Sport

EURO2024 – Austria del e para në grup pas fitores kundër Holandës

Published

2 years ago

June 26, 2024

Betim Gashi

Austria u kualifikua në fazën e 1/16-tave të Euro 2024 falë fitores 3-2 ndaj Holandës në Berlin, në ndeshjen e tretë dhe të fundit të Grupit D. Me dy fitore dhe gjashtë pikë, Austria, e drejtuar nga Ralf Rangnick, përfundoi në vendin e parë në grup, përpara Francës (5 pikë) dhe Holandës (4 pikë).

Holanda u kualifikua si një nga katër skuadrat më të mira të vendit të tretë. Pavarësisht se kanë fituar titullin e tyre të vetëm madhor në Gjermani në vitin 1988, holandezët duken larg formës së tyre të mëparshme.

Goli i fitores për Austrinë u shënua nga Marcel Sabitzer në minutën e 80-të. Cody Gakpo dhe Memphis Depay anuluan dy herë epërsinë austriake pas autogolit të Donyell Malen dhe golit të Romano Schmid.

Ndërkohë, Franca, tashmë e kualifikuar për 1/16-tat, barazoi me Poloninë 1-1. Franca shënoi golin e parë me një penallti nga Kylian Mbappe, ndërsa polakët barazuan me një penallti të shënuar nga Robert Lewandowski. Francia përfundoi në vendin e dytë në Grupin D, pas Austrisë./UBTNews/

Related Topics:Austria EURO 2024 HOLLANDA

Up Next

Euro 2024: Italia, “kafshatë e lehtë” për trajnerin e Xhakës e Shaqirit

Don't Miss

Pse Danimarka u kualifikua nga vendi i dytë para Sllovenisë?

Sport

City ndalet në garën për titull pas barazimit me Evertonin

Published

9 minutes ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

28 minutes ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.

Sport

“Shqiponjat e Kastriotit” dominojnë në Spanjë

Published

17 hours ago

May 4, 2026

UBTNews

Pilotët e rinj nga Shqiponjat e Kastriotit kanë shkëlqyer në garën ndërkombëtare të paraglidizmit në disiplinën Accuracy Landing, e mbajtur në Alicante, duke dominuar konkurrencën me rezultate të jashtëzakonshme.

Në këtë garë morën pjesë 115 pilotë, ndërsa vetëm 61 prej tyre arritën të kualifikohen për fazën konkurruese. Ekipi nga Kosova u dallua me performancë të lartë, duke fituar shumicën e medaljeve kryesore.

Talenti 14-vjeçar Arbër Shala zuri vendin e parë, duke hyrë në histori të këtij sporti, ndërsa Migjen Shala u rendit i treti dhe Lisjeta Thaqi përfundoi në vendin e pestë. Në konkurrencën e femrave, Lisjeta Thaqi fitoi vendin e parë, ndërsa Anisa Shala u rendit e katërta.

Dominimi vazhdoi edhe në kategorinë e juniorëve, ku Arbër Shala fitoi sërish vendin e parë, ndërsa vendi i dytë i takoi Anisa Shalës.

Sukseset individuale u kurorëzuan edhe me triumfin ekipor, ku Kosova zuri vendin e parë, duke dëshmuar nivelin e lartë të përgatitjes dhe punës së vazhdueshme të klubit nën drejtimin e trajnerit Fanol Shala.