Lajmet

EMA: Përhapja e shpejtë e Omicronit çon në endemi

Cavaleri: “Jemi të shqetësuar për doza shtesë të vaksinave në afat të shkurtër,”.

Published

4 years ago

January 12, 2022

Betim Gashi

Përfaqësuesit e Agjencisë Evropiane të Barnave (EMA) theksuan se pavarësisht se përhapja e llojit Omicron të koronavirusit (COVID-19) nuk konsiderohet pozitive, kjo mund të shkaktojë një proces që do të çojë nga pandemia në endemi.

Zyrtari i EMA-s përgjegjës për strategjinë e vaksinimit, Marco Cavaleri, mbajti një konferencë për media ku foli për pandeminë COVID-19 dhe vaksinimin.

I pyetur se kur do të shohim dritën nga fundi i tunelit, Cavaleri tha se ende nuk dihet, por ajo që vihet re është se virusi po merr një gjendje endemike.

”Megjithatë, ajo që nuk mund të themi është se kemi arritur një gjendje endemike. Koronavirusi vazhdon të sillet në mënyrë pandemike. Këtë e tregojnë edhe urgjencat e shkaktuara nga Omicroni”, tha Cavaleri.

Ai theksoi se nuk duhet harruar se jemi ende në pandemi.

Sipas tij, rritja e imunitetit tek njerëzit, si dhe përhapja e llojit Omicron, përveç vaksinave dhe rritjes së imunitetit natyror, mund të çojë drejt një procesi të përshpejtuar që është më afër endemisë sesa pandemisë.

Ai iu referua edhe pretendimeve të Organizatës Botërore të Shëndetësisë (OBSH) se në muajt e ardhshëm më shumë se gjysma e popullsisë në Evropë mund të infektohet me llojin Omicron.

Po ashtu theksoi se janë të shqetësuar për barrën që mund të sjellë vala e Omicron-it dhe se “duhet të përgatitemi për pasojat e kësaj vale, ndonëse sëmundja duket se shkakton simptoma më të lehta”.

Duke iu referuar faktit se lloji Omicron është më ngjitës, Cavaleri tha se një numër i madh njerëzish do të ekspozohen ndaj virusit, edhe nëse nuk shfaqin simptoma.

”Kjo do të thotë se mund të vijë deri të forcimi i imunitetit natyror. Arritja e imunitetit shtesë është shumë e rëndësishme sepse mund të mundësojë që infeksioni të bëhet endemik. Përhapja e madhe e Omicronit nuk është një lajm i mirë, por pasi kjo valë lë pasoja në Evropë dhe vende të tjera të botës, fakti që një numër i madh njerëzish do të infektohen mund të kuptohet se kemi imunitet të fortë që do të na çojë nga pandemia në endemi”, tha Cavaleri.

Ai iu përgjigj edhe pyetjes nëse vaksinat kundër COVID-19 do të kërkojnë dozën e katërt. Ai tha se ende nuk ka të dhëna të mjaftueshme shkencore.

“Jemi të shqetësuar për doza shtesë të vaksinave në afat të shkurtër,” tha Cavaleri.

Më tej, shtoi se dozat shtesë duhet të jenë pjesë e një strategjie gjithëpërfshirëse.

”Nuk mund të marrim një dozë shtesë të vaksinës çdo tre ose katër muaj. Për shembull, nëse marrim një dozë shtesë çdo katër muaj, mund të mos marrim përgjigjen e dëshiruar nga sistemi imunitar. Prandaj duhet të kemi kujdes që të mos e rëndojmë sistemin imunitar me vaksinime të përsëritura. Përveç kësaj, doza shtesë të vazhdueshme te njerëzit mund të shkaktojnë ngopje”, tha Cavaleri.

Ai shtoi se vaksinimi shtesë mund të bëhet një ose dy herë, por se kjo nuk është një situatë që kërkon përsëritje të vazhdueshme.

Cavaleri tha se mund të mendohej për doza që do të jepeshin në intervale më të gjata.

“Ideale do të ishte, nëse vjen deri te skenari që çon në endemi, doza shtesë të sinkronizohen me vaksinat e gripit me ardhjen e dimrit”, tha Cavaleri./

Lajmet

FIFA propozon rregull të ri për pushim të detyrueshëm mes ndeshjeve

Published

4 hours ago

November 11, 2025

UBT News

FIFA po shqyrton një ndryshim të madh në rregullat e futbollit, duke propozuar një pushim të detyrueshëm prej 72 orësh mes ndeshjeve, për të mbrojtur mirëqenien e futbollistëve.

