Sport

Epoka e Sommer mbyllet: Zvicra pa portierin e saj

Published

2 years ago

August 19, 2024

Betim Gashi

Portieri i njohur i Zvicrës, Yann Sommer, ka vendosur të tërhiqet nga kombëtarja helvetike. Këtë lajm e ka konfirmuar Federata Zvicerane e Futbollit përmes një postimi në llogarinë e saj në platformën X (e njohur më parë si Twitter) të hënën në mëngjes.

Sommer bëri debutimin e tij për kombëtaren zvicerane më 30 maj 2012, në moshën 23 vjeç e 163 ditë. Që atëherë ai ka përfaqësuar Zvicrën në kualifikimet evropiane për Kupat e Botës 2014, 2018 dhe 2022 dhe ka marrë pjesë në Kupat e Botës 2014, 2018 dhe 2022. Ai gjithashtu luajti në Kampionatin Evropian 2016, 2020 dhe 2024.

Sommer ka bërë 94 paraqitje për kombëtaren e Zvicrës, duke pësuar 92 gola dhe duke arritur 35 herë portën e pastër.

Aktualisht, Sommer është pjesë e klubit italian Inter, me të cilin ka fituar titullin e kampionit të Serisë A. Pas këtij vendimi, ai do të përqendrohet më shumë në angazhimet e tij me ekipin e Interit dhe në sfidat tjera të karrierës së tij./UBTNews/

Related Topics:Yann Sommer portieri i zvicres terhiqet nga kombetarja

Up Next

Sot përfundon afati për nominimet për kryetar të FBK-së

Don't Miss

Kampi i Basketbollit në Kosovë nën patronatin e Presidentes

Vendi

Akil Gjakova mbyll garën pa medalje në Abu Dhabi

Published

8 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

8 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

10 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/