Shëndeti

Faktori që ndihmon në uljen e sëmundjeve kronike

Sa më shumë diversitet të keni në ushqimet që konsumoni, që më të shëndetshëm do të jeni.

Published

2 years ago

July 24, 2023

UBT news

Ende nuk ka asnjë ilaç magjik që eliminon të gjitha sëmundjet, por ka shumë gjëra që mund të bëni për t’i parandaluar apo për të ndihmuar në reduktimin e faktorëve. Dhe kjo fillon që nga mënyra e të ushqyerit!

Ka shumë ushqime që duhet të konsumoni, por ka shumë edhe nga ato të cilave duhet t’i qëndroni sa më larg për të pasur një organizëm sa më të shëndetshëm.

AgroWeb.org ju njeh në këtë artikull me një nga zakonet më të mira që lidhet me mënyrën e të ushqyerit, i cili do të mund të përmirësojë ndjeshëm shëndetin tuaj.

Zakoni më i mirë që ul rrezikun e sëmundjeve kronike

Sipas hulumtimit në të cilin AgroWeb.org mbështetet, sa më shumë diversitet të keni në ushqimet që konsumoni, që më të shëndetshëm do të jeni.

Kjo mund të ndihmojë gjithashtu edhe në uljen e rrezikut dhe ashpërsisë së sëmundjeve kronike.

Shumëllojshmëria e ushqimeve dhe grupeve ushqimore në regjimin tuaj, siguron marrjen e konsiderueshme të lëndëve ushqyese thelbësore.

Rezultatet treguan se kjo është e rëndësishme që në fazat e hershme të jetës për rritjen dhe zhvillimin e duhur.

Një regjim ushqimor pa diversitet mund të sjellë pasoja negative në shëndetin, mirëqenien dhe zhvillimin tuaj.

Kjo ndodh me reduktimin e kapaciteteve fizike, duke ulur rezistencën ndaj infeksioneve dhe duke dëmtuar zhvillimin kognitiv, riprodhues e madje edhe aftësitë sociale.

Disa nga sëmundjet kronike që janë të parandalueshme vetëm falë mënyrës së të ushqyerit janë sëmundjet kardiovaskulare, presioni i lartë i gjakut, disa lloje kanceri dhe diabeti i tipit 2.

Organizata Botërore e Shëndetësisë sugjeron që të konsumoni paktën 20 deri në 30 lloje ushqimesh biologjikisht të ndryshme çdo javë.

Si ta kuptoni nëse jeni duke marrë diversitetin e duhur ushqimor?

Ka disa mënyra për të matur diversitetin ushqimor. Një mënyrë më e zakonshme përcaktimi është të regjistroni për 24 orë atë çfarë konsumoni.

Më pas ndajini ato në grupe si më poshtë:

Drithërat
Perimet
Zarzavatet
Frutat
Mishi
Vezët
Peshku dhe produktet e tjera të detit
Arrorët dhe farat
Qumështi dhe produktet e qumështit
Vajrat dhe yndyrnat
Ëmbëlsirat
Erëzat
Pijet

Mënyra të tjera përfshijnë, të provoni një recetë të re dhe të konsumoni ushqime natyrale nga të gjitha ngjyrat e ylberit./agroweb.org

Shëndeti

Ushqimet më të mira kundër fryrjes së stomakut

Published

5 hours ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

10 hours ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

11 hours ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

12 hours ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!