Ky propozim synon të shmangë situata ku ekipet luajnë disa ndeshje brenda pak ditësh, siç ndodh shpesh në Premier League, veçanërisht në periudhat para Krishtlindjeve.

Një shembull është Crystal Palace, që këtë sezon do të ketë tre ndeshje në gjashtë ditë, ndërsa Arsenali do të luajë dy herë brenda tre ditësh, gjë që do të ndalohej me rregullin e ri.

Megjithatë, një pushim i tillë 72-orësh do të krijonte vështirësi në oraret e ngjeshura të garave si Europa League dhe Conference League. FIFA theksoi se çdo vendim do të merret vetëm pas dakordimit me palët përkatëse dhe nuk do të hyjë në fuqi para vitit 2031, kur pritet kalendari i ri ndërkombëtar i ndeshjeve.

Propozimi është pjesë e një diskutimi më të gjerë për ngarkesën fizike të lojtarëve, që ka shkaktuar kritika të shumta nga trajnerë si Jurgen Klopp dhe Carlo Ancelotti.

Në të njëjtën kohë, FIFA po krijon edhe një fond prej 20 milionë dollarësh për të ndihmuar futbollistët që nuk kanë marrë pagat e tyre të plota nga klubet në vështirësi financiare./S.K/KP/

Lajmet

Juventusi krahason Zhegrovën me legjendën Pavel Nedved

Published

5 hours ago

November 11, 2025

UBT News

Skuadra italiane Juventus ka bërë sot një postim interesant në rrjetet sociale duke e shoqëruar me një foto ku shfaqen legjenda e klubit, Pavel Nedved, dhe reprezentuesi kosovar Edon Zhegrova.

Në mbishkrimin e fotos, Juventusi shkroi:

“Sot është data 11/11. Një numër me storien e tij”, duke nënvizuar simbolikën e numrit 11 që mbanin të dy futbollistët në fanellë.

Ky postim ka tërhequr vëmendje të madhe nga tifozët, pasi klubi italian vendosi përkrah njëri-tjetrit Nedvedin, një nga figurat më të mëdha në historinë e Juventusit, dhe Zhegrovën, yllin e Kosovës që aktualisht ndodhet në Kosovë duke u përgatitur me dardanët për ndeshjet kundër Sllovenisë dhe Zvicrës./S.K/KP/

Lajmet

Yamal si “mollë sherri” mes Barcelonës dhe Federatës Spanjolle të Futbollit

Published

5 hours ago

November 11, 2025

UBT News

Një tjetër përplasje është shënuar mes Barcelonës dhe Federatës Spanjolle të Futbollit (RFEF) pas tërheqjes së Lamine Yamal nga grumbullimi i kombëtares.

Sipas gazetarit César Suárez, lojtari i Barcelonës iu nënshtrua një procedure mjekësore me radiofrekuencë për të trajtuar një shqetësim pubik, pa u njoftuar paraprakisht stafi mjekësor i RFEF-së.

Procedura kërkon një periudhë pushimi prej 7 deri në 10 ditësh, çka e detyroi 17-vjeçarin të largohej nga kampi stërvitor në Las Rozas.

Federata reagoi me një deklaratë zyrtare duke shprehur habinë dhe shqetësimin për mungesën e komunikimit nga Barcelona dhe njoftoi se lojtari nuk do të jetë i disponueshëm për ndeshjet kundër Gjeorgjisë dhe Turqisë, në kuadër të kualifikimeve për Kupën e Botës 2026.

Ky rast ka ngritur tensione të reja midis klubit katalanas dhe përfaqësueses spanjolle, me RFEF që e cilëson situatën si “shkelje të besimit” në marrëdhëniet mes dy palëve./S.K/KP/

Lajmet

Fillon tërheqja e pakove me fletëvotime jashtë Kosovës

Published

5 hours ago

November 11, 2025

UBTnews

Komisioni Qendror i Zgjedhjeve ka njoftuar se ka filluar tërheqja e pakove të supozuara me fletëvotime që i takojnë votimit me postë jashtë Kosovës në raundin e dytë të zgjedhjeve për kryetarë të 18 komunave të vendit.

Tërheqja e pakove me fletëvotimve do të bëhet nga kutitë postare të KQZ-së në 22 shtete të ndryshme, të cilat pasi të arrijnë në Kosovë do t’i nënshtrohen procesit të vlerësimit dhe numërimit në Qendrën e Numërimit dhe Rezultateve (QNR).

“Gjatë procesit të regjistrimit, numri i shtetasve të regjistruar për të votuar përmes postës në raundin e dytë të zgjedhjeve për Kryetarë të 18 komunave është: 29,725”, tha KQZ./EO