Lajmet nga UBT
Fakulteti i Artit dhe Medias Digjitale në UBT, qendra e revolucionit kreativ!
Në epokën e transformimeve të shpejta digjitale, arti dhe teknologjia janë bërë dy elemente të pandashme të krijimtarisë moderne. Fakulteti i Artit dhe Medias Digjitale në UBT ofron një udhëtim unik akademik, ku idetë marrin formë përmes teknologjisë më të avancuar, ndërsa arti mbetet thelbi i shprehjes së lirë. Ky program është krijuar për të fuqizuar gjeneratat e reja të artistëve dhe dizajnerëve me njohuri të thella, aftësi praktike dhe një vizion inovativ për të ardhmen e industrive kreative.
Mësim që formëson të ardhmen
Programi ndërthur qasjen teorike me praktikën, duke i mundësuar studentëve të zhvillohen në një gamë të gjerë disiplinash. Arti vizual dhe piktura përbëjnë bazën e çdo krijuesi, ku imagjinata dhe teknika përzihen për të sjellë vepra me ndikim të thellë estetik. Modelimi tredimensional dhe skulptura u mundësojnë studentëve krijimin e formave dhe objekteve artistike përmes metodave tradicionale dhe softuerëve më të avancuar.
Fotografia dhe videografia u ofrojnë atyre mundësinë të kapin momente unike dhe t’i shndërrojnë ato në histori të paharrueshme vizuale. Animacioni dhe efektet vizuale ndihmojnë në integrimin e artit me teknologjinë për të ndërtuar botë të reja përmes lëvizjes dhe narrativës vizuale, ndërsa dizajni grafik dhe ilustrimi digjital krijojnë një sintezë mes artit dhe komunikimit vizual për industrinë kreative dhe tregun e marketingut.
Mentorim nga ekspertët më të mirë
Në UBT, mësimdhënia nuk është veç një proces akademik, por një udhërrëfim kreativ. Studentët mësojnë nga artistë të njohur, dizajnerë vizionarë dhe ekspertë të teknologjisë, të cilët sjellin përvojën e tyre të pasur ndërkombëtare në auditoret dhe studiot e fakultetit. Kjo qasje siguron që çdo student të formohet jo vetëm si profesionist, por edhe si krijues me vizion të qartë për të ardhmen.
Kampusi që ushqen kreativitetin…
UBT investon në hapësira moderne dhe pajisje të avancuara për të mbështetur zhvillimin artistik dhe teknik të studentëve. Studio profesionale për dizajn grafik dhe animacion ofrojnë mjedisin ideal për të zhvilluar projekte kreative, ndërsa laboratorët për realitet virtual dhe efekte vizuale lejojnë eksperimentimin me teknologjitë më të reja. Studioja për produksion video dhe montazh ofron mundësi të jashtëzakonshme për të krijuar përmbajtje mediatike cilësore, hapësirat për vizatim, pikturë dhe modelim tredimensional u japin studentëve liri krijuese, ndërsa galeritë dhe ekspozitat studentore shërbejnë si një platformë për promovimin e punës së tyre krijuese.
Partneritete dhe mundësi ndërkombëtare
UBT ka ndërtuar një rrjet të gjerë partneritetesh me institucione prestigjioze dhe qendra të artit e dizajnit, duke i ofruar studentëve mundësi për të studiuar, punuar dhe ekspozuar punimet e tyre në skenën ndërkombëtare.
Me një diplomë në Artin dhe Median Digjitale nga UBT, studentët hapin dyer drejt një bote të pafund mundësish. Ata mund të punojnë në dizajn grafik dhe branding në agjenci kreative dhe kompani ndërkombëtare, të angazhohen në produksion filmi dhe animacion për industri kinematografike dhe platforma digjitale, të kontribuojnë në marketingun digjital dhe komunikimin vizual në fushën e reklamave dhe strategjive të komunikimit, të punojnë me galeritë e artit dhe muzetë për të zhvilluar aspektin artistik të karrierës së tyre, ose të ndërmarrin iniciativa të pavarura në art dhe media për të krijuar identitetin e tyre profesional.
Zgjedhja e duhur për një të ardhme kreative
Të studiosh në UBT do të thotë të jesh pjesë e një ekosistemi ku arti dhe teknologjia ecin dorë për dore, duke formësuar gjeneratën e ardhshme të krijuesve, inovatorëve dhe liderëve të industrisë digjitale. Me një metodologji moderne, infrastrukturë të avancuar dhe staf akademik të përkushtuar, UBT është destinacioni ideal për të gjithë ata që ëndërrojnë të bëhen pjesë e revolucionit të artit dhe medias digjitale.
“Në Fakultetin e Artit dhe Medias Digjitale në UBT, ne besojmë se arti dhe teknologjia janë forcat që do të formësojnë të ardhmen. Ne i inkurajojmë studentët tanë të jenë krijues, të guximshëm dhe të drejtohen përpara, duke e sfiduar botën dhe duke e bërë atë më të bukur përmes artit dhe inovacionit”. — Prof.Ass.Dr. Ariana Gjoni, Dekane e Fakultetit të Artit dhe Medias Digjitale në UBT
Në Parkun Shkencor, Inovativ dhe Teknologjik të UBT-së në Lipjan, u mbajt me sukses Konferenca e parë Ndërkombëtare e Mjekësisë Sportive (IC-SM 2025) – një ngjarje e nivelit të lartë që shënoi një moment historik për zhvillimin e kësaj fushe në Kosovë dhe rajon.
Në këtë konferencë morën pjesë figura të njohura ndërkombëtare të mjekësisë sportive, përfshirë Presidentin e Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, M.Sc. nga Universiteti Teknik i Mynihut (Gjermani), dhe Prof. Dr. Gobert von Skrbensky nga Austria, së bashku me shumë ekspertë vendorë dhe ndërkombëtarë.
Në hapje të konferencës, Rektori i UBT-së, Prof. Dr. Edmond Hajrizi, theksoi se që nga themelimi, UBT ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.
“Mjekësia sportive është një nga fushat që mishëron më së miri këtë filozofi – duke bashkuar shëndetin, edukimin, performancën dhe inovacionin teknologjik”, u shpreh Rektori Hajrizi, duke theksuar se përmes Themelimit të Qendrës për Mjekësi Sportive në UBT, është hapur një kapitull i ri për zhvillimin e kësaj fushe në Kosovë.
Ai gjithashtu përmendi se falë kësaj nisme, Kosova është bërë për herë të parë anëtare e Federatës Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) — një arritje që e rendit vendin përkrah mbi 117 shteteve anëtare të kësaj organizate prestigjioze.
Në fjalën e tij përshëndetëse, Prof. Dr. Fabio Pigozzi, President i FIMS-it, vlerësoi kontributin e UBT-së në zhvillimin e mjekësisë sportive dhe theksoi rëndësinë e bashkëpunimit ndërkombëtar për avancimin e kërkimit dhe praktikave klinike në këtë fushë.
Në hapje të konferencës morën fjalën edhe: Fitim Arifi, përfaqësues i Komitetit Olimpik të Kosovës; Agim Ademi, Kryetar i Federatës së Futbollit të Kosovës; Agim Krasniqi, Kryetar i KASEM; Iber Alaj, Drejtor i Departamentit të Sportit në Ministrinë e Kulturës, Rinisë dhe Sportit.
Pjesa kryesore e konferencës përfshiu sesionet shkencore me ligjërata nga:
Prof. Dr. Fabio Pigozzi (Itali) – “Sudden Cardiac Death in Sports and Exercise”
Prof. Dr. Norbert Bachl (Austri) – “Sports Medicine as a Specialty in Europe: Shaping Precise Prevention”
Prof. Dr. Edmond Hajrizi (Kosovë) – “UBT Smart City – An Integrated Platform of Emerging Technologies and Smart Support for Sports Medicine Education, Research, Innovation, and Clinical Services”
Annika Hangleiter, M.Sc. (Gjermani) – “Wearable Technologies in Personalized Prevention: The Future is Already Present”
Prof. Dr. Gobert von Skrbensky (Austri) – “Concepts in Sports Surgery Following Knee Trauma: The Role of Activity Level and Biological Age”
Prezantimet shkencore dhe punimet kërkimore
Në sesionin e dytë të konferencës, të udhëhequr nga Dr. Milaim Berisha dhe Dr. Agron Thaqi, u prezantuan punime shkencore të recenzuara, ndër të cilat:
“The New Era FitScore Test: A Comprehensive General Fitness Assessment” – Era Deva, Milaim Berisha
“The Success Ratio of Non-Surgical Management of Proximal Hamstring Injury in Judo: The Case of Olympic Gold Medalist” – Nora Gjakova, Milaim Berisha
“Beyond Consensus, Into Action: Kosovo’s Response to Elite Athlete Mental Health Challenges” – L.J., Zhu., J., Hell & V. Klissouras
“Comparative Analysis of Body Composition in Elderly Residents of Nursing Homes in Kosovo” – Agron Thaqi
Konferenca IC-SM 2025 shërbeu si një platformë e rëndësishme ndërkombëtare për bashkëpunim, shkëmbim përvojash profesionale dhe prezantim të trendeve më të fundit në mjekësinë sportive. Ngjarja synon të nxisë kërkimin shkencor, inovacionin në rehabilitim, edukimin profesional dhe ndërtimin e rrjeteve ndërkombëtare në fushën e sportit dhe shëndetit.
