L

Continue Reading

Sport

Real Madridi triumfon në një ndeshje dramatike ndaj Romës

Published

1 hour ago

on

October 15, 2026

By

Real Madridi ka shënuar fitore spektakolare ndaj Romës, duke triumfuar me rezultat 4:3 në një përballje dramatike të zhvilluar në stadiumin “Olimpico”.

Skuadra madrilene arriti të përmbysë rezultatin, pavarësisht se gjatë takimit u gjend dy herë në disavantazh.

Marten De Roon kaloi Romën në epërsi, ndërsa Kylian Mbappe riktheu baraspeshën. Në pjesën e dytë, Donyell Malen realizoi dy gola, duke i dhënë vendasve epërsinë 3:1.

Megjithatë, madrilenët nuk u dorëzuan dhe realizuan një rikthim të jashtëzakonshëm në minutat e fundit.

Carlos Espi ngushtoi rezultatin në minutën e 83-të, Endrick barazoi vetëm dy minuta më vonë, ndërsa Antonio Rudiger shënoi golin vendimtar në minutën e 90-të, duke vulosur fitoren 4:3.

Me këtë triumf, Real Madridi grumbullon gjashtë pikë, ndërsa Roma mbetet me vetëm një pikë.

D.L

Continue Reading

Sport

KV Ulpiana triumfon ndaj KV Forcës

Published

15 hours ago

on

October 14, 2026

By

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Continue Reading

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

16 hours ago

on

October 14, 2026

By

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Continue Reading

Të kërkuara