Teknologji

Emaili, një prej metodave më efikase

Marketingu përmes emailit është njëra prej metodave më efikase të përmbajtjes së marketingut.

Published

on

Përderisa ne të gjithë mund t’a pranojmë se duhet të angazhohemi më shumë në një strategji për të maksimizuar përgjigjet tona ndaj emaileve, mund të jetë e vështirë të dimë se ku të fillojmë. Pas të gjithash, ne dërgojmë dhe pranojmë emaile çdo ditë por kurrë nuk studiojmë shkencën e asaj se çfarë e bën një fushatë të suksesshme. Mos u brengosni, sepse kam përmbledhur disa këshilla të dobishme për ju

Ju nuk po dërgoni emaile të konfirmimit

Konfirmimet janë njëra prej mënyrave më të sigurta për të rritur abonimet tuaja, por ende vetëm 26 përqind e kompanive të njohura i dërgojnë ato. Emailet e konfirmimit shtojnë një shtresë të besimit për konsumatorët e rinj, duke i siguruar ata se aplikacioni i tyre është marrë parasysh. Merrni kohën për të vendosur këtë; do të shihni më shumë rezultate menjëherë.

Ju nuk keni stimulim

Sipas Wordstream, emailet me stimulim rrisin klikimet në 371 përqind, dhe shitjet në 1,617 përqind, e cila do të thotë se kjo strategji mund të rrisë biznesin tuaj jashtëzakonisht shumë. Filloni duke dhënë përgjigje vepruese për të angazhuar më shumë abonentë.

Përmbajtja juaj nuk lidhet me ta

Përderisa është e rëndësishme të keni përmbajtje të cilat shtyjnë shitjet, ajo përmbajtje duhet të lidhet me audiencën tuaj. Mbani në mend, ju jeni pjesërisht një burim edukimi/argëtimi për abonentët tuaj, kështu që mbajeni atë në mend kur krijoni një postim.

Ju dërgoni emaile në kohën e gabuar

Besojeni ose jo, ka një shkencë e cila tregon në çfarë kohe të dërgoni email. Sipas Hubspot, koha më e mirë është 11 paradite, e cila, varësisht nga industria juaj, mund të jetë një këshillë e mirë për ta testuar.

Ju nuk optimizoni rreshtat e subjektit

Kjo është e ngjashme me stimulimin, duhet të zgjidhni me kujdes çfarë përdorni për të fituar më së shumti përgjigje. Siç është thënë në një tjetër studim nga Hubspot, pothuajse gjysma (47 përqind) e tregtarëve të anketuar thanë se ata testojnë optimizimin e rreshtave të subjektit. Kjo mund të funksionojë mirë edhe për ju, gjithashtu, nëse përqindja e hapjes është e ulët.

Emailet tuaja nuk janë të personalizuara

Emailet e personalizuara janë një gjest i vogël, por i cili është dëshmuar se rrit përqindjen e hapjes. Në studimin nga Hubspot, u zbulua se emailet e personalizuara kishin një përqindje të hapjes 17.6 përqind, krahasuar me 11.4 për qind të mesazheve jo të personalizuara. Plus, ka shumë shërbime të cilat mund t’a automatizojnë këtë proces për ju, si MailChimp.

Ju nuk përdorni emailin si kanal primar

Edhe pse ne e konsiderojmë median sociale si mbret, emaili ende është buka dhe gjalpi i përmbajtjes së marketingut. Në një studim nga Mailigen, 89 përqind e tregtarëve thanë se emaili është kanali i tyre primar. Pra, po, emaili ka shumë vlerë për biznesin tuaj.

Emailet tuaja nuk janë të dizajnuara për telefon

Telefoni përbën 54 përqind të emaileve të hapura, prandaj, nëse ju nuk optimizoni përmbajtjen tuaj për të fituar përgjigje nga ajo, ju mund të humbisni gjysmën e bazës së konsumatorëve. Një rregullim i shpejtë për këtë është të përdorni dizajne të rregulluara nga të cilat fitoni përgjigje.

mailet tuaja kanë shumë fotografi

Fotografitë janë një mjet i mirë për email, por siç është shënuar në studimin e Hubspot më lartë, sa më shumë fotografi që keni, aq më shumë ka gjasa që përqindja e klikimeve të bie. Mos lejoni që fotografitë dhe grafikat të jenë hutuese, por mjetet të cilat rrisin angazhimin.

Juve iu mungon reklamimi i vetes.

Nëse emaili nuk duket se po vjen nga ju, atëherë cili është qëllimi i dërgimit të atij? Konsumatorët do të ndihen shumë më të sigurtë me emaile të cilat përmbajnë udhëzimet tuaja. Arsyeja: Ata do të krijojnë besim, si pasojë e kujdesit tuaj. Merrni kohë për të investuar në reklamimin tuaj, dhe do ju shpaguhet jashtëzakonisht shumë.

Ju nuk po arrini metrikat e duhura për industrinë tuaj

Siç është shënuar nga Smart Insights, përqindja mesatare e klikimit për një industri mund të dallojë nga 15 në 28 përqind, kështu që është e rëndësishme të krahasoni veten vetëm me njerëzit tjerë brenda fushës tuaj. Tentimi për të shënjestruar jashtë këtij grupi mund të jetë gjë e mirë më vonë, por për tani është e rëndësishme të matni se ku shtrihet konkurrenca dhe si mund të arrini një metrikë të arsyeshme.

Përmbajtja juaj është shumë e gjatë

Askujt nuk i pëlqen të lexojë emaile të gjata, kështu që mos i lodhni konsumatorët me ato. Kjo është njëra prej mënyrave më të shpejtë për të humbur abonentë, dhe gjithashtu, konsumatorë të rinj. Fokusohuni në pikat më të rëndësishme të mesazhit tuaj, përfshini një stimulim, dhe bëhuni informues dhe argëtues.

Nëse mendoni se nuk mund të arrini këto qëllime, mund të jetë ide e mirë të sjellni dikë që t’i bëjë këto për ju. Kjo do iu shpaguhet më shpejtë se sa e prisni.

Continue Reading

Teknologji

Një nga kompjuterët më të rrallë në histori, Apple-1 shitet për 475 mijë dollarë

Published

on

Një nga kompjuterët më të rrallë dhe më ikonik në historinë e teknologjisë, modeli Apple-1, është shitur për një shumë marramendëse prej 475 mijë dollarësh amerikanë në një ankand të mbajtur në Boston.

Ky kompjuter është pjesë e grupit të parë prej vetëm 50 njësish, të prodhuara me dorë nga bashkëthemeluesit e Apple, Steve Jobs dhe Steve Wozniak, në vitin 1976.

Sot, ekzistojnë nëntë ekzemplarë funksionalë të këtij modeli, duke e bërë të rrallë dhe të kërkuar nga koleksionistët. Modeli i shitur, i njohur si “Byte Shop Apple-1”, përfshin një kabinetë prej druri të ngurtë dhe është në gjendje të plotë pune një faktor kyç që ndikoi në çmimin përfundimtar.

Fillimisht ishte vlerësuar se do të shitej për 300 mijë dollarë, por interesi i madh dhe gjendja e shkëlqyer e pajisjes bënë që ai të shitej shumë mbi këtë pritshmëri.

Kompjuteri i njohur si “Moore Apple-1” i përkiste June Blodgett Moore, e cila është njohur si gruaja e parë që ka diplomuar në Fakultetin e Drejtësisë në Universitetin Stanford.

Apple-1 erdhi në ankand me komponentët tastierën, interfejsin për kaseta dhe softuerin Apple BASIC.

Një video demonstruese e funksionimit të tij, e realizuar një ditë para ankandit, i shtoi vlerë të konsiderueshme ofertës.

Në kohën kur u lansua, Apple-1 shitej për 666.66 dollarë, ai përfaqëson pikë kthese në historinë e kompjuterëve personalë, konsiderohet si gurthemeli mbi të cilin u ndërtua perandoria e teknologjisë. /A.Z/UBT News/

 

Continue Reading

Teknologji

Spotify surprizon përdoruesit me një risi të madhe

Published

on

Në selinë qendrore të Spotify duket se po ndodhin ndryshime të mëdha. Brenda më pak se një jave, kompania ka sjellë një tjetër lajm të mirë për përdoruesit.

Tani, dëgjuesit mund të zgjedhin dhe të dëgjojnë çdo këngë që duan, pa pagesë.

Ky ndryshim vjen pasi Spotify prezantoi përmirësime për shërbimin Premium dhe vendosi të ofrojë një avantazh të ri për përdoruesit e planit falas, pa rrezikuar humbjen e abonentëve.

