Bota

Eshtrat e hipopotamëve provojnë se shkretëtira arabe dikur ishte e gjelbëruar

Publikuar

3 vjet më parë

më

Shkencëtarët kanë zbuluar mbetjet fosile të një hipopotami në Gadishullin Arabik, duke vërtetuar se toka e thatë dikur ishte me gjelbërim dhe plot biodiversitet.

Mostrat e gjetura tregojnë mbetje nga një numër kafshësh trup mëdha që do të kishin nevojë për ujë dhe kullota në mënyrë që të mbijetonin.

Mbetjet u gjetën krahas veglave prej guri që u përdorën për herë të parë nga njerëzit deri në 400.000 vjet më parë në shkretëtirën Nefud, në veri të gadishullit.

Ku qëndron rëndësia e Gadishullit Arabik?

Gadishulli Arabik është më i madhi në botë, dhe shtrihet në mbi 3 milion kilometër. Ai përfshin Jemenin, Katarin, Arabinë Saudite, Emiratet e Bashkuara Arabe, Omanin, Kuvajtin dhe pjesë të Irakut dhe Jordanisë.

Deri sot nuk është eksploruar sa duhet në lidhje me rolin historik që Gadishulli Arabik luajti në migrimin e njerëzve dhe kafshëve më të hershme në botë.

Shkencëtarët e kanë konsideruar si “vend bosh” e rrjedhimisht jo të favorshëm për të kuptuar ekzistencën e jetës së hershme, por prej një periudhe 10-vjeçare në këtë zonë janë bërë gjetje të jashtëzakonshme.

Imazhet satelitore të ngjyrave në shkretëtirë nxitën besimin e ekipit të shkencëtarëve se kishte mbetje të rëndësishme arkeologjike.

Si përfundoi hipopotami në Gadishullin Arabik?

Tashmë është vërtetuar se rajonet e shkretëtirës arabe që dikur ishin të pasura me bimësi tërhiqnin kafshë të mëdha, si hipopotami.

Gjitari i tretë më i madh tokësor në botë ka të ngjarë të ketë shkuar në gjysmën e poshtme të kontinentit Afrikan përmes Sudanit dhe Egjiptit para se të arrinte te lumenjtë e rrjedhshëm dhe kullotat.

Kjo gjithashtu e bëri sipërfaqen e tokës tërheqëse për njerëzit e hershëm si një vendbanim historik.

Gjatë kësaj kohe kur klima ishte mikpritëse, njerëzit dhe kafshët e hershme u zhvendosën nga Afrika verilindore në Gadishullin Arabik, thonë studiuesit.

Kjo mund të shpjegojë zbulimet e tjera të hipopotamëve në Azinë e lashtë. Në vitin 2003, studiuesit në Universitetin Punjab, Indi, gjetën një dhëmb hipopotami përgjatë lumenjve të Madhya Pradesh në Indi.

Zbulimi i ri i hipopotamëve në Gadishullin Arabik hap rrugën për një mori kërkimesh të tjera rreth rrugëtimit të kafshëve nga Azia dhe arsyeve të largimit të tyre nga habitatet ku jetonin./euronews.al

Etiketa
Vazhdo të lexosh

Aktualitet

Forcat izraelite zaptojnë anën e Gazës, pikën kryesore kufitare ‘Rafah’

Publikuar

1 ditë më parë

më

7 Maj, 2024

nga

Ushtria izraelite ka zaptuar pjesën palestineze të kalimit Rafah, në një zhvillim të ri që po rrit tensionet në zonën e konfliktit të Gazës. Ky zaptim vjen në kontekstin e përpjekjeve për të kufizuar lëvizjen e qytetarëve palestinezë në kufirin mes Izraelit dhe Gazës.

Autoritetet palestineze kanë bërë të ditur se ushtria izraelite ka ndërtuar barrikada dhe kufiri është mbyllur për trafikun e udhëtarëve. Kjo veprimtari ka shkaktuar reagime të ashpra, duke shkaktuar shqetësime për qytetarët e zonës, të cilët janë të varur prej kalimit Rafah për të hyrë dhe dalë nga Gaza.

Nënkryetari i komisionit për informim në Rafah, Ahmed Abu Nqira, deklaroi se kufiri është mbyllur për të gjithë përveç për ata që janë në nevojë urgjente shëndetësore. Ai gjithashtu shtoi se për të tjerët, ka ndalime të mëdha për hyrjen dhe daljen nga Gaza.

Ky zaptim i pjesës palestineze të kalimit Rafah vjen në kohën kur bisedimet për një marrëveshje armëpushimi në mes të Izraelit dhe Hamasit vazhdojnë në Kajro, me përpjekje për të zbutur tensionet dhe për të rikthyer një ndërprerje të qetësisë në zonën e Gazës./UBTNews/

Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

1 javë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Ministri i Jashtëm i Polonisë bën udhëtimin e parë jashtë vendit në Kiev

Publikuar

5 muaj më parë

më

22 Dhjetor, 2023

nga

Ministri i Jashtëm i Polonisë ka mbërritur në Kiev në vizitën e tij të parë zyrtare jashtë vendit, tha një ambasador ukrainas.

Radoslaw Sikorski postoi një selfie për X e cila dukej se e shfaqte atë në kryeqytetin ukrainas, me mbishkrimin: “Vizita e parë jashtë vendit; Tashmë këtu”.

Vasyl Zvarych, ambasadori i Ukrainës në Poloni, shkroi në përgjigje “Mirë se erdhe në Kiev! Faleminderit për mbështetjen e Ukrainës. Së bashku jemi më të fortë”./UBTNews/
​

Vazhdo të lexosh

Aktualitet

ShBA: Dy burra akuzohen për vrasjen e 3600 zogjve

Publikuar

5 muaj më parë

më

14 Dhjetor, 2023

nga

Dy burra amerikanë janë akuzuar për vrasjen e paligjshme të rreth 3600 zogjve, duke përfshirë shqiponja.

Simon Paul dhe Travis John Branson dyshohet se qëlluan zogjtë gjatë disa viteve dhe shitën pjesë dhe pupla në tregun e zi. Ata u akuzuan për konspiracion, shkelje të ligjit për mbrojtjen e shqiponjave dhe trafikim të paligjshëm.

Dy burrat u urdhëruan të paraqiteshin në gjykatë në janar. Në një rast, burrat përdoren një kufomë dreri për të tërhequr zogjtë përpara se t’i qëllonin.

Prokurorët nuk pranuan të japin detaje të mëtejshme kur u kontaktuan të mërkurën.

Akuzat për konspiracion dhe trafikim parashikojnë dënime maksimale prej pesë vjetësh burgim dhe shkeljet e ligjit për mbrojtjen e shqiponjës dënohen me një vit burg, plus gjoba.

Vazhdo të lexosh

Të kërkuara