Në një aksion të përbashkët të Byrosë për Siguri Publike dhe Doganës, janë kapur sasi të drogës në pikën kufitare të “Bogorodicës” në Maqedoninë e Veriut. Operacioni, i cili ka filluar mbrëmë, ka pasur fokus kamionët me targa të Maqedonisë, të cilët ishin ngarkuar me mbeturina të letrës për riciklim.

Sipas informacionëve jozyrtare, ngarkesa kishte hyrë në Maqedoni nga Kosova dhe duhej të udhëtonte përmes Greqisë për të arritur në destinacionin final – Turqinë. Pas kontrollimeve të detajuara, autoritetet zbuluan drogën e fshehur brenda ngarkesës.

Ky operacion është pjesë e përpjekjeve të vazhdueshme për luftimin e trafikimit të drogës dhe garantimin e sigurisë në rajon./UBTNews/

Qeveria e Republikës së Kosovës ka shpallur logon zyrtare shtetërore dhe programin e plotë të manifestimeve për shënimin e 17 vjetorit të Pavarësisë së Kosovës. Në një postim të bërë në rrjetin social Facebook, është publikuar logoja e cila do të përdoret për këtë ngjarje historike, si dhe kalendari i aktiviteteve të planifikuara për këtë përvjetor të rëndësishëm.

Programi i manifestimeve përfshin një seri aktivitetesh dhe ngjarjesh, që do të realizohen në ditët përkatëse, duke përkujtuar këtë ngjarje të rëndësishme në historinë e Kosovës./UBTNews/

Procesi i numërimit të votave të kandidatëve për deputetë, i paraparë të fillojë sot nëpër qendrat komunale të votimit në Mitrovicë, ende nuk ka filluar.

Përveç pjesëtarëve të policisë, të cilët ndodhen brenda palestrës sportive “Minatori” në Mitrovicë, që do të shërbejë si qendër për numërim të votave, askush tjetër nuk ndodhet brenda këtij objekti.

Deri më tash numërimi ka filluar vetëm në katër komuna: Prishtinë, Obiliq, Partesh dhe Lipjan.