Teknologji

Facebook punësoi të huajt në dëm të amerikanëve, do të paguajë gjobë 14.24 milionë dollarë

Kompania pretendon se ka respektuar rregullat.

Published

4 years ago

on

Facebook ra dakord të paguajë 14.24 milionë dollarë për të ndaluar ndjekjen penale të autoriteteve amerikane që e akuzojnë për ndarjen e disa punëve të paguara mirë për shtetasit e huaj, në dëm të qytetarëve amerikanë dhe banorëve me leje qëndrimi të përhershëm.

Departamenti i Drejtësisë ngriti një padi në fund të vitit 2020, duke thënë se rrjeti social kishte ndërtuar qëllimisht një sistem punësimi që pengonte amerikanët e aftë të mësonin për punë të caktuara dhe të konkurronin, për shembull, duke mos pranuar kandidaturat në internet.

Kompania e Mark Zuckerberg në fakt i mbajti ato punë për punonjësit që tashmë punonin në të me një vizë të përkohshme dhe donin të merrnin një leje qëndrimi, thotë ministria.

Në fillim të vitit, Ministria e Punës hapi një hetim mbi politikën e punësimit të kompanisë.

“Facebook nuk është mbi ligjin dhe duhet të respektojë të drejtat civile që zbatohen në vendin tonë,” tha zëvendës kryeprokurorja Kristen Clarke.

Në një mesazh të lëshuar të martën, kompania pretendon se ka respektuar rregullat, por se ka arritur një marrëveshje për të ndaluar ndjekjen penale.

“Kjo do t’i lejojë Facebook-ut të vazhdojë të përqendrohet në punësimin e punëtorëve më të mirë, qofshin ata nga Shtetet e Bashkuara ose nga bota, dhe të mbështesë mbajtësit e vizave (të tij) me kualifikim të lartë që duan një leje qëndrimi të përhershëm,” tha një zëdhënëse e kompanisë.

Marrëveshja e arritur me Departamentin e Drejtësisë parashikon një gjobë prej 4.75 milionë dollarë dhe pagesën prej 9.5 milionë dollarë për viktimat e mundshme të “diskriminimit” për shkak të shtetësisë ose statusit të tyre të imigrimit.

Related Topics:
Continue Reading

Teknologji

Microsofti do të investojë 400 milionë dollarë në inteligjencën artificiale në Zvicër

Published

17 hours ago

on

June 2, 2025

By

Microsofti do të investojë 400 milionë dollarë në Zvicër për zhvillimin e inteligjencës artificiale, raportoi të hënën Reuters.

Kompania amerikane e teknologjisë njoftoi investimin në një takim të ministrit zviceran të Ekonomisë, Guy Parmelin, dhe nënkryetarit të saj, Brad Smith, në Bern.

Kjo kompani që punëson 1,000 persona në Zvicër, nuk dha detaje se sa vende pune do të krijojë investimi.

Paratë do të përdoren për të zgjeruar dhe përmirësuar katër qendrat e saj të të dhënave pranë Gjenevës dhe Cyrihut, duke iu përgjigjur kërkesës në rritje për shërbime të inteligjencës artificiale dhe informatikën në Zvicër.

Zgjerimi do t’u shërbejë klientëve ekzistues dhe të rinj dhe do të lejojë që të dhënat të mbeten brenda kufijve zviceranë – kërkesë e rëndësishme për sektorë si kujdesi shëndetësor, financat dhe qeveria.

Microsoft do të zgjerojë gjithashtu bashkëpunimin me kompanitë e vogla dhe të mesme dhe do të shtojë përpjekjet e trajnimit për të ndihmuar njerëzit të përdorin inteligjencën artificiale dhe mjetet digjitale.

Continue Reading

Teknologji

WhatsApp-i përditëson opsionet e Statusit

Published

19 hours ago

on

June 2, 2025

By

Aplikacioni i njohur për mesazhe, biseda zanore dhe video, së shpejti do t’u mundësojë përdoruesve të publikojnë kolazhe, muzikë dhe stikera të rinj në kuadër të Statusit në WhatsApp.

Funksioni i Statusit në WhatsApp funksionon si Stories në Facebook. Përdoruesit ndajnë tekst, fotografi ose video në statusin e tyre, i cili zhduket pas 24 orësh. Që nga marsi, përdoruesit kanë mundësinë të shtojnë pjesë të këngëve në status, të zgjedhin këngë nga biblioteka muzikore e aplikacionit WhatsApp.

Këto fragmente muzikore mund të jenë deri në 15 sekonda kur publikohen bashkë me fotografi, dhe deri në 60 sekonda kur publikohen me video.

Tani videot mund të konvertohen në stikera, dhe është e mundur të shtohet prekje muzikore në status. Përdoruesit mund të ndajnë këngën si status të veçantë. Funksioni i ri Layout u lejon përdoruesve të krijojnë kolazh me deri në gjashtë fotografi dhe ta ndajnë atë si status, me një format të personalizuar.

Stikeri i ri me emrin “Add Yours” do t’i ftojë ndjekësit të përfshihen në statusin e përdoruesit duke “përgjigjur” me fotografitë e tyre. Fotot tani mund të konvertohen në stikera, të cilëve mund t’u ndryshohet madhësia dhe forma para se të shtohen në status.

Sipas Metës, funksionet e reja të statusi fillojnë të shpërndahen tek përdoruesit së shpejti, do jenë të disponueshme në WhatsApp gjatë muajve të ardhshëm.

Continue Reading

Teknologji

Apple dhe Google i nënshtrohen ligjit të ri në Teksas, që hyn në fuqi më 1 janar

Published

23 hours ago

on

June 2, 2025

By

Guvernatori i Teksasit, Greg Abbott ka nënshkruar ligjin me të cilin kompanitë si Apple dhe Google, u kërkohet të verifikojnë moshën e përdoruesve të dyqaneve të tyre online të aplikacioneve.

Ligji do të duhej  të hynte në fuqi më 1 janar 2026, do kërkojë pajtimin e prindërve për marrjen apo blerjen e aplikacioneve për përdoruesit nën 18-vjeç, shkruan Reuters.

Utah është shteti i parë amerikan që ka marrë një vendim të ngjashëm më herët gjatë këtij viti, kurse anëtarët e Kongresit amerikan gjithashtu kanë zbuluar ligjin federal.

Një tjetër projektligj i Teksasit, i miratuar nga Dhoma e Përfaqësuesve e Teksasit dhe që pret një votim në Senat, do të kufizonte aplikacionet e mediave sociale për përdoruesit mbi moshën 18 vjeç.

Agjencia vëren se kufizimet e moshës dhe pëlqimi prindëror për aplikacionet e mediave sociale janë një nga fushat e pakta me konsensus të gjerë në SHBA.

Një sondazh dy vjet më parë zbuloi se 81 përqind e amerikanëve mbështesin kërkesën që prindërit t’u lejojnë fëmijëve të krijojnë llogari në mediat sociale me pëlqimin e prindërve, dhe 71 përqind janë në favor të verifikimit të moshës para përdorimit të mediave sociale. /Telegrafi/

Continue Reading

Automobilizëm elektrikë

Lajm i mirë për pronarët e automjeteve elektrike

Published

4 days ago

on

May 30, 2025

By

Për herë të parë, ka më shumë se një milion karikues publik për vetura në Evropë.

Ky informacion u raportua së fundmi nga organizata e pavarur ICCT (Këshilli Ndërkombëtar për Transport të Pastër) në raportin e saj mbi lëvizshmërinë për tremujorin e parë të 2025.

Raporti i ICCT thekson se rritja e numrit të karikuesve të shpejtë DC është rritur veçanërisht në tremujorin e parë të 2025.

Krahasuar me të njëjtën periudhë të vitit të kaluar, rritja është 54%.

Tani ka më shumë se një milion stacione karikimi publik, të përbërë nga rreth 810,000 karikues AC (kryesisht 22 kW) dhe rreth 190,000 karikues të shpejtë DC.

Duke parë dendësinë e pikave të karikimit, të dhënat më të fundit tregojnë renditjen e mëposhtme: Norvegjia vazhdon të kryesojë me pothuajse 46 pikë karikimi për 1000 automjete elektrike. Kjo pasohet nga Islanda (35 pikë karikimi), Danimarka (30) dhe Suedia (22).

Është interesante se Gjermania është në fund të listës, me një mesatare prej vetëm 1.6 stacione karikimi publik për 1000 automjete elektrike. Italia dhe Spanja janë dukshëm prapa, me vetëm një stacion karikimi për 1000 automjete elektrike.

Continue Reading

Të kërkuara