Kulturë

Fanella “Hand of God” e Maradonës shitet për 9.28 milionë dollarë

Shënoi rekord botëror.

Published

on

Fanella e veshur nga Diego Maradona kur shënoi golin e tij të famshëm “Hand of God” kundër Anglisë në Kupën e Botës në vitin 1986 u shit në ankandin Sotheby’s në Londër të mërkurën për një çmim rekord botëror prej 9.28 milionë dollarë.

Rekordin e mëparshëm e mbante fanella e Babe Ruth të cilën e veshi gjatë sezoneve të tij 1928-1930 me New York Yankees dhe e cila u shit 5.64 milionë dollarë në vitin 2019.

Rekordi për një pjesë të kujtimeve sportive u vendos gjithashtu në vitin 2019, kur një manifest origjinal olimpik i vizatuar me dorë u shit në Nju Jork për 8.8 milionë dollarë.

Goli i famshëm “Hand of God” u shënua nga Maradona, i cili në fakt e hodhi topin me dorë mbi portierin anglez Peter Shilton dhe në rrjetë në ndeshjen çerekfinale të Kupës së Botës të vitit 1986 kundër Anglisë, e cila u fitua me rezultat 2-1 nga Argjentina. Arbitri nuk e pa, kështu që goli qëndroi.

Pas ndeshjes, Maradona tha: “Goli u shënua pak me kokën e Maradonës dhe pak me dorën e Zotit”.

Si rezultat, Argjentina fitoi Botërorin e dytë dhe të fundit deri më sot. Maradona, i cili ishte 25-vjeçar atë kohë, ishte kapiteni i Argjentinës kur ndihmoi kombin e tij të fitonte Kupën e Botës FIFA 1986. Ai luajti për Boca Juniors të Argjentinës, klubet spanjolle Barcelona dhe Sevilla dhe klubin italian Napoli.

Maradona, i cili vdiq nga problemet me zemër më 25 nëntor të vitit 2020, konsiderohet si një nga lojtarët më të mëdhenj të futbollit ndonjëherë./UBTNews/

Magazinë

Udhëtimi i Katy-t në hapësirë është një ndër arsyet e krizës në lidhjen me Orlando-n?

Published

on

Thuhet se Orlando Bloom e ka cilësuar udhëtimin në hapësirë të Katy Perry-t si “të turpshëm” dhe “të sikletshëm”, gjatë një zënke serioze mes tyre.

Sipas një burimi anonim, aktori u shpreh se “e gjithë gjëja i dukej qesharake”, komenti i tij e lëndoi shumë Katy-n.

“Kjo e lëndoi shumë. Sigurisht që u ndje keq. Imagjino të shkosh në hapësirë, e përsëris, në hapësirë dhe partneri yt të mos habitet fare”.

Burimi vijon se Katy kishte shpresuar se do të gjente më shumë mbështetje tek Orlando.

Ajo u shpreh në “The Morning Mash Up” në “Sirius XM” në mars se Orlando Bloom ishte “i përfshirë totalisht” në udhëtimin e saj historik në hapësirë. Madje, ai ishte fotografuar duke e mbështetur para dhe pas nisjes. Megjithatë, për shkak të komenteve të raportuara të tij, Katy e ka “të vështirë të pranojë mungesën e mbështetjes”.

Ajo nuk e përtyp faktin se i fejuari do të shkojë në dasmën e Lauren Sanchez dhe Jeff Bezos në Itali. Dasma do të zhvillohet gjatë këtij muaji, ndërkohë që Katy është në turne.

“Ata janë në një krizë dhe dasma e famshme është një tjetër arsye për t’u zënë”, shtoi personi anonim, duke theksuar se në fakt, Jeff dhe Laura janë më shumë miq me Katy-n sa me Orlando-n, por ai këmbëngul të marrë pjesë në këtë event.

Çifti janë bashkë që nga viti 2016. Ata patën një ndarje të shkurtër në 2017 dhe më pas, u rilidhën dhe u fejuan në 2019-ën. Dyshja, ka edhe një vajzë 4 vjeç, të quajtur Daisy.

Continue Reading

Magazinë

“Squid Game” rikthehet në Netflix me sezon final

Published

on

Yjet e serialit hit, “Squid Game”, parakaluan mbi qilimin ngjyrë rozë të shtruar në Londër, teksa entuziazmi i fansave sa vjen e rritet për sezonin e fundit të një prej projekteve më të popullarizuara të platformës Netflix.

Sezoni tretë i serialit korean të zhanrit triler vjen për publikun e gjerë pas një jave, duke vazhduar historinë aty ku kishte mbetur në sezonin e dytë.

Skenaristi dhe regjisori, Hwang Dong-hyuk, tha se u mundua shumë për fundin e projektit të jashtëzakonshëm televiziv, por nuk pranoi të zbulonte ndonjë informacion të detajuar.

“Sigurisht që u shqetësuam sepse është finalja e këtij seriali, kështu që përfundimi që krijuam është rezultat i gjithë asaj kohe dhe përpjekjeve të investuara në të, megjithëse nuk mund t’ua prish befasinë duke ndarë me shumë detaje me ju”, tha ai.

