Edoardo Bove është rikthyer te Fiorentina vetëm 3 javë pas sulmit në zemër. Italiani vizitoi skuadrën në qendrën stërvitore në “Viola Park”, me ekipin që po u jepte dorën e fundit stërvitjeve për duelet e radhës.

“Natyrisht, sipas ligjit italian, nuk lejohet të luash me defibrilator, kështu që nëse mbaj defibrilatorin, nuk do të mund të luaj në ligën tonë. Jashtë vendit, nëse firmosni, e merrni vetë përgjegjësinë. Kam disa kontrolle të rëndësishme mjekësore që do të më tregojnë nëse ka mundësi ta heq dhe çfarë monitorimi do të më duhet. Nuk përjashtoj asgjë”.

“Në fund të fundit, shëndeti im mendor është ajo që ka më shumë rëndësi – sepse nëse nuk ndihem i sigurt pa defibrilatorin, gjithçka është e kotë. “Do të përpiqem të luaj përsëri; ia kam borxh familjes sime dhe sakrificave që kam bërë, por edhe për shkak të moshës. Natyrisht, kam nevojë për dritën jeshile nga mjekët”.

Ai madje thotë se do të vazhdojë karrierën jashtë Italisë e shton faktin se këtë gjë i’a ka borxh familjes për shkak të sakrificave që ata kanë bërë për Bove. /UBT News/

Kombëtarja U21 e Kosovës ka nisur përgatitjet në Antalia të Turqisë, ku do të zhvillojë një kamp stërvitor dhjetëditor si pjesë e përgatitjeve për ciklin e ardhshëm kualifikues.

Gjatë këtij kampi, ekipi do të kryejë dy seanca stërvitore në ditët e para, ndërsa më pas do të vazhdojë me nga një seancë në ditë.

Krahas stërvitjeve, do të zhvillohen edhe dy ndeshje miqësore kundër Turqisë U21 dhe Moldavisë U21, në mënyrë që përzgjedhësi Afrim Toverlani të vlerësojë formën e lojtarëve të grumbulluar.

Në këtë grumbullim janë ftuar për herë të parë në Kombëtaren U21 edhe dhjetë futbollistë të rinj: Laurent Seji, Sead Ahmeti, Drini Miftari, Elvaris Suplja, Hamza Muqaj, Adem Imeri, Faton Ademi, Medin Gashi, Eurolind Avdimetaj dhe Arlind Maloku.

Ndeshja e parë miqësore kundër Turqisë U21 do të zhvillohet më 21 mars 2025, në Alanya, me fillim nga ora 20:30 (ora lokale), derisa më 25 mars, në Belek Dardanët U21 do të luajnë kundër Moldavisë.

Lionel Messi ka komentuar ndeshjet e ardhshme të Kombëtares së Argjentinës, në të cilat do të mungojë shkaku i një lëndimi.

Sulmuesi i Inter Miamit nuk u përfshi në skuadrën përfundimtare për kualifikueset e Botërorit 2026 kundër Uruguait dhe Brazilit.

Deri tek ky vendim i përzgjedhësit Lionel Scaloni erdhi pasi Messi ka një shqetësim të vogël që ia pamundëson të luajë dhe për këtë është i trishtuar.

“Jam i trishtuar që humbas këto ndeshje të rëndësishme kundër Uruguait dhe Brazilit”, ka thënë fillimisht Messi.

“Doja shumë të luaja, por një dëmtim i vogël do të thotë që më duhet të pushoj pak, kështu që nuk mund t’i bashkohem kombëtares dhe të jem aty”.

“Unë do të mbështes dhe brohoras nga këtu si çdo tifoz tjetër. Vamos, Argjentina”, ka përfunduar ylli argjentinas.

Liverpooli është duke kërkuar një qendërmbrojtës të ri dhe duket se atë e kanë gjetur në Ligën Premier. Sipas DaveOCKOP, Liverpool është takuar me përfaqësuesit e qendërmbrojtësit të Crystal Palace, Marc Guehi në fillim të kësaj jave.

Reprezentuesi anglez pritet të largohet nga klubi londinez në afatin kalimtar veror pasi dëshiron të bëj një hap para në karrierë.

Liverpool, i cili pritet të përpiqet të nënshkruajë një qendërmbrojtës të ri në verë, u përfol se ishte i interesuar për të në të kaluarën.

Me të ardhmen e Van Dijk të pasigurt pasi holandezit i skadon kontrata, The Reds duan me çdo kusht transferimin e anglezit Guehi.

Megjithatë për të arritur deri te qendërmbrojtësi i fuqishëm, The Reds duhet të shpenzojnë mbi 80 milionë euro.

Interesim për lojtarin kanë shprehur edhe dy klubet tjera angleze si Chelsea dhe Newcastle United.

Në garë për Guehin ishte edhe Man Utd, megjithatë Djajtë e Kuq kishin ofruar vetëm 40 milionë euro për transferimin e lojtarit me Crystal Palace që e ka refuzuar menjëherë atë ofertë.