Lajmet

Faton Peci: Kryeministri do të vendosë për emrin e ministrit të ri të Shëndetësisë

Ai tha se të gjitha veprimet në lidhje me emërimin e ministrit të ri do të merren në konsulta me partnerët e koalicionit.

Publikuar

3 vjet më parë

më

Ministri i Bujqësisë, Pylltarisë dhe Zhvillimit Rural, Faton Peci ka deklaruar se ministri i ri i Shëndetësisë do të vendoset nga kryeministri Albin Kurti.

Në një konferencë për media pas mbledhjes së qeverisë, ai tha se të gjitha veprimet në lidhje me emërimin e ministrit të ri do të merren në konsulta me partnerët e koalicionit, përfshirë Listën Guxo.

“Se, kush do të jetë emri i ministrit të ri të Shëndetësisë, do ta vendosë kryeministri, tash më shumë që ne si partnerë të Qeverisë do të kemi pjesën e konsultave, por nuk mund flas se cili mund të jetë ministri i Shëndetësisë… Është çështje e kryeministrit dhe me siguri që do t’i bëjë të gjitha veprimet ose konsultat paraprake me akterët relevantë të Lëvizjes Vetëvendosje dhe Listës Guxo dhe partnerët tjerë të koalicionit”, tha ai.

Ministri i Bujqësisë foli edhe për miratimin e Projektligjit për Bujqësi dhe Zhvillim Rural, i cili sipas tij do të mundësoj të plotësohen standardet e IPA dhe aspekte tjera që ndikojnë te bujqit.

“Ligji për Bujqësi i adreson kriteret dhe standardet që synojmë t’i plotësojmë deri në fund të mandatit, e të cilat janë standardet IPA, që janë mekanizmi i vendeve që synojnë anëtarësimin në BE. Realizimi i këtyre standardeve dhe krijimi i politikave programore në fushën e bujqësisë do t’i mundësojnë Kosovës të ketë qasje fillimisht akreditimin IPA dhe qasje në aplikimin e Fondeve IPA dhe jo vetëm të IPA-së, por edhe në proceset e mëtutjeshme edhe në procesin e negocimit të kapitullit 11-12-13. Me këtë ligj do të kemi mundësi shumë më të madhe të rritjes së përkrahjes së sektorit të bujqësisë dhe fermerëve do të kemi mundësinë e menaxhimit më të mirë dhe efikas të buxhetit të taksapaguesve të Kosovës. Në kuadër të masave që kemi ndërmarrë, buxheti për vitin 2022 do të jetë 70 milionë euro, ndërsa me aplikimet në fondet ndërkombëtare deri në fund të mandatit ta kemi 100 milionë euro”, tha ai.

Ndryshe, aktualisht Ministria e Shëndetësisë po udhëhiqet nga Dafina Gexha-Bunjaku, pasi Arben Vitia ka hyrë në garën zgjedhore për kryetar të Prishtinës.

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

6 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

8 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

10 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

12 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara