Teknologji

Emaili, një prej metodave më efikase

Marketingu përmes emailit është njëra prej metodave më efikase të përmbajtjes së marketingut.

Published

on

Përderisa ne të gjithë mund t’a pranojmë se duhet të angazhohemi më shumë në një strategji për të maksimizuar përgjigjet tona ndaj emaileve, mund të jetë e vështirë të dimë se ku të fillojmë. Pas të gjithash, ne dërgojmë dhe pranojmë emaile çdo ditë por kurrë nuk studiojmë shkencën e asaj se çfarë e bën një fushatë të suksesshme. Mos u brengosni, sepse kam përmbledhur disa këshilla të dobishme për ju

Ju nuk po dërgoni emaile të konfirmimit

Konfirmimet janë njëra prej mënyrave më të sigurta për të rritur abonimet tuaja, por ende vetëm 26 përqind e kompanive të njohura i dërgojnë ato. Emailet e konfirmimit shtojnë një shtresë të besimit për konsumatorët e rinj, duke i siguruar ata se aplikacioni i tyre është marrë parasysh. Merrni kohën për të vendosur këtë; do të shihni më shumë rezultate menjëherë.

Ju nuk keni stimulim

Sipas Wordstream, emailet me stimulim rrisin klikimet në 371 përqind, dhe shitjet në 1,617 përqind, e cila do të thotë se kjo strategji mund të rrisë biznesin tuaj jashtëzakonisht shumë. Filloni duke dhënë përgjigje vepruese për të angazhuar më shumë abonentë.

Përmbajtja juaj nuk lidhet me ta

Përderisa është e rëndësishme të keni përmbajtje të cilat shtyjnë shitjet, ajo përmbajtje duhet të lidhet me audiencën tuaj. Mbani në mend, ju jeni pjesërisht një burim edukimi/argëtimi për abonentët tuaj, kështu që mbajeni atë në mend kur krijoni një postim.

Ju dërgoni emaile në kohën e gabuar

Besojeni ose jo, ka një shkencë e cila tregon në çfarë kohe të dërgoni email. Sipas Hubspot, koha më e mirë është 11 paradite, e cila, varësisht nga industria juaj, mund të jetë një këshillë e mirë për ta testuar.

Ju nuk optimizoni rreshtat e subjektit

Kjo është e ngjashme me stimulimin, duhet të zgjidhni me kujdes çfarë përdorni për të fituar më së shumti përgjigje. Siç është thënë në një tjetër studim nga Hubspot, pothuajse gjysma (47 përqind) e tregtarëve të anketuar thanë se ata testojnë optimizimin e rreshtave të subjektit. Kjo mund të funksionojë mirë edhe për ju, gjithashtu, nëse përqindja e hapjes është e ulët.

Emailet tuaja nuk janë të personalizuara

Emailet e personalizuara janë një gjest i vogël, por i cili është dëshmuar se rrit përqindjen e hapjes. Në studimin nga Hubspot, u zbulua se emailet e personalizuara kishin një përqindje të hapjes 17.6 përqind, krahasuar me 11.4 për qind të mesazheve jo të personalizuara. Plus, ka shumë shërbime të cilat mund t’a automatizojnë këtë proces për ju, si MailChimp.

Ju nuk përdorni emailin si kanal primar

Edhe pse ne e konsiderojmë median sociale si mbret, emaili ende është buka dhe gjalpi i përmbajtjes së marketingut. Në një studim nga Mailigen, 89 përqind e tregtarëve thanë se emaili është kanali i tyre primar. Pra, po, emaili ka shumë vlerë për biznesin tuaj.

Emailet tuaja nuk janë të dizajnuara për telefon

Telefoni përbën 54 përqind të emaileve të hapura, prandaj, nëse ju nuk optimizoni përmbajtjen tuaj për të fituar përgjigje nga ajo, ju mund të humbisni gjysmën e bazës së konsumatorëve. Një rregullim i shpejtë për këtë është të përdorni dizajne të rregulluara nga të cilat fitoni përgjigje.

mailet tuaja kanë shumë fotografi

Fotografitë janë një mjet i mirë për email, por siç është shënuar në studimin e Hubspot më lartë, sa më shumë fotografi që keni, aq më shumë ka gjasa që përqindja e klikimeve të bie. Mos lejoni që fotografitë dhe grafikat të jenë hutuese, por mjetet të cilat rrisin angazhimin.

Juve iu mungon reklamimi i vetes.

Nëse emaili nuk duket se po vjen nga ju, atëherë cili është qëllimi i dërgimit të atij? Konsumatorët do të ndihen shumë më të sigurtë me emaile të cilat përmbajnë udhëzimet tuaja. Arsyeja: Ata do të krijojnë besim, si pasojë e kujdesit tuaj. Merrni kohë për të investuar në reklamimin tuaj, dhe do ju shpaguhet jashtëzakonisht shumë.

Ju nuk po arrini metrikat e duhura për industrinë tuaj

Siç është shënuar nga Smart Insights, përqindja mesatare e klikimit për një industri mund të dallojë nga 15 në 28 përqind, kështu që është e rëndësishme të krahasoni veten vetëm me njerëzit tjerë brenda fushës tuaj. Tentimi për të shënjestruar jashtë këtij grupi mund të jetë gjë e mirë më vonë, por për tani është e rëndësishme të matni se ku shtrihet konkurrenca dhe si mund të arrini një metrikë të arsyeshme.

Përmbajtja juaj është shumë e gjatë

Askujt nuk i pëlqen të lexojë emaile të gjata, kështu që mos i lodhni konsumatorët me ato. Kjo është njëra prej mënyrave më të shpejtë për të humbur abonentë, dhe gjithashtu, konsumatorë të rinj. Fokusohuni në pikat më të rëndësishme të mesazhit tuaj, përfshini një stimulim, dhe bëhuni informues dhe argëtues.

Nëse mendoni se nuk mund të arrini këto qëllime, mund të jetë ide e mirë të sjellni dikë që t’i bëjë këto për ju. Kjo do iu shpaguhet më shpejtë se sa e prisni.

Continue Reading

Teknologji

iPhone po arrin më në fund Samsung në garën me megapikselë

Published

on

Pas viteve të mbetur pas prodhuesve të Android në numrin e megapikselëve, Apple ka filluar të testojë kamerën 200MP për modelet e ardhshme të iPhone.

Ky lajm vjen nga burimi Digital Chat Station, i cili ka publikuar në rrjetin kinez Weibo se kompania kaliforniane hyn në garën për rezolucion të lartë.

Samsung ka qenë ndër të parët që vendosi kamerën 200MP në telefonat më të shtrenjtë, duke vendosur standarde të reja në industrinë e teknologjisë. Që atëherë, gjithnjë e më shumë marka përdorin këto sensorë me numër të madh megapikselësh për kamerat kryesore dhe ato të zmadhimit.

Edhe Apple i bashkohet kësaj grupi, sipas informacioneve, Apple po teston sensor 200MP për kamerën kryesore. Kjo do të ishte përmirësim serioz krahasuar me kamerat aktuale 48MP në modelet iPhone Pro. Kjo risia mund të shfaqet në disa nga modelet e ardhshme të iPhone, megjithëse nuk dihet saktësisht kur.

Përparësi më e rëndësishme është zmadhimi hibrid cilësor. Samsung me sensorin Isocell HP3 ka mundësuar zmadhim 4x pa humbje të cilësisë. Apple anashkalon kamerën 2x ose 3x në modelet më të lira të iPhone ofron mundësi për zmadhim.

Kompania përdorë kamerën 200MP në modelet Pro për të mbushur boshllëkun deri te zmadhimi 5x, kamerat me shumë megapiksel kanë sfida. Këto sensorë kanë pikselë të vegjël krahasuar me 108MP ose 50MP, në teori marrin më pak dritë.

Samsung ka zgjidhur problemin me teknologjinë që bashkon të dhënat e nëntë pikseleve në një, duke dhënë rezultate, problemi i telefonave është ngadalësia në kapjen e imazhit. Kamerat nuk kapin objektet në lëvizje. Shpresojmë që Apple të zgjidhë këtë çështje nëse vendos të përdorë kamerën kryesore 200MP.

Ky lajm vjen në kohën kur kompani si vivo, HONOR e Xiaomi vendosin sensorë 200MP në kamerat teleskopike. Kjo u mundëson zmadhim e mirë krahasuar me kamerat 12MP ose 50MP, pikërisht falë numrit të madh të megapikselëve.

Continue Reading

Teknologji

Volvo në telashe, shkurton 3,000 vende pune

Published

on

Prodhuesi suedez i veturave Volvo Cars ka njoftuar planet për të shkurtuar rreth 3,000 vende pune administrative për të ulur kostot, ndërsa po zhvendos fokusin nga automjetet plotësisht elektrike në ato hibride plug-in.

Një total prej 3,000 vendesh pune do të shkurtohen në nivel global, sipas kompanisë me seli në Göteborg, e cila kontrollohet nga grupi kinez Geely.

Shifra korrespondon me afërsisht 15 përqind të vendeve të punës në zyrë të Volvo Cars. Shumica e tyre ndodhen në Suedi.

