Lajmet

Evropa shpenzoi më shumë në rrugë sesa në hekurudha në 25 vjetët e fundit

Rrjeti hekurudhor në Evropë ka rënë dramatikisht gjatë tri dekadave të fundit, thuhet në studimin e ri.

Publikuar

9 muaj më parë

më

Një raport i ri që u publikua së fundmi tregon se si shtetet evropiane po i ndërpresin hekurudhat dhe po ndërtojnë rrugë.

Rrjeti hekurudhor në Evropë ka rënë dramatikisht gjatë tri dekadave të fundit, thuhet në studimin e ri, ndërsa investimet në rrugë janë rritur. Por me ngushtimin e hendekut të financimit mes të dyjave, a mund të ketë dritë në fund të tunelit (që ekzistonte më parë)?

Gjatësia e autostradave në Evropë u rrit 60 për qind midis viteve 1995 dhe 2020 ose 30,000 km, sipas hulumtimit të kryer nga institutet gjermane Wuppertal Institute, T3 Transportation dhe Greenpeace.

Ndërkohë, hekurudhat u tkurrën me 6.5 për qind ose 15,650 km, dhe më shumë se 2 mijë e 500 stacione hekurudhore u mbyllën.

Shifrat tregojnë se si qeveritë po u japin përparësi makinave mbi hekurudhat, paralajmëroi aktivisti i lartë i BE-së për klimën,

Shifrat ekspozojnë se si qeveritë u japin përparësi makinave mbi hekurudhat, paralajmëroi aktivistja e lartë e BE-së për klimën në Greenpeace, Lorelei Limousin.

“Miliona njerëz jashtë qyteteve nuk kanë opsione tjera përveçse ta blejnë një veturë për të shkuar në punë, për t’i dërguar fëmijët në shkollë apo aktivitete tjera, e sidomos ata që jetojnë në vende ku ka shumë rrallë apo fare transport publik”, deklaroi ajo.

“Kjo është rezultat i qeverive që çmontojnë rrjetet hekurudhore lokale dhe regjionale përderisa shpenzojnë për ndërtimin e rrugëve”, shtoi ajo.

Gjatë viteve 1995 dhe 2018, shtetet evropiane shpenzuan 66% më shumë në rrugë sesa hekurudha. Gjatë viteve 2018-2021, shtetet evropiane shpenzuan 34% më shumë në zgjatjen e rrugëve sesa në zgjatjen e hekurudhave.

Trenët janë forma më ekologjike e transportit publik. Veturat, kamionët dhe furgonët janë përgjegjës për 72% të emetimeve në Evropë, ndërsa transporti hekurudhor vetëm 0.4%. Megjithatë qeveritë vazhdojnë të derdhin para në infrastructure rrugore.

27 vendet e Bashkimit Evropian, Norvegjia, Zvicra dhe Bashkimi Evropian shpenzuan mesatarisht 1.5 trilion euro në infrastrukturë rrugore dhe vetëm 930 miliardë euro gjatë periudhës 1995-2020.

Dhjetë vende raportuan një rritje neto të gjatësisë së rrjeteve të tyre hekurudhore që nga viti 1995. Këto janë Belgjika, Kroacia, Estonia, Finlanda, Irlanda, Italia, Holanda, Sllovenia, Spanja dhe Zvicra.

Pjesa më e madhe e mbylljeve të hekurudhave u bë në Gjermani (reduktuar me 6 mijë e 706 km), Poloni (me 4 mijë e 660 km) dhe Francë (me 4 mijë e 125 km). Pavarësisht kësaj, këto tri vende ende përfaqësojnë gjatësinë totale të rrjetit më të gjatë. Pas tyre renditen Britania e Madhe dhe Spanja.

Midis viteve 2018 dhe 2021, Austria, Belgjika, Danimarka, Franca, Italia, Luksemburgu dhe Britania e Madhe investuan më shumë në hekurudhë sesa në rrugë. Vendet e tjera shpenzuan më shumë në rrugë sesa në hekurudhë. Në Rumani, hendeku i financimit ishte veçanërisht i madh. Qevera shpenzoi 12 herë më shumë në rrugë sesa në hekurudhë.

Autostradat u zgjeruan më shumë në Irlandë, Rumani dhe Poloni, dhe më pak në Lituani, Letoni dhe Belgjikë. Në 15 nga 30 vendet e analizuara, gjatësia e autostradës u dyfishua, sikurse në Spanjë, Norvegji dhe Greqi./UBTNews/

Etiketa
Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

13 orë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

15 orë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

1 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Lajmet

Komandanti i Gardës Kombëtare të Iowa-s po qëndron në Kosovë me ftesë të komandantit të FSK-së

Publikuar

1 ditë më parë

më

14 Qershor, 2024

nga

Me ftesë të veçantë të komandantit të Forcës së Sigurisë së Kosovës, gjenerallejtënant Bashkim Jashari, në Kosovë po qëndron komandanti i Gardës Kombëtare të Iowa-s, gjeneral major Stephen Osborn.

Ai është i shoqëruar nga rreshter majori komandues i Gardës Kombëtare të Iowa-s, Matthew Strasser dhe delegacioni përcjellës, të cilët janë mysafirë të KOMFSK-së në kuadër të aktiviteteve të 25-vjetorit të çlirimit të Kosovës.

Gjatë vizitës, Jashari priti në takim Osbornin ku e falënderoi për vizitën e delegacionit të tij dhe për bashkëpunimin e shkëlqyeshëm bilateral në mes të Forcës së Sigurisë së Kosovës dhe Gardës Kombëtare të Iowa-s.

Tutje, gjeneralët u pajtuan për zbatimin e planit të përbashkët të bashkëpunimit 2025-2026 mes GK Iowa dhe FSK-së.

Vazhdo të lexosh

Të kërkuara