Kulturë
“Është e vështirë të krijosh botë për librin”
Një nga shkrimtarët me në zë të momentit, Albatros Rexhaj i ftuar në emisionin “N’STOP” në Radio Campus tregoi për dëgjuesit vështirësitë e të qenit shkrimtar, veprat e tij më të mira dhe kuptimet që fshihen pas tyre.
Sipas Rexhajt, sot nuk është e vështirë të botosh një libër, por t’i gjesh librit vendin tek publiku e qëllim ky sipas të cilit ai e ka arritur, duke pasur parasysh edhe suksesin e tij përgjatë viteve të fundit.
“Sot nuk është vështirë të botosh një libër, sot kanë ndryshuar kohërat nuk është si përpara kur ka qenë vërtet vështirë sepse shoqëria totalitare nën komunizëm ka pas shumë mekanizma që e kanë frenuar veprimin kreativ. Sot është lehtë të botosh një libër, është lehtë edhe ta shkruash ku di unë, por është vështirë që të krijosh botë për librin tënd dhe që libri të gjej rrugën deri te lexuesi edhe këtu ndikojnë shumë faktorë. Pavarësisht që jeta moderne e ka bërë më të lehtë me e nxjerr librin në formë fizike, në të njejtën kohë nuk është më lehtë, madje mund të them është shumë më vështirë që libri të gjej hapësirën e vetë dhe ta krijojë botën e vetë”, tregon ai.
I pyetur për veprat që i ka më përzemër dhe që i do më shumë, ai tregoi nder të tjera edhe kuptimet që fshihen pas veprave të tij.
Ndër veprat më të njohura të tij mbeten “Zonja Z”, “Kthimi” dhe “Edith”, e që sipas tij, secili nga këto libra ka kuptim të veçantë e të ndryshëm nga njëri-tjetri.
“Unë kështu i ndaj do të thotë “Zonja Z” është libri im më provokues, ku unë kam dashur të jem me qëllim provokues, libri “Kthimi” është libri më personal, do më thënë aty jam përpjekur që Albatrosi të duket sa më shumë që është e mundur te libri “Kthimi”, edhe për këtë arsye unë e dua atë libër në mënyrë të veçantë. Ndërsa libri “Edith” është libri më pasionant i imi, ku unë e kam shkrirë të gjithë pasionin që e kam si njeri, pasionin shpirtëror që e kam e kam shkrirë te ai libër”, tregon ai duke treguar ndër të tjera edhe se në këto vepra të tij vërehet fryma e njejtë, mirëpo në mënyra dhe këndvështrime të ndryshme.
Së fundmi, Rexhaj ka filluar studimet në drejtimin “Juridik” në UBT dhe sipas tij, kjo zgjedhje erdhi për arsye që e kishte pasion shumëvjeçar këtë fushë. Tutje ai shton se një ngjarje e tillë me rëndësi në jetën e tij po del te jetë një eksperiment social shumë interesant për të dhe prej të cilit pret të përfitojë shumë.
Krijimtaria e Albatros Rexhajt përbëhet nga këto vepra “Ditar dashurie i një shkrimtari”, “Kthimi”, “Lettera a un amico italiano dal Kosovo”, “Zonja Z”, “Në kërkim të daljes”, “Rebelimi i Lúlus”, “Edith”, dhe “Bombë në Beograd”.
Lajmet
Nga arkivat e QKK-së te kujtimet e luftës: Një vizitë studimore e studentëve të Artit dhe Medias Digjitale në UBT
Në kuadër të programit akademik të Fakultetit të Artit dhe Medias Digjitale (AMD) në UBT, studentët e klasave Dizajn Multimedia 1 dhe Efekte Vizuale dhe Film 1, nën udhëheqjen e ligjëruesve Dardan Luta dhe Laura Ymeri, zhvilluan një vizitë studimore me dy ndalesa kryesore që pasqyrojnë rëndësinë e njohjes së praktikës profesionale dhe historisë kulturore të Kosovës.
Vizita e parë u zhvillua në Qendrën Kinematografike të Kosovës (QKK), ku studentët u takuan me drejtoreshën Blerta Zeqiri. Gjatë këtij takimi u diskutua mbi misionin dhe vizionin e QKK-së, mundësitë për aplikim të studentëve për financimin e filmave studentor në vitin 2026, si dhe rëndësia e mbështetjes së talenteve të reja në fushën e kinematografisë. Përveç kësaj, përgjegjësi arkivor Ilir Gjoci prezantoi studentët me arkivin e QKK-së dhe mënyrën e ruajtjes dhe mirëmbajtjes së materialeve filmike ekzistuese.
Vizita e dytë u realizua në Muzeun e Fëmijëve të Vrarë dhe Zhdukur gjatë Luftës, ku studentët patën mundësinë të njihen me ekspozitën “Na ishte njëherë që kurrë mos qoftë”. Ata zhvilluan një bisedë të frytshme me udhëheqësen dhe kuratoren e ekspozitës, Blerta Hocia, duke theksuar rëndësinë e ruajtjes së kujtesës historike dhe të drejtave humanitare.
Këto vizita studimore kanë një vlerë të veçantë për studentët e AMD-së, pasi ofrojnë një eksperiencë praktike që lidh dijen teorike me realitetin profesional dhe kulturor. Njohja me institucionet kulturore dhe historike ndihmon studentët të zhvillojnë aftësi kritike, të kuptojnë më mirë sfidat e industrisë së medias dhe kinematografisë, dhe të frymëzohen për projekte kreative dhe kërkimore.
UBT vazhdon të nxisë iniciativa të tilla, duke u siguruar studentëve infrastrukturën, mbështetjen dhe mundësitë për të zhvilluar aftësitë e tyre profesionale dhe për të kontribuar në zhvillimin e artit, medias dhe kulturës digjitale në Kosovë.
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
Pse Google dëshiron t’ju pengojë të përdorni ChatGPT?
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën