Shëndeti

Fara të zeza dhe mjaltë, toniku i fuqishëm për imunitetin

Fara e zezë është përdorur që herët kundër dhimbjeve të kokës, dhëmbit, bllokimeve të rrugëve të frymëmarrjes.

Published

2 years ago

March 13, 2023

UBT news

Fara e zezë (Nigella Sativa) është bimë që formon një kapsulë frutore e cila është përdorur në mjekësinë popullore prej 2000 vitesh.

Ajo është zbuluar për herë të parë në varrin e Tutankhamunit faraonit më të famshëm të Egjiptit.

Fara e zezë është përdorur që herët kundër dhimbjeve të kokës, dhëmbit, bllokimeve të rrugëve të frymëmarrjes, astmës, artitit, infeksioneve dhe pranisë së parazitëve në sistemin tretës.

Në ditët e sotme, pavarësisht mungesës së provave bindëse shkencore, fara e zezë përdoret edhe kundër diabetit, tensionit të lartë të gjakut dhe mbipeshës.

Ajo njihet jo vetëm si fara e zezë por edhe nigella, qimnoni i zi, kalonji e të tjera.

Farat përdoren si erëz në kuzhinën e Lindjes së Mesme dhe të Indisë.

Shija e tyre është e athët, e fortë dhe aromatike.

Në fenë Islame, vlerat e farës së zezë përshkruhen si të mrekullueshme nënvizuar edhe nga Profeti Muhamed a.s. 14 shekuj më parë: “Te fara e zezë ka shërim për çdo sëmundje përveç vdekjes”.

Një studim i vitit 2014 nga Universiteti i Salzburgut në Austri ofroi dokumenta që provonin se fara e zezë kishte efekt kundër inflamacionit dhe ishte e pasur me antioksidantë.

Në mars të këtij viti, presidenti Donald Trump përmendi një ilaç që përdoret zakonisht për të trajtuar malarien, si opsion për trajtimin e koronavirusit. Trump tha se klorokinaose hidroksilklorina, mund të jetë një trajtim i mundshëm premtues për virusin COVID-19.

Pavarësisht mungesës së të dhënave, në rrjetet sociale u përhap me vrull pretendimi se hidroksilklorina është e prejardhur nga fara e zezë.

Si konsumohet fara e zezë?

Mënyrat e konsumit të farës së zezë janë të ndryshme dhe shpesh si pjesë e trajtimeve bimore.

Ajo mund të gëlltitet, të shtypet e të bëhet pluhur duke u përzier me ujë, mjaltë ose vaj, të zihet si çaj ose të transformohet në vaj esencial për aplikim në lëkurë.

Mënyra më e këshilluar në mjekësinë bimore është përzierja me mjaltin sepse besohet se dyfishon sasinë e antokisdantëve dhe formon një tonik shumë të shëndetshëm.

Toniku me mjaltë dhe fara të zeza

Përzieni një lugë çaji me mjaltë në një gotë me ujë të ngrohtë.

Shtypni shtatë fara të zeza deri sa të bëhen pluhur, hidhini në gotën e mjaltit dhe pijeni atë menjëherë.

Ky tonik në vendet e Lindjes së Mesme dhe të Indisë besohet se është efikas për fuqizimin e imunitetit dhe rekomandohet kundër reumatizmës dhe sëmundjeve inflamatore.

Toniku është një burim i shkëlqyer acidesh yndyrore, proteinash, mineralesh, vitaminash dhe karbohidratesh./AgroWeb.org

Shëndeti

Ushqimet më të mira kundër fryrjes së stomakut

Published

5 hours ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

10 hours ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

11 hours ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

12 hours ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!