Teknologji

Europa jep alarmin për ChatGPT

ChatGPT regjistron mbi 1.6 miliard vizita që nga dhjetori.

Published

3 years ago

May 10, 2023

Betim Gashi

Të alarmuar nga rreziqet që mund të vijnë nga platformat gjeneruese të inteligjencës artificiale (AI) si ChatGPT, rregullatorët dhe agjencitë e zbatimit të ligjit në Evropë po kërkojnë mënyra për të ngadalësuar nxitimin e njerëzimit në të ardhmen digjitale.

ChatGPT, i cili u përgjigjet pyetjeve të përdoruesve në formën e eseve, poezive, tabelave dhe kodeve kompjuterike, regjistron mbi 1.6 miliard vizita që nga dhjetori.

Europol, Agjencia e Bashkimit Evropian për Bashkëpunimin në Zbatimin e Ligjit, paralajmëruan në fund të marsit se ChatGPT, vetëm një nga mijëra platformat e inteligjencës artificiale në përdorim aktualisht, mund të ndihmojë kriminelët me “phishing”, krijimin e viruseve kompjuterike dhe madje edhe akte terroriste.

“Nëse një kriminel i mundshëm nuk di asgjë për një zonë të caktuar krimi, ChatGPT mund ta përshpejtojë procesin e kërkimit në mënyrë të konsiderueshme duke ofruar informacione kyçe që më pas mund të eksplorohen më tej në hapat pasues”, thuhet në raportin e Europol.

“Si i tillë, ChatGPT mund të përdoret për të mësuar rreth një numri të madh të zonave të mundshme të krimit pa njohuri paraprake, duke filluar nga mënyra se si të hyni në një shtëpi te terrorizmi, krimi kibernetik dhe abuzimi seksual i fëmijëve”.

Muajin e kaluar, Italia vendosi një ndalim të përkohshëm të ChatGPT pas një defekti që ekspozoi skedarët e përdoruesve.

Bordi italian i të drejtave të privatësisë Garante paralajmëroi krijuesin e programit, OpenAI, se do të gjobitej miliona euro derisa të adresonte pyetjen se ku shkojnë informacionet e përdoruesve dhe të vendoste kufizime moshe në platformë.

Spanja, Franca dhe Gjermania po shqyrtojnë ankesat për shkelje të të dhënave personale, dhe këtë muaj Bordi Evropian për Mbrojtjen e të Dhënave të BE-së formoi një grup pune për të koordinuar rregulloret në të gjithë Bashkimin Evropian prej 27 vendeve.

“Është një thirrje zgjimi në Evropë”, tha për Yahoo News ligjvënësi i BE-së, Dragos Tudorache, bashkësponsorizues i Aktit të Inteligjencës Artificiale, i cili po finalizohet në Parlamentin Evropian dhe do të krijojë një autoritet qendror të inteligjencës artificiale.

“Duhet të dallojmë shumë qartë se çfarë po ndodh dhe si t’i përcaktojmë rregullat”.

Teknologji

Chrome bëhet më inteligjent, Google prezanton “AI Mode”

Published

24 hours ago

December 12, 2025

UBT News

Google po teston AI Mode, një funksion të ri të inteligjencës artificiale që integrohet drejtpërdrejt në shfletuesin Chrome, në vend që përdoruesit të dërgohen në një faqe të veçantë kërkimi.

Aktualisht është i disponueshëm vetëm në Chrome Canary, ku hapet përmes adresës chrome://contextual-tasks.

Funksioni ofron një ndërfaqe të dedikuar “Meet AI Mode” dhe një fushë “Ask anything”, duke lejuar përdoruesit të marrin përgjigje për pyetje të ndryshme — madje edhe në lidhje me faqet që kanë të hapura, pa kopjuar ose ngjitur URL-në.

Veçoria është ende në fazë eksperimentale dhe pritet të ndryshojë para se të lëshohet për përdoruesin e gjerë, por synon të sjellë një përvojë më të integruar e më të fuqishme të përdorimit të AI gjatë shfletimit. /A.Z/UBT News/

Teknologji

Google prezanton veçorinë “Android Emergency Live Video”

Published

2 days ago

December 11, 2025

UBT News

Google ka lansuar një veçori të re për telefonat Android të quajtur Android Emergency Live Video, që lejon ndarjen e videos live me shërbimet e emergjencës.

Funksionon me një prekje të vetme, duke e bërë më të shpejtë ndihmën në raste emergjente.

