Aktualitet

Familja e gazetarit bjellorus: Pratasevich ishte nën presion gjatë rrëfimit televiziv

Published

4 years ago

on

Familja e gazetarit bjellorus Raman Pratasevich, ka thënë se ai ka qenë i detyruar të rrëfehet në televizion për organizim të protestave kundër qeverisë.

Pratasevich, 26-vjeçar, është arrestuar në Minsk muajin e kaluar, pasi është devijuar fluturimi i tij për në Lituani.

Në një paraqitje televizive, me lot në sy, ai ka lavdëruar liderin bjellorus Alexander Lukashenka dhe e ka pranuar se ka tentuar ta rrëzojë atë.

Disa shenja kanë qenë të vërejtshme në kyçet e duarve.

Mbrojtësit e të drejtave të njeriut kanë thënë se besojnë që ai është torturuar.

Pratasevich ka qenë redaktor në kanalin opozitar Nexta në aplikacionin e mesazheve Telegram, deri vitin e kaluar.

Ai është vendosur në listën e “individëve të përfshirë në aktivitetet terroriste” nga qeveria në Bjellorusi.

Protestat masive kanë shpërthyer në gjithë Bjellorusinë, pasi Lukashenka ka pretenduar fitore në zgjedhjet presidenciale të 9 gushtit 2020.

Opozita ka konsideruar se zgjedhjet janë manipuluar dhe protestat kundër këtij procesi zgjedhor, janë shtypur nga autoritetet shtetërore.

Protestat janë kufizuar dhe liderët opozitarë janë dërguar në burgje, apo kanë ikur nga shteti.

“Ata e thyen atë”

Në një transmetim televiziv të enjten në mbrëmje, Pratasevich e ka pranuar se ka tentuar të rrezikojë Lukashenkan dhe ka thënë se po flet para televizionit me dëshirën e tij.

Ai ka thënë se ka kritikuar presidentin Lukashenka shumë, “mirëpo ka nisur ta kuptojë se është duke bërë gjëra të duhura dhe unë e respektoj atë”.

Në fund të intervistës ai ka shpërthyer në vaj dhe ka thënë se shpreson se një ditë do të martohet dhe do të ketë fëmijë.

Babai i gazetarit ka thënë për agjencinë e lajmeve AFP se e ka shikuar intervistën me dhimbje.

“Unë e njoh djalin tim shumë mirë dhe besoj se ai kurrë nuk do të thoshte gjëra të tilla. Ata e thyen atë dhe e detyruan të thoshte atë që donin”, ka thënë ai.

“Është e tmerrshme të mendosh për brutalitetin që kanë përdorur forcat bjelloruse të sigurisë, në mënyrë që ta detyrojnë Raman Pratasevichin ta bëjë atë video”, ka thënë Kenneth Roth nga grupi për të drejta të njeriut Human Rights Watch.

Intervista e së enjtes ka shënuar herën e tretë që Pratasevich ka dalë para televizionit, prej kur është ndaluar.

Në një intervistë, ai ka thënë se opozita nuk ka nevojë të bëjë thirrje të reja për protesta në rrugë.

Akuza serioze

Gazetari dhe e dashura e tij Sofia Sapega, kanë qenë duke u kthyer në Lituani, ku kanë jetuar të dy, kur aeroplani është ulur në Minsk, për shkak të kërcënimit për bombë, që më pas doli të jetë i rremë.

Ai përballet me akuza të rënda. Akuza për prishje të rregullit civil, është e ndëshkueshme me deri 15 vjet burgim.

Mirëpo akuzat për terrorizëm janë të ndëshkueshme edhe më keq, dhe teksa ka qenë duke dalë nga aeroplani, pasagjerët e kanë cituar atë të ketë thënë “do të dënohem me vdekje atje”.

Pratasevich dhe Sapega janë marrë nga zyrtarët policorë dhe më pas janë shfaqur në disa video, në të cilat besohet se janë detyruar të rrëfejnë se kanë kryer krime ndaj autoriteteve bjelloruse.

