Milani po stërvitet në “Milanello” në prag të ndeshjes së Ligës së Kampionëve kundër Feyenoord, por Sergio Conceiçao do të detyrohet të luajë pa tetë lojtarë nesër.

Kuqezinjtë do të udhëtojnë për në Roterdam më vonë sot dhe do të takohen me skuadrën holandeze të mërkurën. Ndeshja e kthimit do të luhet në “San Siro” javën e ardhshme.

Siç raportohet nga “MilanNeës” dhe media të tjera që ndoqën seancën stërvitore të mëngjesit të sotëm, anglezi Ruben Loftus-Cheek nuk ka punuar me pjesën tjetër të ekipit dhe nuk do të jetë i disponueshëm nesër.

Ish-mesfushori i Chelseat nuk është i vetmi lojtar i padisponueshëm për kuqezinjtë. Emerson Royal dhe Alessandro Florenzi janë gjithashtu të lënduar, Yunus Musah është i suspenduar dhe Alex Jimenez, Riccardo Sottil, Ëarren Bondo dhe Luka Jovic janë jashtë listës së UEFA-s së Milanit.

Conceiçao do të japë lajmet më të fundit të ekipit në një konferencë shtypi në Holandë në orët e vona të pasdites.

Federata e Basketbollit të Kosovës (FBK) ka bërë të ditur se ka ndërmarrë të gjitha masat e nevojshme për organizimin e një eventi të sigurt dhe të suksesshëm për finalen e ProCredit Kupës së Kosovës. Në kuadër të përgatitjeve, FBK ka zhvilluar takime me Policinë e Kosovës, Sigurimin Privat, përfaqësuesit e klubeve dhe përfaqësuesit e tifozërive për të garantuar një mbarëvajtje të qetë dhe profesionale të finales.

FBK gjithashtu ka bërë të ditur se të ardhurat nga shitja e biletave do të përdoren për mbulimin e shpenzimeve të organizimit, duke përfshirë sigurinë, logjistikën, trofetë, medaljet dhe aspektet e brendimit e marketingut të eventit.

Në bashkëpunim me Policinë e Kosovës, FBK ka bërë të ditur se janë marrë masat e mëposhtme:

Kontroll i rreptë në hyrje – Të gjithë tifozët dhe të ftuarit VIP do të kontrollohen për të shmangur sjelljet e papërshtatshme dhe objektet e palejuara.

Parandalimi i falsifikimit të biletave – Biletat do të përmbajnë elemente sigurie për të parandaluar çdo tentativë falsifikimi. Çdo përpjekje për hyrje me bileta të falsifikuara do të ndalohet rreptësishtë.

Ndalesa për dalje gjatë pauzës – Gjatë pushimit mes dy pjesëve, tifozët nuk do të lejohen të dalin jashtë palestrës. Kjo masë vlen edhe për tifozët VIP, të cilët do të kenë qasje vetëm në hapësirat e brendshme.

“Më trajtuan si Escobar, por nuk kisha asnjë lidhje me ato raste të drogës”. Radja Nainggolan ka thyer heshtjen, dy javë pas arrestimit në Belgjikë.

Ish-mesfushori i Romës dhe Interit ka hedhur dritë mbi situatën e tij pasi u implikua në një hetim për trafikun e kokainës që përfshin 15 persona të tjerë.

“Marrja në pyetje zgjati katër orë dhe ishte ora 18.00, prandaj ishte tepër vonë për një gjykatës hetues,” shpjegoi Nainggolan.

“Kështu që ata vendosën të më detyronin të kaloja natën në ish-qeli”, tha ai.

Radja, aktualisht nën kontratë me Lokoren në Kategorinë e Dytë të Belgjikës, nuk e fsheh hidhërimin për këtë ngjarje.

“Burgu ishte një përvojë shumë e çuditshme, që nuk do të doja ta ripërjetoja kurrë. Lajmi u përhap shpejt, dukej se e kishin mbyllur Pablo Escobarin… Unë nuk kam lidhje me ato raste droge dhe në fakt nuk më bënë asnjë pyetje për këtë temë. Marrja në pyetje u fokusua kryesisht në marrëdhënien time me atë person””, tha ai.

Manchester City dhe Real Madrid janë kthyer në dy nga rivalët më të fortë të dekadës në Ligën e Kampionëve, duke u përballur plot 12 herë në këtë kompeticion. Statistikat tregojnë një ekuilibër të lehtë në favor të Cityt, i cili ka fituar 4 ndeshje, ndërsa Real Madrid ka triumfuar 3 herë. Pesë sfida kanë përfunduar në barazim, duke reflektuar një garë të fortë dhe të paparashikueshme.

Në aspektin e golave, ekipi i Pep Guardiolës ka shënuar 21 herë, ndërsa “Los Blancos” kanë realizuar 18 gola, duke dëshmuar natyrën sulmuese dhe spektakolare të këtyre dueleve.

Rivaliteti mes dy klubeve ka prodhuar disa nga ndeshjet më dramatike në historinë moderne të turneut. Një nga përballjet më të paharrueshme ndodhi në sezonin 2021-2022, kur Manchester City fitoi 4-3 në ndeshjen e parë, por Real Madrid përmbysi gjithçka në Santiago Bernabéu me një fitore 3-1 pas kohës shtesë, duke u kualifikuar për finalen. Një vit më pas, në sezonin 2022-2023, City mori hak me një dominim absolut: pas një barazimi 1-1 në Madrid, skuadra e Guardiolës shkatërroi Realin 4-0 në “Etihad”, duke siguruar finalen dhe më pas trofeun.

Këto përballje kanë krijuar një nga rivalitetet më të zjarrta të Champions League, duke e kthyer duelin mes Cityt dhe Realit në një traditë të fortë. Çdo sezon, këto dy skuadra përballen me synimin për të arritur majat e futbollit evropian, duke i dhuruar tifozëve emocione të paharrueshme. Me yjet dhe trajnerët e tyre brilantë, ky rivalitet pritet të vazhdojë të shkruajë histori edhe në vitet e ardhshme./UBTNews/