Sport

Enzo Maresca trajner i ri i Chelseat

Published

1 year ago

June 4, 2024

Betim Gashi

Chelsea ka njoftuar emërimin e Enzo Maresca si trajner të ri. 44-vjeçari italian vjen nga Leicester City për të zëvendësuar Mauricio Pochettino, i cili u largua nga Chelsea me pëlqim të përbashkët në fund të këtij sezoni. Maresca ka nënshkruar një kontratë pesëvjeçare, me opsion edhe një vit shtesë.

Mungonte vetëm zyrtarizimi, i cili ka ardhur në orët e vona të mbrëmjes së të hënës. Enzo Maresca do të jetë trajneri i Chelseat për 5 sezonet e ardhshme. Tekniku italian, i cili sezonin e kaluar drejtoi Leicesterin në Premiership, duke e rikthyer menjëherë në elitën e futbollit anglez, ka firmosur një kontratë 5-vjeçare me klubin londinez.

Marrëveshja mes palëve ishte arritur prej ditësh, teksa zyrtarizimi erdhi vetëm këtë të hënë, me Marescën që ka marrë përsipër një projekt afatgjatë, duke firmosur deri në 2029-ën, me opsion zgjatjeje edhe për një tjetër sezon.

Italiani, i cili në të shkuarën ka qenë edhe asistent i Pep Guardiolës, do të nisë menjëherë nga puna te londinezët, për të bërë zgjedhjet në merkato dhe më pas në fushë, për të rikthyer skuadrën te sukseset.

Chelsea investoi jo pak verën e kaluar, duke sjellë një numër të konsiderueshëm futbollistësh të rinj të talentuar në ekip, teksa paratë nuk do të mungojnë as këtë verë, për të kënaqur dëshirat e Marescës dhe për të ndërtuar një skuadër konkurruese./UBTNews/

Sport

“Dukesh mirë Granit”, nënkampioni gjerman poston fotografinë e Xhakës

Published

46 minutes ago

July 2, 2025

UBT News

Bayer Leverkuseni ka dhënë të tjera shenja që Granit Xhaka nuk do të largohet.

Nënkampioni gjerman të mërkurën ka publikuar fotografi të Xhakës duke pozuar me fanellën e re vendase të skuadrës.

Po ashtu ka publikuar një fotografi të tij me mbishkrimin ”dukesh mirë, Granit”.

Xhaka kishte dhënë shenja se e dëshiron largimin nga Leverkuseni, ndërsa Milani u angazhua për transferimin e tij.

Por ka gjithnjë e më shumë raportime se kapiteni i Zvicrës do të mbetet te Leverkuseni.

Sport

Presidenti i La Ligas i shpall luftë FIFA-s për Botërorin e Klubeve

Published

3 hours ago

July 2, 2025

UBT News

Presidenti i La Ligës, Javier Tebas, ka shprehur sërish kundërshtimin e hapur ndaj Kupës së Botës për Klube, duke deklaruar se do të bëjë gjithçka që është në fuqinë e tij për të ndaluar zhvillimin e turneut në të ardhmen.

“Do të bëj gjithçka që është në fuqinë time për t’u siguruar që Kupa e Botës për Klube nuk do të zhvillohet më kurrë”, u shpreh Tebas gjatë një konference për shtyp të mbajtur të martën (1 korrik).

Kjo nuk është hera e parë që kreu i La Ligës shprehet kundër këtij formati të ri. Që kur FIFA shpalli projektin për një turne me 32 ekipe që do të mbahet çdo katër vjet, Tebas ka qenë një ndër kritikët më të zëshëm.

Sipas FIFA-s, edicioni i parë i Kupës së re të Botës për Klube do të organizohet më 2029, mbi 3 miliardë dollarë janë alokuar për realizim. Çdo klub pjesëmarrës pritet të përfitojë minimalisht 15 milionë dollarë, shifër kjo që ka tërhequr mbështetjen e shumë klubeve elitare në botë.

Në edicionin e parë, La Liga përfaqësohet nga dy skuadrat kryesore të Spanjës: Real Madrid dhe Atletico Madrid. Të dyja skuadrat kanë pranuar të heqin dorë nga pushimet verore për të qenë pjesë e turneut.

Pavarësisht entuziazmit të FIFA-s dhe mbështetjes nga klubet, Tebas nuk ka ndërmend të tërhiqet. Ai synon që përmes mjeteve ligjore e presionit të bllokojë këtë iniciativë, të cilën e sheh si kërcënim për kalendarin dhe ekuilibrin e garave kombëtare.

Tani mbetet për t’u parë nëse përplasja mes La Ligës e FIFA-s do thellohet, apo nëse palët gjejnë një kompromis për të ardhmen e futbollit ndërkombëtar.