Arrestimi i tyre ka nxitur sanksione të Bashkimit Evropian, duke përfshirë edhe ndalesën që kanë kompanitë ajrore për të kaluar në hapësirën e Bjellorusisë.

Sanksione janë vënë edhe ndaj zyrtarëve të lidhur me devijimin e aeroplanit.

“Ne nuk do të tolerojmë që një person të luajë me sistemin e ruletës ruse me jetët e civilëve të pafajshëm”, ka thënë shefi i Këshillit të Bashkimit Evropian Charles Michel.

Shefja e Komisionit Evropian Ursula von der Leyen, ka thënë se incidenti përbën “sulm ndaj demokracisë”.

Related Topics:
Continue Reading

Bota

Von der Leyen: Evropa duhet të forcojë mbrojtjen, të pranojë Ukrainën në BE

Published

2 days ago

on

May 30, 2025

By

Presidentja e Komisionit Evropian, Ursula von der Leyen, ka theksuar se Evropa duhet të mbrojë pavarësinë e saj duke rritur shpenzimet për mbrojtjen dhe duke integruar Ukrainën në Bashkimin Evropian.

Ajo ka përmendur katër detyrat kryesore që BE-ja duhet të realizojë për të arritur këto synime, duke përfshirë forcimin e kapacitetit të mbrojtjes, rritjen e inovacionit për rritjen ekonomike, zgjerimin e BE-së dhe forcimin e demokracisë për të mbrojtur shtetet anëtare nga kërcënimet e brendshme dhe të jashtme.

Sipas von der Leyen, një nga arritjet më të mëdha është angazhimi për të ofruar deri në 800 miliardë euro fonde për mbrojtjen, një veprim që, siç tha ajo, ishte i pamundur vetëm pak vite më parë.

“Fakti që tani po ofrojmë deri në 800 miliardë euro fonde për mbrojtjen ishte i pamundur vetëm pak vite më parë,” theksoi Presidentja e Komisionit Evropian. “Po e bëjmë këtë sepse duam të mbrojmë paqen me të gjitha forcat tona.”

Von der Leyen paralajmëroi gjithashtu se një rend i ri ndërkombëtar do të shfaqet deri në fund të kësaj dekade, dhe se Evropa duhet të luajë një rol aktiv në formësimin e këtij rendi të ri për të shmangur pasojat e tij për kontinentin dhe për botën.

Ajo theksoi se zgjerimi i BE-së është një detyrë kyçe, duke e konsideruar anëtarësimin e Ukrainës, Moldavisë, vendeve të Ballkanit Perëndimor dhe Gjeorgjisë si një hap të rëndësishëm për forcimin e Bashkimit Evropian.

“Jam thellësisht e bindur se historia tani po na thërret. Ashtu si në vitin 1989, kur era e ndryshimit përfshiu Evropën,” përfundoi von der Leyen, duke sugjeruar se momenti aktual është një mundësi për ndryshime thelbësore në rajon.

Continue Reading

Bota

Meloni vizitë në Kazakistan, nënshkruhen marrëveshje në vlerën 4 miliardë euro

Published

2 days ago

on

May 30, 2025

By

Italia dhe Kazakistani kanë nënshkruar një sërë marrëveshjesh me vlerë 4 miliardë euro gjatë një vizite të kryeministres italiane Giorgia Meloni në Astana.

Marrëveshjet ishin në një sërë sektorësh, duke përfshirë naftën dhe gazin, energjinë e rinovueshme dhe menaxhimin e ujit.

Meloni tha se nuk e konsideronte vizitën e saj “thjesht një formalitet, por thelbësor”.

“Italia ishte vendi i parë i BE-së që vendosi të investonte në marrëdhëniet me Azinë Qendrore dhe shtetet anëtare të saj individuale, duke krijuar një format të qëndrueshëm për shkëmbimin e ideve”, vazhdoi Meloni.

Kryeministrja italiane shtoi se Samiti BE-Azi Qendrore i mbajtur në prill kishte rritur marrëdhëniet midis rajoneve.

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

2 days ago

on

May 30, 2025

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

”Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

”Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

3 days ago

on

May 30, 2025

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

“Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Të kërkuara