Konferenca u organizua nga UBT, në bashkëpunim dhe mbështetje të:
- Kosovo Association of Sports and Exercise Medicine (KASEM),
- International Federation of Sports Medicine (FIMS),
- Komitetit Olimpik të Kosovës, dhe
- Sport, Health and the People – A Western Balkan University Network (SHAPE Project).
IC-SM 2025 u vlerësua si një ngjarje që shënon fillimin e një tradite të re shkencore në Kosovë, duke e pozicionuar vendin në hartën ndërkombëtare të kërkimit në mjekësinë sportive dhe shëndetin publik.
Në Kampusin Inovativ të UBT-së në Lipjan ka nisur sot Konferenca e parë Ndërkombëtare për Mjekësinë Sportive (IC-SM 2025). Si mysafirë specialë në konferencë që po marrin pjesë janë Presidenti i Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, nga Gjermania, Gobert von Skrbensky nha Austria e mysafirë të tjerët të shumtë vendorë e ndërkombëtarë.
Rektori UBT-së, prof.dr.Edmond Hajrizi, në fjalën hapëse të konferencës përkujtoi se UBT, që nga themelimi i saj, ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.
Mjekësia sportive, tha ai, është një nga fushat që mishëron më së miri këtë filozofi- duke bashkuar shëndetin, edukimin, performancën dhe inovacionin teknologjik.
Ai theksoi se UBT, përmes themelimit të Qendrës për Mjekësi Sportive në UBT, ka hapur një kapitull të ri në zhvillimin e kësaj fushe në Kosovë.
Hajrizi tha se falë kësaj nisme, Kosova është anëtarësuar për herë të parë në Federatën Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) – një arritje historike që e rendit vendin tonë përkrah më shumë se 117 shteteve anëtare të kësaj organizate prestigjioze.
Me një fjalë rasti, në hapje, konferencës iu drejtua edhe Presidenti i Federatës Ndërkombëtare të Mjekësisë Sportive (FIMS), Prof. Dr. Fabio Pigozzi. Ai foli për rëndësinë e Mjekësisë Sportive në nivel global, si dhe theksoi rëndësinë e diskutimeve në këtë fushë, gjithnjë me interes për publikun.
Konferenca IC-SM 2025 do të shërbejë si një platformë ndërkombëtare për bashkëpunim dhe ndarje të përvojave profesionale, prezantim të trendeve dhe inovacioneve më të fundit në mjekësinë sportive, nxitje të kërkimit shkencor dhe praktikave të rehabilitimit, si dhe ndërtim të rrjeteve ndërkombëtare në fushën e sportit dhe shëndetit.
Konferenca organizohet nga UBT, me mbështetjen e: Kosovo Association of Sports and Exercise Medicine (KASEM); International Federation of Sports Medicine (FIMS); Komiteti Olimpik i Kosovës; Sport, Health, and the People – A Western Balkan University Network (SHAPE Project)./S.K/UBTNews/
UBT gati të mirëpresë nesër studiues nga e gjithë bota në Konferencën e 14-të Ndërkombëtare
UBT organizoi me sukses Konferencën e parë Ndërkombëtare të Mjekësisë Sportive
Apple shënon 20 vjet, iPhone me serinë e re në 2027
Kombinim i ri ilaçesh ngadalëson përparimin e kancerit të avancuar të prostatës
Johnny Depp rikthehet në Hollywood me film të ri
Kusari-Lila: Të dielën seanca e jashtëzakonshme për Qeverinë, ftesa është dërguar tashmë tek të gjithë deputetët
Në Kroaci po futet shërbimi i detyrueshëm ushtarak, parlamenti voton pro
Harroni emra, fikjen e shporetit apo takimet? Mjekët shpjegojnë shkaqet që e ngadalësojnë kujtesën
Liam Hemsworth dhe e fejuara e tij mahnitin në premierën e “The Witcher”
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months agoProfesori i UBT-së fiton grant prestigjioz kërkimor në Universitetin Çarls të Pragës