Polonia mirëpret Shqipërinë në Varshavë për një ndeshje tejet të rëndësishme kualifikuese për Euro 2024 sonte me fillim nga ora 20:45.

Pasi humbën ndeshjen e tyre të parë, nikoqirët do të kërkojnë reagim të menjëhershëm duke kërkuar tre pikë ndaj kuqezinjve.

Humbja me rezultat 3-1 në Pragë kundër Republikës Çeke nuk ishte fillimi ideal që shpresonin Polonia dhe trajneri i ri Fernando Santos.

Shqipëria përfaqëson kërcënimin më të madh të Polonisë për vendin e dytë në grup, kështu që kjo ndeshje ka një rëndësi të madhe pavarësisht se është vetëm ndeshja e dytë.

Formacionet e mundshme:

Polonia: Szczesny; Frankoëski, Bednarek, Kiëior, Zaleëski; S Szymanski, D Szymanski, Linetty, Zielinski; Swiderski, Lewandowski

Shqipëria: Berisha; Balliu, Kumbulla, Veseli, Hysaj; Abrashi, Asllani, Bajrami; Asani, Cikalleshi, Uzuni

Tottenhami po e konsideron emërimin e Julian Nagelsmann si trajner të skuadrës pas shkarkimit të Antonio Contes.

Klubi i Premierligës njoftoi largimin e Contes të dielën, me Cristian Stellinin që mori përkohësisht drejtimin e ekipit të parë. Për sa i përket një zëvendësimi të përhershëm, “Spursat” po mendojnë t’i ofrojnë rolin e trajnerit Julian Nagelsmannit, të shkarkuar së fundmi nga Bayerni.

Presidenti i Tottenhamit, Daniel Levy dëshiron të takojë trajneirn 35-vjeçar për të diskutuar mundësinë e angazhimit të tij, raporton “Daily Mail”.

Përveç Nagelsmannt, klubi po konsideron gjithashtu ish-trajnerin e ekipit kombëtar të Spanjës, Luis Enrique, pastaj Marco Silvan e Fulhamit dhe trajnerin e Brightonit, Roberto De Zerbi. Ata gjithashtu mund të rikthejnë Mauricio Pochettinon i cili mbetet i preferuari i tifozëve të skuadrës angleze.

Që nga largimi i Pochettinos në vitin 2019, Tottenhami ka pasur tre trajnerë të ndryshëm në udhëheqje: Jose Mourinho, Nuno Espirito Santo dhe Antonio Conte.

Kur kanë mbetur edhe 10 ndeshje deri në përfundim të sezonit në Premier Ligë, klubi do të duhet të lëvizë shpejt nëse dëshiron që dikush të zëvendësojë Stellinin përpara fundit të sezonit.

“Spursat” do të kthehen në aksion më 3 prill, kur ata do të përballen me Evertonin në Premier Ligë.

Presidenti i EKF dhe Federatës Botërore të Karatesë, Antonio Espinós, ka hedhur fajin te Kosova për mospjesëmarrjen e karateistëve kosovar në Kampionatin Evropian të Karatesë për senior që po mbahet në Spanjë.

Ai ka thënë se kishte punuar për të siguruar që atletët e Kosovës të mund të garonin në Kampionatin Evropian, por pretendoi se ata ishin urdhëruar nga qeveria e tyre të tërhiqeshin për shkak të situatës së flamurit.

“EKF bëri të pamundurën për të siguruar që atletët nga Kosova t’i kishin kushtet më të mira për të marrë pjesë në këtë kampionat që po mbahet në Guadalajara, ashtu siç bëmë me pjesën tjetër të 48 delegacioneve nga e gjithë Evropa që morën pjesë në turne këtë javë”, tha ai për “insidethegames”.

“Mirëpo, nga përfaqësuesit e delegacionit të Kosovës jemi informuar se ata ishin udhëzuar nga qeveria e tyre që të tërhiqnin pjesëmarrjen nga manifestimi, pasi kishin mbërritur këtu dhe tashmë ishin në Guadalajara me pjesën tjetër të delegacioneve pjesëmarrëse në kampionat. Ne e shohim përdorimin e sportit për axhenda politike si të papranueshme dhe shpresojmë që atletët të mund të ushtrojnë sportin e tyre pa asnjë formë të presionit politik nga qeveritë e tyre”, ka shtuar ai.

Nga ana tjetër, kryetari i Federatës së Karatesë së Kosovës ka thënë për KosovaPress se atyre iu është ofruar mundësia që të garojnë pa simbole shtetërore, gjë të cilën ata nuk e kanë pranuar dhe janë larguar nga gara.

Dita e pestë e kualifikueseve për në Kampionatin Evropian Euro 2024 sjellë sot edhe tetë ndeshje të tjera mjaftë interesante.

Shqipëria e nis këtë kampanjë me udhëtimin në Varshavë atje ku do të ballafaqohet me Poloninë në kuadër të grupit E.

Njëra nga kombëtaret më të forta dhe që synon të shkojë deri në fund të këtij kompeticioni, Franca do ta zhvillojë sfidën e dytë ku do të ndeshjet me Irlandën në kuadër të grupit B, derisa tashmë ka tre pikë pas fitores ndaj Holandës.

Në grupin F, Suedia do të ndeshet me Azerbajgjanin, dy skuadra që kanë pësuar disfatë në ndeshjet e parë dhe synojnë të marrin tre pikë për të mbajtur kështu hapin me skuadrat lideri që janë Austria dhe Belgjika në këtë grup.

Këto janë ndeshjet e ditës së sotme të cilat startojnë nga ora 20:45:

Austria-Estonia

Hungaria-Bullgaria

Irlanda-Franca

Moldavia-Republika e Çekisë

Mali i Zi-Serbia

Holanda-Gjibraltari

Polonia-Serbi

Suedia-Azerbajgjani