Lee Jung-Jae rikthehet në rolin e Seong Gi-hun, apo ndryshe i njohur si Lojtari 456, kumarxhiu naiv dhe i pavlerë i shndërruar në hero, i cili detyrohet të bëjë zgjedhje edhe më të vështira në lojërat vdekjeprurëse.

Lee Byung-Hun, i cili e luan rolin e kreut të hierarkisë së “Squid Game”, pati vlerësime të larta për krijuesin e shout, Hwang.

“Ai ka ide e tregime në mendjen e tij, sepse nuk kishte ndërmend të bënte sezon të dytë por brenda një kohe të shkurtër shpiku këtë histori të mrekullueshme. Ai është vërtetë një gjeni”, deklaroi Byung-Hun.

Kasta e aktorëve është përballur me sfida gjatë xhirimeve të serialit, përfshirë ruajtjen e sekretit rreth temës që trajtohet apo detajeve rreth personazheve që i portretizojnë. Lee Jung-Jae u ballafaqua me vështirësitë, teksa iu desh të qëndrojë sa më larg kolegëve në sheshin e xhirimeve. Ai e shpjegoi arsyen për këtë.

“Kur po xhironim, në fakt ndihesha i dëshpëruar. Ndihesha shumë i vetmuar por kjo ishte e pashmangshme sepse duhej ta ruaja gjendje emocionale. Nuk doja të kaloja shumë kohë duke u argëtuar me kolegët e serialit, sepse nuk doja të dilja nga roli, kështu që duhej të ruaja atë energji”, tha ai.

Sezoni final i serialit “Squid Game” do të transmetohet në Netflix më 27 qershor.

Continue Reading

Magazinë

Hailey Bieber rikthen unazën e martesës, mes thashethemeve për krizë me Justin Bieber

Published

on

Hailey Bieber ka tërhequr vëmendjen në New York , teksa u shfaq në dalje me fustan saten të gjelbër dhe unazën e martesës rikthyer vetëm një ditë pasi u fotografua pa të, duke nxitur thashetheme për tensione në martesën me Justin Bieber.

Modelja 28-vjeçare u shfaq elegante dhe e qetë, ndërsa shijonte një mbrëmje, duke kompletuar pamjen me syze dielli dhe një palë taka “kitten”.

Dalja vjen në një kohë kur fansat janë të shqetësuar për marrëdhënien me Justin, pas raportimeve për një përplasje të fortë gjatë Ditës së Babait, ku ajo thuhet ta ketë quajtur bashkëshortin e saj një “fëmijë të mallkuar”, shkruan DailyMail.

Justin zgjodhi të mos bëjë asnjë postim dedikuar bashkëshortes apo djalit nëntëmuajsh, Jack, duke ndarë mesazhe enigmatike dhe emocionale në rrjet, përfshirë ndjesinë e “thyer” dhe përpjekjet për të përballuar zemërimin dhe vetëvlerësimin.

Burime pranë çiftit raportojnë se Hailey ka qenë e irrituar nga veprimet e Justinit dhe se i ka kërkuar atij të kërkojë ndihmë profesionale.

Rikthimi i unazës në dorën e saj sugjeron një përpjekje për stabilitet, ose së paku një qëndrim publik që ndjenjat janë ende të forta – të paktën për kamerat.

Continue Reading

Magazinë

Ja kushtet që Chris Brown duhet të respektojë pas akuzës për sulm në Londër

Published

on

Chris Brown, 36 vjeç, është paraqitur sot në Gjykatën e Lartë të Southwark në Londër, për të dhënë deklaratën e tij lidhur me një sulm të dyshuar ndaj producentit muzikor Abraham Diaw, në një klub nate në shkurt 2023.

Sipas akuzës, Brown e ka goditur Diaw disa herë me shishe, dhe më pas e ka ndjekur në një zonë tjetër të lokalit ku e ka rrahur me grushta dhe shqelma, ndërsa viktima ndodhej i shtrirë në tokë. Ngjarja është filmuar nga kamerat e sigurisë dhe përshkruhet si “shumë serioze”.

Reperi amerikan është arrestuar në Manchester më 15 maj, disa orë pasi kishte mbërritur në Mbretërinë e Bashkuar me avion privat.

Ai është liruar nga burgu me një kaucion prej 5 milionë paundësh, por me disa kushte të rrepta, përfshirë:

•Të qëndrojë në një adresë të përcaktuar në Mbretërinë e Bashkuar

•Të mos i afrohet klubit “Tape” në Londër

•Të mos kontaktojë viktimën, bashkëpandehurin apo dëshmitarët

•Pasaportën ta përdorë vetëm për lëvizje të lidhura me turneun

Nëse shkel ndonjë nga këto kushte, rrezikon të humbasë shumën e garancisë dhe të kthehet pas hekurave.

Seanca u zhvillua edhe në prani të bashkëpandehurit, reperit amerikan Omololu Akinlolu, 38 vjeç, me të cilin do të përgatitet procesi gjyqësor.

Continue Reading

Të kërkuara