Sport

Estevao mund të largohet nga Chelsea në janar

Published

on

Anësori brazilian Estevao Willian po përballet me një situatë të vështirë te Chelsea dhe, nëse minutat e tij në fushë nuk rriten, 19-vjeçari mund të marrë në konsideratë një largim në afatin kalimtar të janarit.

Braziliani ndihet mirë në Londër, por deri tani ka luajtur vetëm 87 minuta zyrtare këtë sezon. Kjo ka ngjallur shqetësime te lojtari, i cili druhet se mund të humbasë hapësirën në një skuadër me shumë alternativa në repartin ofensiv.

Situata është krejt ndryshe nga sezoni i kaluar, kur Estevao la përshtypje të mira në vitin e tij të parë në Angli. Ai e mbylli sezonin 2025/26 me 8 gola dhe 4 asistime në 36 paraqitje në të gjitha garat.

Në fillim të këtij sezoni, Estevao u aktivizua vetëm për tetë minuta në ndeshjen hapëse të Premier League ndaj Fulhamit. Më pas, ai luajti 79 minuta në fitoren 2-0 ndaj Luton Town në Carabao Cup. Në ndeshjen e radhës ndaj Brightonit, Xabi Alonso e la në bankën rezervë dhe nuk e aktivizoi fare.

Konkurrenca për një vend në formacion është e fortë. Estevao preferon të luajë në role më qendrore, ku përballet me konkurrencën e Cole Palmer dhe Morgan Rogers, ndërsa në krahun e djathtë konkurron me Pedro Neto.

Sipas ESPN Brazil, lojtari është i shqetësuar për minutazhin, por nuk ka bërë kërkesë zyrtare për largim. Prioriteti i tij mbetet të ketë sukses te Chelsea, megjithatë situata mund të ndryshojë në janar nëse minutat vazhdojnë të jenë të kufizuara.

Chelsea, ndërkohë, ka kontroll të plotë mbi të ardhmen e tij. Estevao u transferua nga Palmeiras në korrik 2025 për rreth 45 milionë euro dhe ka kontratë me klubin londinez deri në vitin 2033.

Vlera e tij në treg vlerësohet aktualisht rreth 80 milionë euro, ndërsa Chelsea nuk pritet ta lejojë largimin e tij pa një ofertë të konsiderueshme.

D.L

Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

on

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

on

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

on

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

on

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara