Sport

Ermal Krasniqi kërkon falje pas eliminimit të Ballkanit nga Liga e Kampionëve

Aventurën evropiane Ballkani do ta vazhdojë në Ligën e Konferencës.

Published

4 years ago

July 13, 2022

UBT.News

Kampioni në fuqi i Superligës së Kosovës në futboll, Ballkani, është eliminuar në raundin e parë kualifikues të Ligës së Kampionëve me rezultat të përgjithshëm 2-1 nga Zalgirisi.

Skuadra nga Suhareka barazoi 1-1 në ndeshjen e parë në “Fadil Vokrri” dhe në sfidën kthyese u mposhtën me rezultat 1-0 pas vazhdimeve.

Në ndeshjen e parë të zhvilluar javën e kaluar në Prishtinë, skuadra e trajnerit Ilir Daja pati shumë raste për të shënuar më tepër gola, por ato nuk u konkretizuan dhe njëri nga lojtarët që humbi më shumë mundësi, ishte sulmuesi i krahut, Ermal Krasniqi.

Pikërisht për këto lëshime, Krasniqi ka reaguar përmes një postimi në “Facebook”, në të cilin ka thënë se është shumë i zhgënjyer dhe i vetëdijshëm për rastet e humbura, por ka shtuar se do të vazhdojë të jap maksimumin ne ndeshjet e ardhshme.

Ja postimi i plotë i Krasniqi:

Të dashur qytetarë të Suharekës, tifozë të Fc Ballkanit dhe ju futbolldashës të Kosovës.

Zhgënjimi nga mossuksesi nga rrethi i parë eliminues i Champions League kundër ekipit Zalgiris është shumë i madh si nga ekipa në tërësi ashtu edhe ne aspektin personal.

Unë në veçanti duke i ditur pritshmëritë tuaja që keni pasur ndaj ekipit e ndaj meje duke u bazuar në një sezon qe posa mbaruam me suksese duke u shpallur kampion për herë të parë në histori të klubit, ndjej përgjegjësi të konsiderueshme për këtë eliminim duke i marr për bazë rastet që më janë shfaqur gjate ndeshjes e që për fat të keq nuk arrita t’i konkretizoja pavarësisht qe askush nuk do të donte më shumë se unë.

Udhëtimi ynë vazhdon në Evropë dhe ju premtoj që sukseset për ne nuk mbarojnë këtu, do të vazhdojmë më të uritur e më të motivuar që të përfundojmë këtë kampanjë evropiane me sukses historik në fund. Ju dua e përsëri ju kërkoj falje përzemërsisht.

Aventurën evropiane Ballkani do ta vazhdojë në Ligën e Konferencës.

Sport

Prishtina në ritmin e 3×3

Published

9 hours ago

August 30, 2026

UBTNews

Kryeqyteti i Kosovës ka qenë dje në qendër të vëmendjes me një aktivitet të veçantë të basketbollit 3×3, ku u zhvilluan ndeshje 1 kundër 1, të organizuara nga Fis Juniku dhe 3×3 Prishtina.

Përveç përballjeve sportive, aktiviteti solli edhe atmosferë festive, me aktivitete të ndryshme dhe performanca nga këngëtarë, duke e kthyer ngjarjen në një spektakël për të gjithë të pranishmit.

Interesimi i madh u përqendrua te gara 1 kundër 1, ku basketbollistët patën mundësinë të tregojnë aftësitë e tyre individuale. Për fituesin ishte rezervuar edhe një shpërblim prej 1,500 eurosh.

Por aktiviteti i djeshëm është vetëm një tjetër dëshmi e zhvillimit të basketbollit 3×3 në Kosovë. 3×3 Prishtina ka përfaqësuar Kosovën edhe në arenën ndërkombëtare, duke marrë pjesë në FIBA 3×3 World Tour Challenger, një prej platformave të rëndësishme të basketbollit 3×3 në botë.

Organizimi i ngjarjeve të tilla në Prishtinë është një lajm i mirë për sportin kosovar. Fakti që gara të nivelit të lartë po zhvillohen në kryeqytet dhe ekipet nga Kosova më pas po përfaqësojnë vendin në garat ndërkombëtare, tregon potencialin që ka basketbolli 3×3 në Kosovë.

Me organizime të tilla, Prishtina po synon të krijojë një traditë të re sportive dhe ta afrojë edhe më shumë basketbollin 3×3 me publikun kosovar dhe skenën ndërkombëtare.

D.L

Lajmet

Laura Fazliu fiton medaljen e argjendtë, Kosovën e çon në medaljen e pestë

Published

1 day ago

August 29, 2026

UBTNews

Xhudistja kosovare Laura Fazliu ka fituar medaljen e argjendtë në kategorinë deri në 63 kilogramë, duke i siguruar Kosovës medaljen e pestë në këtë garë.

Fazliu arriti deri në finale, ku u përball me italianen Carlotta Avanzato, por u mposht në duelin për medaljen e artë dhe u desh të kënaqej me të argjendtën.

Kjo është medalja e katërt e Kosovës në xhudo dhe e pesta në total për vendin tonë.

Sport

Fatjona Kasapi i sjell Kosovës medaljen e dytë në “Taranto 2026”

Published

2 days ago

August 28, 2026

UBTNews

Fatjona Kasapi ka fituar medaljen e bronztë në Lojërat Mesdhetare “Taranto 2026”.

Xhudistja kosovare ka siguruar podiumin në kategorinë deri në 52 kilogramë, duke i sjellë Kosovës medaljen e parë në xhudo në këtë edicion.

Kjo është medalja e dytë për Kosovën në “Taranto 2026”, pas medaljes së artë të fituar nga boksierja Donjeta Sadiku.

Kosova tani pret edhe paraqitjet e tjera në xhudo, ku disa garues kosovarë janë në luftë për medalje.

D.L

Sport

Kosova pëson tjetër humbje të thellë në Lojërat Mesdhetare

Published

2 days ago

August 28, 2026

UBTNews

Hendbollistet e Kosovës kanë pësuar edhe një humbje të thellë në Lojërat Mesdhetare “Taranto 2026”.

Të premten, në Fasano, Kosova u mposht bindshëm nga Tunizia me rezultatin 38:10.

Hendbollistet kosovare patën vështirësi të mëdha në sulm, duke realizuar vetëm tre gola gjatë 30 minutave të pjesës së parë.

As në pjesën e dytë situata nuk ndryshoi shumë, pasi Kosova, e drejtuar nga përzgjedhësi kroat Nenad Shoshtariq, nuk arriti të rivalizojë me Tunizinë.

Për Kosovën kjo ishte humbja e katërt rresht në Lojërat Mesdhetare.

Angjelina Krasniqi ishte golashënuesja më e mirë e Kosovës me katër gola. Nga dy gola shënuan Elsa Kongjeli dhe Samanda Konjuhaj, ndërsa nga një gol realizuan Vanesa Kastrati dhe Aurea Konjuvca.

Kosova në “Taranto 2026” po paraqitet me një ekip të përbërë kryesisht nga hendbolliste të reja.

Në ndeshjen e parë të Grupit A, Kosova pësoi humbje 35:20 nga Algjeria. Në duelin e dytë u mposht 40:20 nga Greqia, ndërsa në ndeshjen e tretë humbi 38:21 nga Italia.

Ndeshjen e fundit në fazën e grupeve, Kosova do ta zhvillojë të dielën nga ora 17:30, kur përballet me Maqedoninë e Veriut.

D.L