Sport

Fanella e Asanit do t’i dorëzohet kazermës së Policisë në veriun e Kosovës

Ylli i Shqipërisë pas ndeshjes mbrëmë ndërroi fanellën me një tifoz, me Ismail Morinën, të njohur ndryshe si “Ballisti”.

Published

3 years ago

October 13, 2023

Betim Gashi

Kombëtarja e Shqipërisë gëzoi mbrëmë të gjithë shqiptarët, pasi arriti fitore të madhe ndaj Republikës së Çekisë, në kualifikimet e Kampionatit Evropian Euro 2024.

Shqipëria e mposhti mbrëmë Çekinë 3:0, me dy golat e Taulant Seferit dhe super golin e Jasir Asanit.

Asani vazhdoi edhe mbrëmë me super gol, ndërsa pas ndeshjes ka thyer një tabu.

Ylli i Shqipërisë pas ndeshjes mbrëmë ndërroi fanellën me një tifoz, me Ismail Morinën, të njohur ndryshe si “Ballisti”. Por, fanellën e Asanit nuk do ta mbajë “Ballisti”, pasi që ajo do t’i dorëzohet kazermës së Policisë së Kosovës në veriun e Republikës së Kosovës.

“I ndërruam fanellat me Jasirin duke thyer një TABU (një futbollist profesionist ndërron fanellën me një tifoz po aq profesionist) dhe nuk mbaron këtu, me propozimin tim dhe me mirëkuptimin e plotë të vet Jasirit fanellën e tij nuk do e mbaj unë por do i dorëzohet kazermës së POLICISË së KOSOVËS me në veri të REPUBLIKËS së KOSOVËS në shenjë respekti, mirënjohjeje dhe mbështetje për të gjithë djemtë tanë në ato anë! Rroftë shtetësia e Kosovës!!!! Rroftë shpirti i shqiptarit!!!!”, shkroi Ballisti në “Facebook”.

Related Topics:shqiperia Policia e Kosoves Ismail Morina

Up Next

99 goditje me kamxhik, nga Irani reagojnë për dënimin e mundshëm të Ronaldos

Don't Miss

Rrahmanit i duhet operimi, pëson frakturë në kyçin e këmbës

Sport

Albian Hajdari pëson një tjetër lëndim, jashtë fushës për disa javë

Published

44 minutes ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L

Sport

Mourinho rikthen stilin e tij luftarak, mbron lojtarët dhe kritikon gjyqtarët

Published

2 hours ago

October 14, 2026

UBTNews

Jose Mourinho është rikthyer në qendër të vëmendjes për shkak të qëndrimeve të tij ndaj gjyqtarëve dhe mbrojtjes së vazhdueshme të futbollistëve të Real Madridit.

Trajneri portugez ka nxitur diskutime pas përplasjes me gjyqtarët në ndeshjen kundër Villarrealit, ku u ndëshkua me karton të verdhë për protesta.

Gazetari i “esRadio”, Sergio Valentin, vlerëson se Mourinho po përpiqet të krijojë një atmosferë mbrojtëse për lojtarët, duke larguar presionin dhe kritikat nga skuadra.

Sipas tij, kjo strategji synon të forcojë unitetin brenda ekipit dhe të rikthejë lidhjen mes futbollistëve dhe tifozëve.

Pas fitores minimale 1-0 ndaj Villarrealit, Mourinho vendosi të mos paraqitej në konferencën për media, duke nxitur reagime të tjera.

Megjithatë, disa analistë kanë vënë në dyshim efektivitetin e kësaj qasjeje, duke theksuar se Real Madridi duhet të përqendrohet në përmirësimin e rezultateve në fushë.

Sipas artikullit, madrilenët ndodhen gjashtë pikë prapa Barcelonës në La Liga, ndërsa përpara kanë përballje të rëndësishme me Romën në Ligën e Kampionëve, Sevillan në kampionat dhe Barcelonën më 25 tetor.

Këto ndeshje pritet të jenë vendimtare për të parë nëse strategjia e Mourinhos do të ndikojë pozitivisht në paraqitjet e skuadrës.

D.L

Sport

Gruda vendimtar për Leipzigun, shënon golin e fitores ndaj PSV-së

Published

7 hours ago

October 14, 2026

UBTNews

Futbollisti shqiptar, Brajan Gruda, ka qenë protagonisti kryesor në fitoren minimale 1:0 të Leipzigut ndaj PSV-së, në kuadër të xhiros së dytë të fazës së ligës në Ligën e Kampionëve.

Gruda, i cili ishte ndër lojtarët më të dalluar në fushë, realizoi golin e vetëm të takimit në minutën e 75-të, duke i siguruar skuadrës gjermane një fitore të rëndësishme.

Takimi u zhvillua të martën mbrëma në Leipzig, ku vendasit arritën të triumfojnë falë golit vendimtar të futbollistit shqiptar.

D.L

Sport

Rrahmani shënon, por Napoli mposhtet nga Villarreali në Ligën e Kampionëve

Published

7 hours ago

October 14, 2026

UBTNews

Napoli ka pësuar humbje me rezultat 3:1 ndaj Villarrealit, në kuadër të xhiros së dytë të fazës së ligës në Ligën e Kampionëve, pavarësisht golit të hershëm të mbrojtësit kosovar, Amir Rrahmani.

Rrahmani kaloi skuadrën italiane në epërsi në minutën e tetë, por vendasit reaguan shpejt, duke përmbysur rezultatin me dy gola të shënuar në minutat 23 dhe 26, për ta mbyllur pjesën e parë me epërsi 2:1.

Në pjesën e dytë, Villarreali arriti ta ruante avantazhin, ndërsa në minutën e 86-të realizoi edhe golin e tretë, duke vulosur fitoren 3:1 ndaj Napolit.

D.L