Lajmet

Erdogan: Shkëmbimi i burgosurve është hap i rëndësishëm se lufta Rusi-Ukrainë po përfundon

“Ne do të vazhdojmë përpjekjet tona për të arritur paqen dhe stabilitetin në të ardhmen…”

Published

4 years ago

on

Presidenti i Turqisë, Recep Tayyip vlerëson se shkëmbimi i të burgosurve, i ndërmjetësuar nga Turqia, që përfshin pothuajse 300 persona, ishte një hap i rëndësishëm drejt përfundimit të luftës mes Rusisë dhe Ukrainës.

Transmetuesi turk NTV raportoi të enjten se në mesin e të burgosurve që u shkëmbyen, pesë komandantë të lartë ukrainas kanë mbërritur në Turqi, ku do të qëndrojnë deri në fund të luftës.

“Ky shkëmbim i të burgosurve, i cili u bë nën ndërmjetësimin e Turqisë, është një hap i rëndësishëm drejt përfundimit të luftës”, tha Erdogan.

“Ne do të vazhdojmë përpjekjet tona për të arritur paqen dhe stabilitetin në të ardhmen. Për shembull, sapo të kthehemi, do të thërrasim përsëri liderët dhe do të vazhdojmë diplomacinë tonë telefonike me ta”, shtoi ai.

Related Topics:
Continue Reading

Lajmet

Arrestohet i dyshuari për dhunim në Mitrovicën e Veriut

Published

29 seconds ago

on

July 30, 2026

By

Në Mitrovicën e Veriut është arrestuar një person pasi dyshohet se ka kryer marrëdhënie seksuale me një viktimë të mitur.

Sipas Policisë, rasti është raportuar më 28 korrik 2026, ndërsa në konsultim me prokurorin viktima është dërguar për ekzaminim mjekësor.

I dyshuari, pas inicimit të rastit, me vendim të prokurorit është dërguar në mbajtje. Rasti po hetohet./A.K/

Continue Reading

Lajmet

Disa raste të dhunës në familje në Komoran, Prishtinë, Kaçanik, Pejë dhe Gjakovë

Published

2 minutes ago

on

July 30, 2026

By

Policia e Kosovës ka raportuar disa raste të dhunës në familje në komuna të ndryshme të vendit, ku janë përfshirë sulme fizike ndaj familjarëve.

Në Komoran, një person është arrestuar pasi dyshohet se pas një mosmarrëveshjeje verbale ka ushtruar dhunë fizike ndaj tre familjarëve të tij. Viktimat kanë pranuar tretman mjekësor, ndërsa i dyshuari me vendim të prokurorit është dërguar në mbajtje.

Në Prishtinë, një person dyshohet se ka sulmuar fizikisht bashkëshorten e tij. Viktima nuk ka pranuar tretman mjekësor, ndërsa i dyshuari është liruar dhe rasti do të procedohet në procedurë të rregullt.

Në Kaçanik, është raportuar se një grua ka pësuar në vazhdimësi dhunë nga bashkëshorti i saj. Pas intervistimit, palët janë liruar dhe rasti vazhdon në procedurë të rregullt.

Në Pejë, një grua ka raportuar dhunë të vazhdueshme nga djali i saj. I dyshuari është arrestuar, por më pas është liruar në procedurë të rregullt, ndërsa viktima është dërguar në një shtëpi të sigurt.

Ndërkohë, në Gjakovë, një person është arrestuar pasi dyshohet se pas një mosmarrëveshjeje familjare ka sulmuar fizikisht vëllain e tij. Viktima ka pranuar tretman mjekësor, ndërsa i dyshuari është dërguar në mbajtje me vendim të prokurorit./A.K/

Continue Reading

Lajmet

U përmbyll me sukses Akademia Verore “Karrierë, Inovacion dhe Punësim” në kuadër të Global UBT Fest 2026

Published

8 minutes ago

on

July 30, 2026

By

Qendra e Karrierës në UBT përmbylli me sukses Akademinë Verore “Karrierë, Inovacion dhe Punësim”, një aktivitet i organizuar në kuadër të Global UBT Fest 2026, i cili solli së bashku studentë, ekspertë dhe përfaqësues të kompanive për të diskutuar mbi zhvillimin profesional dhe mundësitë që ofron tregu modern i punës.

Përgjatë akademisë, studentët morën pjesë në ligjërata, prezantime dhe diskutime interaktive, ku u trajtuan tema të rëndësishme që lidhen me ndërtimin e karrierës, zhvillimin e aftësive profesionale, trendet bashkëkohore të punësimit, si dhe mundësitë për praktikë profesionale dhe punësim në kompani vendore e ndërkombëtare.

Një vlerë e veçantë e këtij aktiviteti ishte pjesëmarrja e kompanive partnere LinkPlus IT, Foleja Group, PwC Kosova dhe Coca-Cola HBC Kosova, të cilat prezantuan përvojat e tyre, ndanë praktikat më të mira të industrisë dhe informuan studentët për kërkesat e tregut të punës, kompetencat më të kërkuara dhe mundësitë konkrete për zhvillim profesional.

Akademia Verore shërbeu si një platformë e rëndësishme për lidhjen e studentëve me industrinë, duke krijuar mundësi për rrjetëzim, shkëmbim përvojash dhe orientim profesional. Përmes bashkëpunimit të ngushtë me partnerët e sektorit privat, UBT vazhdon të fuqizojë urën ndërmjet arsimit dhe tregut të punës, duke i përgatitur studentët për sfidat dhe mundësitë e ekonomisë moderne.

Continue Reading

Lajmet

KMDLNj: 32 punëtorë humbën jetën në Kosovë gjatë vitit të kaluar, kërkohet më shumë siguri në punë

Published

58 minutes ago

on

July 30, 2026

By

Këshilli për Mbrojtjen e të Drejtave dhe Lirive të Njeriut ka ngritur shqetësimin për sigurinë e punëtorëve në Kosovë, duke thënë se mungesa e masave mbrojtëse dhe mbikëqyrja e pamjaftueshme institucionale po vazhdojnë të shkaktojnë aksidente me pasoja fatale.

Sipas KMDLNj-së, gjatë vitit të kaluar në Kosovë kanë humbur jetën 32 punëtorë, kryesisht në sektorin e ndërtimtarisë.

Organizata thekson se edhe gjatë vitit 2026 situata mbetet shqetësuese, ndërsa si shkaqe kryesore të aksidenteve përmend mungesën e pajisjeve mbrojtëse, kushtet e pafavorshme atmosferike, mungesën e kualifikimit profesional, si dhe mbikëqyrjen e dobët nga institucionet përgjegjëse.

KMDLNj ka ngritur shqetësimin edhe për numrin e madh të punëtorëve që vazhdojnë të punojnë pa kontrata, duke ua vështirësuar realizimin e të drejtave të tyre në rast aksidenti apo humbjeje të jetës.

Këshilli ka kërkuar shtim të inspektimeve në terren dhe ka propozuar që gjobat ndaj punëdhënësve që shkelin rregullat e sigurisë të përdoren për krijimin e një fondi për mbështetjen e familjeve të viktimave dhe punëtorëve me pasoja të përhershme shëndetësore.

Sipas KMDLNj-së, gjendja ekonomike shpesh i detyron punëtorët të pranojnë kushte të pasigurta pune, ndërsa institucionet duhet të marrin masa më të fuqishme për garantimin e sigurisë në vendet e punës./A.K/

Continue Reading

Të kërkuara