Në vitet e fundit, një valë e re e platformave sociale ka fituar popullaritet. Një prej këtyre tyre është BeReal, e cila ka tërhequr veçanërisht vëmendjen e brezit Gen Z, duke sjellë një qasje më autentike dhe më të sinqertë se Instagram-i. Por, pse po ndodh ky zëvendësim?

Çfarë e bën BeReal dhe platforma të ngjashme kaq tërheqëse për këtë brez?

Brezi i ri është rritur në një kohë kur rrjetet sociale janë të mbushura me imazhe perfekte e të kuruara. Instagrami, i cili fillimisht ishte një platformë për ndarjen e momenteve të përditshme, është kthyer në një hapësirë ku njerëzit shfaqin vetëm anët më të mira të jetës së tyre.

Për shumë të rinj, kjo paraqitje e përsosur duket artificiale dhe shkakton stres.

BeReal ofron një qasje tjetër: përdoruesit ndajnë një foto pa filtra në një moment të rastësishëm të ditës. Kjo i detyron ata të tregojnë realitetin ashtu siç është, pa mundësinë për të manipuluar pamjen. Në Instagram, popullariteti matet nga numri i ndjekësve dhe pëlqimeve, gjë që krijon “garë” të padukshme për të fituar vëmendje. BeReal heq këtë element presioni, pasi nuk ka algoritëm që promovon përmbajtjen bazuar në pëlqime apo numrin e ndjekësve.

Instagrami promovon më shumë ndarjen e postimeve me një audiencë të gjerë, BeReal fokusohet në ndarjen e momenteve me një grup të ngushtë miqsh

Në platforma si Instagram, algoritmet diktojnë atë që përdoruesit shohin, duke promovuar përmbajtje komerciale ose me pagesë. Shumë të rinj e shohin një manipulim të eksperiencës së tyre sociale e ndihen të lodhur nga mbingarkesa e reklamave. Platforma si BeReal dhe të ngjashme synojnë t’u ofrojnë përdoruesve përmbajtje të papërpunuar, pa ndërhyrje të shumta komerciale dhe pa ndikimin e algoritmeve, duke i bërë të ndihen në kontroll të përvojës online.

Këto arsye duket se po largojnë shumë abonues nga Insgrami por se sa ky trend do të vazhdojë do të shihet ndër vite. /UBT News/

Karikuesi i telefonit është pajisja që përdoret për të ngarkuar baterinë e telefonit, duke siguruar energjinë elektrike që i nevojitet për funksionim. Karikuesit mund të jenë të ndryshëm në varësi të llojit të telefonit dhe teknologjisë që përdor. Si proces mund të zgjasë deri në katër orë që të karikohet një telefon nga 0% deri në 100% e duke marrë parasysh fakin se sa shumë të varur jemi nga telefonat, këto katër orë mund të duken të pafundme.

Ekspertët e teknologjisë, kanë zbuluar një metodë që karikon telefonin tuaj më shpejt dhe mund të karikohet deri në 90% brenda një kohë të shkurtër.

Ekspertët sugjerojnë që në momentin që karikoni telefonin, vendoseni atë në “Airplane Mode” dhe në këtë mënyrë cdo aplikacion që harxhon batërinë do të ndalojë dhe si pasojë telefoni do të karikohet më shpejt.

Gjithashtu, një tjetër gjë që mund të bëni është se pasi të aktivizoni “Airplane Mode”, shkoni tek opsioni i baterisë dhe aktivizoni “Low Battery Mode” dhe si pasojë shpejtësia e karikimit do të rritet. /UBT News/

Versioni i fundit i një furgoni nga Volkswagen u zbulua në shtator në ekspozitën IAA Transportation në Gjermani, por tani kompania ka njoftuar detaje të mëtejshme të modelit të ri hibrid plug-in, duke përfshirë gamën dhe specifikimet – të paktën për tregun evropian.

Bëhet e ditur se Volkswagen ka vënë në shitje Multivan eHybrid 4Motion në Evropë, me një çmim prej 70,668 Euro. Pavarësisht nga ajo që mund të sugjerojnë përmasat, ai përdor platformën MQB evo të VW, që do të thotë se përfiton gjerësisht nga të njëjtat motorë fuqish si një sërë veturash VW.

Ashtu si Volkswagen Golf, Multivan po përdor sistemin e ri hibrid të gjeneratës së dytë ‘eHybrid’ të Volkswagen, së bashku me lëvizjen me të gjitha rrotat 4Motion. Është hera e parë që VW kombinon këtë sistem të ri hibrid plug-in me lëvizjen me katër rrota dhe kjo jo vetëm që lejon më shumë fuqi, por edhe më shumë diapazon. /UBT News/