Kronikë e zezë

Ende nuk dihet motivi i ngjarjes tragjike në veri të Mitrovicës

Sipas zëdhënësit të policisë për rajonin e veriut, policia është duke punuar për zbardhjen e motivit.

Published

4 years ago

on

Një ngjarje e rëndë ndodhi në orët e para të mëngjesit të sotëm në veri të vendit ku një anëtar i një familjeje i mori jetën babait dhe vëllait të tij.

Zëdhënësi i Policisë së Kosovës për rajonin e veriut, Branisllav Radoviq, duke sqaruar për KosovaPress rastin tragjik ka thënë se policia është duke punuar akoma për zbardhjen e motivit të ngjarjes.

“Më datë 27.05. në orët e mëngjesit, përkatësisht në ora 05:55 ka ndodhur një incident tragjik në banesën e personit me inicialet B.M. në rrugën ‘Mbreti Petër’ në Mitrovicën Veriore, dhe akoma nën rrethana të pasqaruara, ka ardhur tek rasti i vrasjes së rëndë, ku i dyshuari me inicialet M.B. i lindur më 1993, ka goditur disa herë me thikë dhe ka privuar nga jeta anëtarët e ngushtë të familjes së tij, vëllain me inicialet B.U. dhe babain me inicialet M.B. I dyshuari është arrestuar menjëherë dhe gjendet nën kontrollin policor. Hetimet janë zhvilluar nën mbikëqyrjen e prokurorit të prokurorisë në veri të Mitrovicës, derisa ekipet e hetuesisë të regjionit verior në Mitrovicë kanë marrë të gjitha masat me qëllim të zbardhjes së motivit të kësaj ngjarje”, tha ai.

Related Topics:
Continue Reading

Kronikë e zezë

Vdekje e dyshimt në Kamenicë, një punëtor humb jetën gjatë punës

Published

3 days ago

on

May 29, 2026

By

Në raportin 24-orësh të Policisë se Kosovës është raportuar një rast i vdekjes së dyshuar në Kamenicë, ku një person ka ndërruar jetë derisa ishte duke punuar.

Sipas njoftimit, viktima burrë ka humbur ndjenjat dhe ka rënë në tokë gjatë kryerjes së punës. Ai është dërguar menjëherë në Qendrën Kryesore të Mjekësisë Familjare (QKMF), ku mjeku kujdestar ka konstatuar vdekjen e tij.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkaqeve të vdekjes.

Hetimet lidhur me rastin janë duke vazhduar.

Continue Reading

Lajmet

Disa raste të dhunës në familje brenda një dite

Published

3 days ago

on

May 29, 2026

By

Në raportin 24-orësh të Policisë se Kosovës janë evidentuar katër raste të dhunës në familje në rajone të ndryshme të vendit, si dhe një rast i posedimit të substancave narkotike.

Në Fushë Kosovë, është raportuar se një burrë i dyshuar, pas një mosmarrëveshjeje verbale, dyshohet se ka ushtruar dhunë ndaj viktimës grua, shtetase e huaj, me të cilën kishte bashkëjetuar. Pas intervistimit, me vendim të prokurorit, i dyshuari është liruar në procedurë të rregullt.

Në Podujevë, një tjetër rast i dhunës në familje ka rezultuar me arrestimin e një të dyshuari, i cili dyshohet se ka ushtruar dhunë ndaj një viktime grua. I dyshuari ka marrë edhe tretman mjekësor për probleme shëndetësore të mëhershme, ndërsa pas intervistimit është dërguar në mbajtje me vendim të prokurorit.

Në Malishevë, policia ka arrestuar një të dyshuar për dhunë në familje, dhe pas intervistimit me vendim të prokurorit është dërguar në mbajtje.

Ndërkohë, në Rahovec, gjatë një kontrolli të realizuar nga njësitet policore me urdhër të prokurorit, lidhur me një rast të dhunës në familje, janë gjetur dhe konfiskuar 4.56 gramë substancë e dyshuar narkotike e llojit marihuanë. I dyshuari është arrestuar dhe për këtë rast, pas procedurave ligjore, është dërguar në mbajtje.

Continue Reading

Lajmet

Sulm me thikë në stacionin e trenit në Winterthur, tre të plagosur

Published

3 days ago

on

May 28, 2026

By

Tre persona kanë mbetur të plagosur pasi një burrë i ka sulmuar me thikë në një stacion treni në qytetin Winterthur, pranë Cyrihut, ka bërë të ditur policia lokale të enjten.

Sipas policisë, sulmi ka ndodhur rreth orës 06:30, ndërsa i dyshuari, një shtetas zviceran 31-vjeçar, është arrestuar në vendin e ngjarjes. Tre viktimat janë dërguar për trajtim mjekësor në spital dhe ndodhen nën kujdes mjekësor.

Mediat zvicerane raportojnë se një video e publikuar nga gazeta “Blick” tregon një burrë duke dalë me vrap nga stacioni, duke bërtitur një frazë arabe që do të thotë “Zoti është i madh”. Po ashtu, një dëshmitar okular ka thënë se autori mbante thikë dhe se njerëzit përreth janë larguar me panik.

Policia ka njoftuar se motivi i sulmit ende nuk është i qartë dhe po hetohet nga autoritetet kompetente.

Continue Reading

Lajmet

Aksident trafiku në Prizren, një person lëndohet rëndë

Published

3 days ago

on

May 28, 2026

By

Në Prizren është raportuar një aksident trafiku me lëndime, ku një këmbësor ka mbetur i lënduar rëndë.

Ngjarja ka ndodhur më 27.05.2026 rreth orës 15:20, kur një femër kosovare, drejtuese e automjetit, ka goditur një mashkull kosovar.

Si pasojë e aksidentit, viktima ka pësuar lëndime të rënda trupore dhe është dërguar për trajtim mjekësor në Qendrën Klinike Universitare të Kosovës (QKUK) në Prishtinë.

Rasti është duke u hetuar nga organet kompetente.

Continue Reading

Të kërkuara