Duke njoftuar bisedimet me sindikatat, drejtori ekzekutiv Hakan Samuelsson tha se atyre i’u desh të merrnin vendime të vështira.

“Industria e automobilave po kalon një fazë të vështirë. Për ta kapërcyer atë, kostot duhet të ulen në mënyrë strukturore”, shtoi Samuelsson.

Menaxhmenti njoftoi mbylljen e vendeve të punës që në fund të prillit, kur njoftoi rezultatet e biznesit në tremujorin e parë.

Një shumë shtesë prej 18 miliardë kronësh suedeze (pak më pak se 1.9 miliardë dollarë) synohet të kursehet nëpërmjet masave të tjera.

Shpenzime të veçanta prej rreth 1.5 miliardë kronash do të parashikohen në tremujorin e dytë, thanë ata.

Volvo u përqendrua herët në prodhimin e automjeteve plotësisht elektrike, dhe në vitet e fundit ka vuajtur pasojat e kostos së lartë të materialeve të baterive.

Menaxhmenti thekson se synojnë ta zhvendosin fokusin te hibridet plug-in. Që në tremujorin e parë, pjesa e makinave plotësisht elektrike u ul në 19 përqind, nga 21 përqind në të njëjtën periudhë të vitit të kaluar.

Continue Reading

Teknologji

Motorola do të prezantojë telefonin e klasit të mesëm G56

Published

on

Motorola pritet të lansojë disa telefona inteligjentë të nivelit fillestar dhe të mesëm deri në fund të vitit. Moto G56 është një nga telefonat që ka të ngjarë të zbulohet në javët e ardhshme, duke pasur parasysh numrin e raporteve që i janë drejtuar kësaj pajisjeje.

Dizajni i plotë i Moto G56 u zbulua së fundmi, dhe tani kemi pjesën tjetër të informacionit, duke përfshirë specifikimet dhe çmimin, transmeton Telegrafi.

Nëse jeni duke kërkuar një telefon Android të klasit të mesëm me çmim të përballueshëm, ose jeni kuriozë për pajisjen e ardhshme të Motorola-s, ja çfarë ofron Moto G56 nga brenda.

Sipas një raporti të ri, Moto G56 do të jetë një përmirësim i mirë në krahasim me modelin aktual, Moto G55.

Telefoni do të ketë:

Çipset të përditësuar

Ekran më i madh

Kamera selfie më e madhe

Bateri pak më e madhe

Moto G55 është i pajisur me një çipset MediaTek Dimensity 7025 pak më të vjetër e ka ekran dukshëm më të vogël prej 6.49 inç me rezolucion FHD+, një shpejtësi rifreskimi prej 120Hz dhe mbrojtje Corning Gorilla Glass.

Ajo ka një kamerë të përparme më të vogël prej 16 megapikselësh, por vjen me një sistem të ngjashëm kamerash të dyfishtë dhe memorie ruajtjeje.

Së fundmi, Moto G55 ka një bateri pak më të vogël prej 5,000 mAh me mbështetje për karikim nëpërmjet një kablloje 30W.

Sa i përket çmimit, spekulohet se Moto G56 do të kushtojë 270 euro në Evropë.

Moto G55 u lansua vitin e kaluar me një çmim prej 250 eurosh, kështu që pasardhësi do të jetë pak më i shtrenjtë.

Continue Reading

Teknologji

“X” me probleme për shumë përdorues në botë

Published

on

latforma e mediave sociale X, e njohur më parë si Twitter, ka pasur probleme për mijëra përdorues amerikanë herët të shtunën, sipas Downdetector.com, e cila gjurmon ndërprerjet e internetit.

Përdoruesit në Shtetet e Bashkuara filluan të raportonin probleme në DownDetector rreth orës 8 të mëngjesit të shtunën. Deri në orën 8:26 të mëngjesit, më shumë se 25,000 përdorues amerikanë raportuan probleme me platformën X në aplikacionin celular dhe faqen e internetit.

Përdoruesit raportuan gjithashtu probleme me lidhjen e serverit.

Më shumë se 11,000 përdorues në Mbretërinë e Bashkuar dhe qindra në vende të tjera kanë raportuar gjithashtu probleme.

DownDetector gjurmon problemet e raportuara nga përdoruesit, kështu që numrat mund të mos pasqyrojnë shkallën e plotë të ndërprerjes së X.

X nuk iu përgjigj kërkesës së CNN për koment. Përdoruesit e X raportuan gjithashtu se kishin pasur probleme të enjten, sipas DownDetector.

Continue Reading

Të kërkuara