Përfaqësuesja e Kosovës në basketboll ka dështuar ta kalojë raundin e parë të parakualifikimeve evropiane për Kampionatin Botëror të vitit 2027.

Në ndeshjen e fundit të Grupit A, Kosova u mposht nga Zvicra me rezultat 81:73, dueli u zhvillua të dielën në Pallatin e Rinisë në Prishtinë, arenë që ishte e mbushur me shikues.

Zvicra, ndonëse më herët siguroi kualifikimin dhe ishte pa disa prej lojtarëve më të rëndësishëm, ka dominuar plotësisht. Ishte vazhdimisht në epërsi dhe mori dy pikë të reja. Kosovës i duhej fitorja për të shpresuar në kualifikim nga pozita e dytë.

“Dardanët” përfunduan garën në vendin e tretë të Grupit A me tetë pikë. Kanë shënuar dy fitore dhe kanë pësuar katër humbje. Zvicra e fitoi grupin me 12 pikë, përkatësisht me gjashtë fitore bindëse. Irlanda është e dyta me nëntë pikë, ndërsa Azerbajxhani renditet i fundit me shtatë pikë.

Për Kosovën ky është vetëm cikli i radhës i përfunduar pa sukses të synuar. Ndaj Zvicrës, Kosova e humbi 75:43 ndeshjen në udhëtim. Kishte shpresë për revansh, por ai nuk ishte as afër. Helvetikët e fituan çerekun e parë me rezultat 23:!4, ndërsa të dytin me 23:16. Çereku i tretë i takoi Kosovës 15:13, por edhe pas 30 minutave lojë epërsia e Zvicrës ishte e madhe. Në çerekun e katërt, përkundër përpjekjeve, Kosova nuk ia doli të rrezikojë epërsinë e mysafirëve.

Dardan Berisha i kishte 20 pikë te Kosova. Lis Shoshi realizoi 10 pikë e gjashtë kërcime, ndërsa 16 pikë e katër asistime i kishte Divine Myles. Dardan Kapiti ndeshjen e përfundoi me pesë pikë e plot 11 kërcime. Te Zvicra u dalluan Yoan Granvorka e Paul Gravet me nga 20 pikë. Granvorka i kishte edhe dhjetë kërcime.

Përfaqësuesja e Kosovës vazhdon të ketë telashe të shumta për të kaluar raundet e para të parakualifikimeve, ndonëse basketbolli në Kosovë vazhdon të jetë shumë popullor. Klubet investojnë edhe mbi një milion euro brenda një viti, por zhvillimi i basketbollistëve vendorë as për së afërmi nuk është i duhuri. Dhe kjo vërehet në çdo ndeshje që e luan përfaqësuesja e Kosovës.

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, ​​Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.