Gjatë një telefonate ose mesazhi emergjent, dispeçeri mund të kërkojë video live nga telefoni juaj, dhe ju mund të filloni transmetimin e sigurt menjëherë.

Kjo u lejon ndihmësve të vlerësojnë situatën në kohë reale dhe, nëse është e nevojshme, t’ju udhëzojnë në procedura shpëtimi, si CPR, derisa të mbërrijë ndihma.

Veçoria nuk kërkon konfigurim paraprak, është e enkriptuar automatikisht, dhe përdoruesi vendos kur dhe çfarë të ndajë. Aktualisht është e disponueshme në SHBA, si dhe në rajone të caktuara të Gjermanisë dhe Meksikës për telefonat Android me Android 8 ose më të ri dhe Shërbimet Google Play.

Google njofton se po punon me organizata të sigurisë publike në mbarë botën për ta zgjeruar këtë shërbim edhe në më shumë vende. /A.Z/UBT News/

Teknologji

Apple zbulon planet për iPhone 18, teknologji dhe performancë e përmirësuar

Published

2 days ago

December 11, 2025

UBT News

Edhe pse iPhone 18 është larg lansimit të tij, thashethemet dhe rrjedhjet e informacionit po qarkullojnë në internet.

Seria e ardhshme pritet të prezantohet në shtator 2026, megjithatë disa raportime sugjerojnë se modeli standard shtyhet deri në pranverë 2027, me një version të përfolur iPhone 18e. Nuk është e qartë nëse Apple do t’i lansojë të gjitha variantet njëkohësisht, iPhone 18 Pro dhe Pro Max—ose nëse linja do të ndahet në periudha të ndryshme.

Sipas thashethemeve, kompania po teston teknologjinë 3D nën ekran, gjë që mund t’i japë një pamje më elegante telefonit.

iPhone 18 pritet të vijë me çipin e ri A20, i cili premton shpejtësi dhe efikasitet më të lartë, A20 mund të jetë deri 15% më i shpejtë se A19, duke përdorur rreth 30% më pak energji.

Një veçori e mundshme që mund të mungojë është Butoni i Kontrollit të Kamerës, i cili debutoi me iPhone 16.

Apple shqyrton heqjen e tij, duke përmendur angazhimin e ulët të përdoruesve dhe kostot e prodhimit, pritet që modeli bazë i iPhone 18 të ketë RAM të përmirësuar, duke shkuar deri 12 GB, për të përballuar veçoritë e inteligjencës artificiale.

Modeli bazë i iPhone 17 ka 8 GB RAM, që konsiderohet mjaftueshëm, por Apple po synon të rrisë performancën për kërkesat e së ardhmes.

Megjithëse ndryshimet nuk pritet të jenë revolucionare—pasi iPhone 17 ka përmirësime të dukshme në kamerë dhe ekran, iPhone 18 pritet të sjellë disa veçori të vlefshme që ia vlen të prisni. /A.Z/UBT News/

Teknologji

Kontroll më i rreptë në Snapchat, procesi i ri që duhet ta kalojnë përdoruesit në Australi

Published

2 days ago

December 11, 2025

UBT News

Snapchat, një nga platformat më të përdorura nga adoleshentët në Australi, ka nisur të përdorë softuerin e kompanisë me bazë në Singapor, k-ID, për të parandaluar përdorimin e aplikacionit nga fëmijët nën moshë.

Kjo kompani ofron teknologji për verifikimin e moshës për shërbime të ndryshme digjitale, përfshirë lojërat online dhe rrjetet sociale.

Në Snapchat, përdoruesve u shfaqet një kërkesë për të verifikuar moshën e tyre përmes disa metodave, ndër to edhe dërgimi i një selfie-je që analizohet nga softueri për të përcaktuar moshën.

Disa përdorues pretendojnë se kanë gjetur mënyra për ta anashkaluar këtë sistem, p.sh duke përdorur fotografi të personave më të rritur.

Drejtori i çështjeve korporative të k-ID, Luc Delaney, tha për BBC-në se verifikimi i moshës mbetet një “luftë e vazhdueshme” për kompanitë që merren me këto shërbime.

Ai thekson se softueri do të zhvillohet më tej me kalimin e kohës, sidomos pasi të zbulohen metoda të reja që përdoruesit përdorin për të mashtruar sistemin.

“Ne nuk i inkurajojmë njerëzit të përpiqen të tejkalojnë këto mekanizma, se përfundojnë të përjashtuar nga platforma”, shtoi Delaney. /A.Z/UBT News/