Florian Wirtz, një nga talentet më të spikatura të futbollit botëror, ka kapur vëmendjen e klubeve më të mëdha evropiane, përfshirë Bayern Munich dhe Manchester City. Dëshmitë për aftësitë e tij janë të pamohueshme, pasi ai ka shënuar 15 gola dhe ka dhënë 16 asistime këtë sezon, duke konfirmuar edhe një herë se është një prej lojtarëve më premtues në futbollin gjerman dhe evropian.

Pavarësisht se kontrata e Wirtz-it me Bayer Leverkusen skadon në vitin 2027, klubi gjerman po bën përpjekje për ta rinovuar atë, me një marrëveshje që do të përfshijë një rritje rroge dhe një klauzolë largimi të vlefshme që do të hyjë në fuqi nga vera e ardhshme. Kjo do t’i mundësojë Leverkusen-it të mbajë më shumë kontroll mbi të ardhmen e lojtarit, por gjithashtu mund të jetë një mundësi për ta shitur nëse interesimi për të bëhet tepër i fuqishëm.

Megjithatë, Wirtz është ende duke reflektuar dhe duke u tërhequr nga interesimi i klubeve të mëdha si Bayern dhe City. Leverkusen është i vetëdijshëm se mund ta humbasë talentin e tij të jashtëzakonshëm, por çmimi i vendosur për kartonin e tij është shumë i lartë, duke arritur shifrën marramendëse prej 120 milionë euro.

Me këtë kërkesë të lartë dhe mundësinë e rinovimit të kontratës, e ardhmja e Florian Wirtz është ende në ajër, dhe klubet e mëdha evropiane janë duke e ndjekur nga afër çdo zhvillim të ri./UBTNews/

Kombëtarja U21 e Kosovës ka shënuar fitore në ndeshjen e dytë miqësore në kuadër të grumbullimit në Antalya të Turqisë.

Pas humbjes (1:2) kundër Turqisë, djelmoshat e drejtuar nga Afrim Tovërlani kanë triumfuar ndaj Moldavisë, në ndeshjen e zhvilluar në Belek, me rezultat 2:1.

“Dardanët” U21 e dominuan lojën plotësisht nga fillimi dhe arritën të kalojnë në epërsi qysh në minutën e 7-të, me golin e Medin Gashit.

Edhe pse Kosova vazhdoi të kontrollojë lojën dhe pati disa raste të tjera për të shënuar, goli i dytë nuk erdhi.

Ndërkohë, moldavët arritën t’i barazojnë shifrat posa nisi pjesa e dytë.

Megjithatë, ky gol nuk i zmbrapsi djemtë dardanë, të cilët  arritën që të rikthehen shpejtë dhe të shënojnë golin e fitores përmes zëvendësuesit Kevin Krasniqi, në minutën e 65-të.

Përzgjedhësi Afrim Tovërlani e vlerësoi paraqitjen e ekipit si shumë të mirë, derisa i përgëzoi djemtë për angazhimin dhe fitoren e realizuar.

“Një paraqitje mjaft e mirë dhe një angazhim maksimal, edhe pse në këtë grumbullim kemi pasur shumë ndryshime. Krejt mesfusha është e ndryshme prej grumbullimit të muajit nëntor. Besoj se edhe me Turqinë kemi pasur paraqitje shumë të mirë, mirëpo ata janë shumë më të fortë se sa Moldavia. I përgëzoj djemtë për këtë angazhim dhe për këtë fitore, e cila sigurisht se do të na shërbejë që të kemi vazhdimësi më të mirë, por edhe djemtë do të fitojnë vetëbesim”, ka theksuar Tovërlani pas ndeshjes për faqen zyrare të FFK-së.