Llogaritë me planin falas kanë mundësi të zgjedhin çdo këngë dhe ta dëgjojnë, një opsion që ishte i rezervuar vetëm për abonentët Premium.

Ky funksion do të jetë i disponueshëm globalisht duke filluar që sot. /A.Z/UBT News/

Continue Reading

Teknologji

Google shkaktoi kaos, gati 77 për qind e faqeve u prekën

Published

on

Në mes të shtatorit 2025, Google pa paralajmërim hoqi parametrin e URL-së “&num=100”, i cili lejonte që në një faqe kërkimi të shfaqeshin 100 rezultate njëherësh.

Edhe pse duket ndryshim teknik i vogël, ky veprim shkaktoi trazira të mëdha në komunitetin SEO, ndikoi në funksionimin e mjeteve të ndjekjes së renditjes dhe deformoi të dhënat statistikore. Mendohet se ka ndikuar në rreth 77% të faqeve.

Parametri “&num=100” ishte baza e softuerëve që monitoronin pozicionet në Google, lejon skanimin e 100 rezultateve me kërkesë të vetme.

Pas heqjes së tij, mbledhja e të dhënave u bë dhjetë herë më komplekse:

Para: 1 kërkesë = 100 rezultate

aPas: 10 kërkesa = 100 rezultate

Kjo sjell më shumë kërkesa për serverat e Google, rritje të kostove infrastrukturore dhe më shumë kompleksitet në mbledhjen e të dhënave. Pasojat përfshijnë panelet e kontrollit të prishura, të dhëna të humbura për renditjen dhe raporte të paplota të SERP-it. Disa mjete kanë kufizuar ndjekjen në 20 rezultatet kryesore për të zbutur kostot e rritura, pritet që kosto të transmetohen tek përdoruesit përmes rritjes së çmimeve të abonimeve.

Efektet në Google Search Console (GSC)

Ndryshimi ka ndikuar edhe në të dhënat e GSC-së. Shumë pronarë faqesh kanë vënë re ulje të shikimeve në desktop, pozicioni mesatar i faqeve ka pësuar rritje, se botët që ndjekin renditjen nuk mund të regjistrojnë më shikime për pozicionet 11-100 në të njëjtën faqe. Përpara, parametrin aktiv mundësonte që edhe faqet në pozicione të largëta të regjistronin shikime, duke kontaminuar të dhënat e mëparshme.

Arsyet e ndryshimit:

Google nuk ka dhënë shpjegim, por ekspertët e SEO sugjerojnë disa motive: Vështirësimi i scraping-ut: pengon mbledhjen automatike të të dhënave nga SERP. Mbrojtja e infrastrukturës: ul ngarkesën e serverave. Kontrolli i të dhënave: inkurajon përdorimin GSC e API zyrtare.

Mbrojtja ndaj konkurrencës së AI: redukton mundësitë që mjete ose modelet AI të përdorin indeksin e Google për krijimin automatik të përgjigjeve. /A.Z/UBT News/

Continue Reading

Teknologji

Apple konfirmon: iOS 26 mund të ndikojë në baterinë e iPhone

Published

on

Apple ka lëshuar një njoftim të rëndësishëm lidhur me përditësimin e fundit të sistemit operativ, iOS 26.

Kompania pranon se instalimi i versionit më të ri mund të shkaktojë një rritje të përkohshme të konsumit të baterisë, diçka që përdoruesit e kanë vënë re pas çdo përditësimi të madh.

Arsyeja kryesore është se pas instalimit, shumë procese në sfond fillojnë të funksionojnë, si indeksimi i të dhënave, shkarkimi i burimeve shtesë për funksione të reja dhe përditësimi automatik i aplikacioneve.

Apple siguron përdoruesit se kjo është normale dhe se bateria do të kthehet në performancën e saj normale brenda disa ditësh, pasi këto procese përfundojnë.

Edhe pse funksionet e reja rrisin ngarkesën mbi procesorin, ndikimi në performancë dhe konsum energjie është minimal.

Kompania këshillon përdoruesit të mos shqetësohen për ngrohjen fillestare të pajisjes dhe shpejtësinë e shtuar të konsumit të baterisë.

Për ata që janë më skeptikë, Apple sugjeron të presin përditësimet e para me rregullime gabimesh para se të instalojnë versionin e ri të iOS. /A.Z/UBT News/

Continue Reading

Të kërkuara